Нэгэн үе залуусын цөсийг хөөргөн рок попын ертөнцөд мэндэлсэн "Номин талст" хамтлагийнхан уран бүтээлээс хөндийрч, төрийн албан хаагчид болжээ. Хамтлагийн дуучин Т.Хангэрэл буюу Хаазаа хамтлагынхан дундаасаа түрүүнд төрийн албан хаагч болсныг уншигчид маань мэдэх биз. Төр солигдохоос өмнө тэрээр Гадаадын иргэн харьяатын асуудал эрхлэх газрын Харьяатын хэлтсийн даргын албыг хашиж байгаад өнгөрсөн зун ажлаа өгсөн байна.
Тэгвэл түүний дараагийн буухиаг хамтлагийн ахлагч, дуучин Д.Батсүх, А.Хаянхярваа нар үргэлжлүүлж байна. Тодруулбал, Нийслэлийн Аялал, жуулчлалын газрын даргын албан тушаалд тус хамтлагийн ахлагч, дуучин Д.Батсүх, нийслэлийн Хөрөнгө оруулалтын газрын дэд даргаар дуучин А.Хаянхярваа нар томилогджээ. Тэд өнгөрсөн долоо хоногт даргын ажлаа албан ёсоор хүлээн авч, ажилдаа оржээ.
Ийнхүү "Номин талст" хамтлагийн гурван гишүүн буюу дуучин Т.Дэлгэрмөрөнгөөс бусад нь даргын алба хашиж, төрийн албан хаагчид болж байна.
Мөн Нийслэлийн бусад харъяа агентлаг, газрын дарга нарын томилгоог танилцуулъя.
– Нийслэлийн Тээврийн газрын даргаар Д.Отгонбаатар
– Нийслэлийн Соёл, урлагийн газрын даргаар Ж.Дамдинцэрэн
-Нийслэлийн Хөрөнгө оруулалтын газрын даргаар н.Ариунбаяр
-"Улаанбаатар цахилгаан түгээх сүлжээ"-ний даргаар н.Баярсайхан
-Нийслэлийн Агаарын бохирдлыг бууруулах газрын даргаар М.Дэлгэрэх
-Нийслэлийн Боловсролын газрын даргаар Ж.Гантулга
-Нийслэлийн Гэр хорооллын дэд бүтцийн газрын даргаар М.Ганбаатар
-Ус сувгийн удирдах газрын даргаар Ц.Төрхүү
-Монголын хүүхдийн ордны даргаар Б. Цэнгэлмаа
-"Монгол наадам цогцолбор" орон нутгийн өмчит үйлдвэрийн газрын даргаар Н.Батсүмбэрэл
-Нийслэлийн Мэдээлэл технологийн газрын даргаар М.Энхболдын багт ажиллаж байсан н.Чинзориг нар тус тус томилогджээ.
Эх сурвалж: Mongolcom.mn
