АНУ-ын Нью Жерси мужид олныг гайхшруулсан үзүүлбэр үзүүлж байсан залуу илбэчин Спесер Хорсман бүтэлгүйтсэн байна. Тэрээр олны нүдэн дээр усаар дүүргэсэн аквариумд гар, хөлөө гинжлүүлж ороод хоромын төдийд гарч ирэх ёстой байв. Гэтэл үзүүлбэрт алдаа гарч илбэчин аквариумаас гарах гэхэд хаалга нь онгойхгүй байв.
"Аквариумаас зугтах" гэдэг нэртэй энэхүү үзүүлбэр нь аюултай аж. Өмнө нь залуу төдийгүй туршлагатай илбэчин энэхүү үзүүлбэрийг үзүүлэх гэж байгаад нас барж байжээ.
Залуу илбэчин Спесер Хорсманы үзүүлбэрийг телевизийн шоу болгон үзүүлэхээр телевизийнхэн бичлэг хийж, гудамж талбайд хүмүүс цугласан байсан гэнэ. Харамсалтай нь өөртөө итгэлтэй байсан уран бүтээлчийн үзүүлбэр амжилтгүй болж тэрээр ухаан алдаад удаагүй байхад нь түүнийг гарган авсан байна.
