“Oscar”-ын шагналт, нэрт продюссер Андре Морган, “Hollywood School house”-ийг үүсгэн байгуулагч Феррис Вебе зэрэг олон улсад нэр хүндтэй уран бүтээлчид хүндэт гишүүнээр нь сонгогдон ажилладаг “Азийн дэлхийн шилдэг кино наадам” өнгөрсөн сарын 24-нөөс энэ сарын 1-ний өдрүүдэд болж өндөрлөлөө.
Тэгвэл энэ жил манай улсаас энэхүү кино наадамд “Итгэл”, “Ээж” кинонууд оролцож, Азийн шилдэг бүтээлүүдтэй өрсөлдсөн юм.
Тэгвэл монголчуудаа төлөөлөн очсон манай уран бүтээлчид зорилгоо биелүүлжээ. Монголын кино урлаг дэлхийд дахин үнэлэгдэж, “Итгэл” УСК Asian world film festival 2016 наадмаас “Audience Award” шагналын эзэн болсон байна.
Энэ удаагийн наадамд Ази тивийн 50 гаруй орны кино уран бүтээлчид оролцож, 7 номинацид өрсөлдсөн бөгөөд “Итгэл” кино үзэгчдийн таашаалд нийцсэн бүтээлээр ийн шалгарлаа.
www.mminfo.mn
