Удмаас хурдан хүлгийн давхианд
Уургын үзүүрт салхи исгэрнэ
Уулын нугын өвс нь сугсраад
Дөрөөн таваг шүргэн байна
Адуу минь зүсээрээ сайхан байна
Адуучин би жаргаж явна
Өвс нь халиурч ус нь харзлаад
Уулсын дундаа дулаахан байна
Туулай сайхан зоо нь сортоод
Түмэн агт минь тарган байна
Зөөлөн салхи хацар илбээд
Зуны түрүүч хавар ирэхэд
Зуун түмэн адуугаа туугаад
Заяаны амраг чамдаа очино доо
