2017 оны ерөнхий зурхай

ХОНЬ

03.21-04.20

Эрхшээгч гариг: Ангараг, Дэлхий ван.
Махбод: Гал.
Билэг тэмдэг: Хонь, Цаа буга, Улаан шар, Ногоон квадратууд. 
Ээлтэй өдрүүд: Мягмар.
Ээлгүй өдрүүд: Баасан, Бямба. 
Металл: Төмөр, Ган.
Үнэт чулуу: Бадмаараг, Анар, Очир эрдэнэ.
Ургамал: Хонгорзул. 
Тоо: 5,7,9.
Тохирох өнгө: Улаан.
Үл нийцэх орд: Жинлүүр.

Өнгөрсөн Мичин жил танд урьдчилан тааварлашгүй олон зүйл тохиож уснаас хуурай гарах шахуу чамгүй зүйлд сургасан. Тахиа жилд мөн Хонины ордныхныг багагүй сонирхолтой зүйлс хүлээж байна. Жилийн сорилд бууж өгөлгүй бүх чадлаараа хичээгээрэй. Муу зуршилаасаа хамгийн түрүүнд салах хэрэгтэй. Жилийн эхэнд эрч хүчтэй Хонины ордныхонд гэнэтийн боломж гарна. Хавар таны амьдралд бага зэрэг өөрчлөлт орно, хамтрагчид нэмэгдэж, чухал гэрээнүүд олноор хийгдэх төлөвтэй. Мичин жилийн аз тахиад ч үргэлжлэх боломжтой. Тахиа намар тийшээ урьдчилан тааварлашгүй зүйл тохиож заримдаа цохилт авч магадгүйг бүү мартаарай. Энэ эрсдүүлийг хамтрагч түншүүдийн урвалт, найз нөхдийн нүүр буруулалт зэргээр та зунаас мэдэрч эхлэнэ. Үүнд хонинууд хэтэрхий их санаа зовох хэрэггүй, бүх зүйлээ маш сайн нягтлан шалгаж байгаарай. Өмнөх амжилтуудаа санаж хувь тавиланд гомдохгүй байх нь хамгийн чухал. Хэрэв та сэтгэлзүйн тэнцвэртэй байдлаа хадгалж чадвал Тахиа жилийн цохилтонд өртөхгүй санхүүгээ өсгөж мөнгө хангалттай олно. Зуны дунд сараас Хонь жилтнүүдэд хэд хэдэн гэнэтийн зүйл тохиолдоно гэж  зурхайчид үзэж байна. Танд хувийн амьдрал, карьерээ өсгөх хоёроос сонголт хийх мөч тулгарна. Шийдвэрээ гаргахаас өмнө сайтар бодоорой. Тахиа жил гэр бүлд ээлтэй боловч ажил мэргэжлээ сонгосон ч амжилт дагалдана. Гэхдээ гэр бүлийн гишүүдийн урам хугарч магадгүй тул тэдэндээ өөрийгөө гэртээ бага цаг зарцуулна, гэхдээ санхүүгийн хувьд чамлахааргүй хөрөнгө оруулалт хийнэ гэдгийг урьдчилж ойлгуулах хэрэгтэй. Есдүгээр сард хонинууд маш бүтээлч байх ба төлөвлөгөө, шинэ санаанууд чинь эргэн тойрныхны дэмжлэгийг сайн авна. Магтаал талархал хүлээж буй үеийг ашиглан өөрийн хөдөлмөрийг сурталчилах боломжтой, өрсөлдөгчид чинь ч хүлээн зөвшөөрнө. Аравдугаар сар гэхэд та зөв замыг олчихсон байх болно. Энэ сард гол нь амжилтандаа ташуурахгүй байх хэрэгтэй, таныг жаргалдаа мансуурч байх хооронд хэн нэгэн хорлох зүйл хийж болзошгүй юм. Тахиа жилд толгой сэргэг эрүүл ухаанаар сэтгэж бууж өгөхгүй байж чадвал 11, 12-р сарын турш мөн амжилттай байх болно. 

ХАЙР ДУРЛАЛЫН ЗУРХАЙ

2017 онд хайртай хүнтэйгээ харьцаагаа сайжруулах алдаагаа засахад тохиромжтой үе юм.

3-р сарын 21-ээс 3-р сарын 30-нд төрсөн хониныхны хувьд тахиа жил таныг олон учрал амьдралаа хүссэнээрээ өөрчлөх цэгцлэх олон боломжууд хүлээж байна.
Ганц бие хонинууд үнэн сэтгэлээсээ дурласан бол харилцаа хялбархан үүсгэнэ. Гэр бүл зохиох цаг нь ирээгүй бол ганц биеийн жаргалийг хангалттай эдлэж болно. Гэр бүлтэй хонинууд бүл нэмэх тухай бодож болох ба тахиа жилд шинэ хүмүүс ихээр мэндэлнэ. 2017 оны тахиа жилд төрөх хүүхэд царайлаг ба онцгой авьяастай болно.

3-р сарын 31-ээс 4-р сарын 10-нд төрсөн хонины ордныхны хувийн амьдрал төгс сайхан байх ба эргэн тойрноо анзаарах шаардлага гарахгүй. Ганц бие хонинуудыг хүчээр гэрлүүлэхээс өөр айлгах зүйлгүй. Тайван байдлаа хадгалж бусдын мэдрэмжээр бүү тоглоорой, эсрэг хүйстнээ анхааралтай ажиглаарай

4-р сарын 11-ээс 4-р сарын 20-нд төрсөн хонины ордныхон. Таны шулуухан зан Тахиа жилд хамтрагчтайгаа харилцах харилцаанд шийдвэрлэх үүрэг хүлээнэ. Хамтрагч тань таны хүүхдийнх мэт ертөнцөд сэтгэл татагдаж халамжлахыг хүснэ. Хүүхдийн дүрийг хэтрүүлж болохгүй хамтрагчид тань сөрөг сэтгэгдэл төрж болзошгүй. Хонь жилтнүүдэд гэр бүл зохиоход тааламжтай жил бөгөөд гайхалтай гэрлэлт хүлээж байна. Гэр бүлийн хүнийхээ санхүүгийн эрх чөлөөнд халдахгүй бол бат бөх сайхан гэр бүл үүснэ. 

АЖИЛ ХЭРЭГ

2017 онд санхүүгийн гэрээ хэлэлцээрүүд, эрсдэлтэй ажил хэргээр дүүрэн байна. Эрсдэлийг марталгүй сайн тооцож нягт нямбай ажиллаарай. 

3-р сарын 21-ээс 3-р сарын 30-нд төрсөн хонины ордныхон. Олонх нь Шинжлэх ухааны салбарт гялалзсан амжилт гаргана. Таны хүч хөдөлмөр өндөр үнэлэгдэнэ, гэвч ололтоо ухаалаг зарцуулж шалихгүй зүйлд мөнгө бүү үрээрэй. Шинэ ажил хэрэг эхлэхэд муугүй, өөрийн төсөлд хөрөнгө оруулалт хийвэл тахиа жилд заавал ашиг олно. 

3-р сарын 31-ээс 4-р сарын 10-нд төрсөн хонины ордныхны хувьд энэ жил ажил хэргийнхээ эцсийг үзэх тэсвэр тэвчээр алдагдах боловч хэрэгтэй хүмүүстэй танилцаж нэр хүндээ өсгөх таатай боломжууд гарна. Шинэ танил ажлын санаачлагыг гартаа авах ба танд зааварчилах, өөрийн олон санаануудаас оновчтойг шингээх үүрэг үлдэх ба тун удахгүй амжилтанд хүрнэ. 

4-р сарын 11-ээс 4-р сарын 20-нд төрсөн хонины ордныхон.Та дурын ажил хэргээс амжилт олох боломжтой бөгөөд хамгийн гол нь өөртөө тааламжтайг нь сонгоорой. Таны нэр хүнд маш их өсөх ба  атаархагчдаас болгоомжлоорой. Хамт ажиллагсдын зарим нь таныг дэмжинэ, гэхдээ муу санаатнуудаас хол байж, үг хэлэндээ бодолтой байж, төлөвлөгөө бүрээ нэг бүрчлэн хуваалцах хэрэггүй. Санхүүгийн салбарт амжилттай байна. 

ГЭР БҮЛ 

03.21-03.30-ны хооронд төрсөн хонины ордныхон. Гэр бүлийнхээ хүнийг аль болох их магтахыг хичээ. Ингэснээр та харицлаагаа сайжруулаад зогсохгүй ханиа амжилтанд хүрэхэд нь туслана. Хамтдаа цагийг өнгөрүүлж, гадаад төрхөндөө шинэ өнгө төрх нэмэх талаар хамтраад туршаад үзэхэд гэмгүй.  

03.31-04.10– ны хооронд төрсөн хонины ордныхон.  Энэ онд танд гэр бүлийн гишүүдийн хүндэтгэл маш чухал тул тэдний үлгэр жишээ болохын тулд хичээгээрэй. Хүүхдүүддээ найз нөхөр шиг хандаж,  хүүхэд насаа дурсан тэдэнтэй яг л үе тэнгийн мэт хөгжилдвөл хүүхдүүдийн идэвхи ч нэмэгдэнэ. 

04.11-04.20– ны хооронд төрсөн хонины ордныхон.  Энэ жил таны бүтээлч чадвар өндөр байна. Гэртээ зохион бүтээгчийн авьяасаа харуулж, тав тухтай уур амьсгал бүрдүүлэн,  гэрийн засвар тохижилтыг өөрөө гүйцэтгэхээс бүү ай. 

ЭРҮҮЛ МЭНД

Энэ жил аль болох их амарч, цэвэр агаарт аялал зугаалга хийхэд гэмгүй. 

03.21-03.30-ны хооронд төрсөн хонины ордныхон. Эмчийн зөвлөгөөг дагах дургүй сул тал тань энэ жил ихээхэн хор хохирол учруулж болзошгүй. Мэргэжилтнүүдийн зөвлөгөөг дагаж, бага зэргийн зовиур илэрсэн ч заавал эмчид ханд. Өөрийгөө эмчлэх гэж оролдсноор эрүүл мэндээ бүр дордуулна.  

03.31-04.10-ны хооронд төрсөн хонины ордныхон. Та энэ жил спортоор хичээллэ. Үүнд тань туслах хүмүүс ч гарч ирнэ. Энэ жил таны гол дайсан бол залхуу зан. Тиймээс бүхий л аргаар түүнтэй тэмц. бага зэргийн амжилт гаргасан ч өөрийгөө урамшуул. Ингэж эрүүл хэв маягийг баримталснаар эрүүл мэнд ямар нэг асуудалгүй байна. 

04.11-04.20-ны хооронд төрсөн хонины ордныхон. Өөртөө хяналт тавьж, дэглэм баримтлан, согтууруулах ундаанаас хол бай. Энэ жил бие галбиртаа анхаарахад тохиромжтой. Хооллолтоо зөв зохицуулан , хэт ихээр амттанд дурлахаас татгалз. 

ХҮҮХДИЙН ЗУРХАЙ

03.21-03.30-ны хооронд төрсөн хонины ордны хүүхдүүд.  Хүүхдүүд тань зангаа гаргаж эхэлнэ. Тиймээс тэднийг хөгжүүлэх бүхий л нөхцөл бололцоогоор хангаж өг. Зарим хүүхдүүд уран бүтээлийн авьяасаа нээж магадгүй тул түүний эрч хүчийг дарахгүй байхыг хичээгээрэй.  Тэд бусадтай амжилтаа хуваалцах нөхцлийг бүрдүүлж өг. 

03.31-04.10– ны хооронд төрсөн хонины ордны хүүхдүүд. Энэ үед төрсөн хүүхдүүдэд анхаарал их шаардагдана. Олон зүйл сонирхож, хурдан хугацаанд сонирхол нь буурна. Хамгийн гол нь тэвчээртэй байж тэднийг урамшуулах хэрэгтэй. Ингэснээр хүүхэд тань өөрт нь чухам юу хэрэгтэйг ойлгож авна. 

04.11-04.20– ны хооронд төрсөн хонины ордны хүүхдүүд.  Энэ жил та хүүхдээ гэрт нь байнга байлгаад байж чадахгүй л болов уу. Тэд үргэлж эрх чөлөөтэй байхыг хүснэ.  Хэт их эрч хүчтэй байх тул спортоор хичээллүүлбэл зүгээр. 

ТӨРСӨН ЖИЛИЙН ЗУРХАЙ 

Хулгана жилтэй хонины ордныхон. 2017 онд боловсролдоо анхаарахад тохиромжтой. Зөн мэдрэмж өндөр байна. Эрсдэл хийх чадвар, тэвчээртэй зан чанарын хариуд амжилт ирнэ. Хувийн амьдралд анхаарал болгоомжтой бай. 

Үхэр жилтэй хонины ордныхон.  Тахиа жил танд ивээлээ өгч ажил хэргээ амжуулахад туслана. Хэт хөнгөн хийсвэр байх хэрэггүй. Ялангуяа зарлага гаргахдаа тооцоотой бай. Танд санхүүгийн тал дээр амжилт ирэх ч хэмнэлт хийхэд илүүдэхгүй. Хувийн харилцаан дээр ч тэвчээртэй байх хэрэгтэй болно. 

Бар жилтэй хонины ордныхон.  Энэ жил таны гол зан чанар хувийн дэг журам байх болно. Эрсдэл хийх дуртай энэ ордныхон тахиа жилд хуурч мэхлэгдэхээс болгоомжил. Санхүүгийн байдал тогтвортой байх хэдий ч та адал явдал эрэлхийлнэ. Хувийн харилцаа сайна байна. Ганц бие хүмүүс хань ижлээ олох тохиромжтой үе оны эхээр тохионо. 

Туулай жилтэй хонины ордныхон.  Ашигтай хэлэлцээрүүд олон тохионо. Та худалдааны ажил эрхэлдэг бол амжилтанд хүрнэ. Хувийн амьдралын тухайд гэнэтийн бэлэг багагүй тохионо. Ганц бие хүмүүс уулзалт, болзоогоор дүүрэн байна. 

Луу жилтэй хонины ордныхон.  Тахиа жилд та ялагч байна. Ялалтанд хүрэх гэсэн таны хүсэл эрмэлзлэлийг тахиа жил ивээнэ. Оны эхний хагаст харилцаан дээр асуудал гарч мэднэ. Харин зун гэхэд нөхцөл байдал өөрчлөгдөж, таныг үнэлэх хүмүүсийн тоо нэмэгдэнэ. Санхүүгийн байдал тогтвортой байна. 

Могой жилтэй хонины ордныхон бусдыг татах чадвар өндөр байснаар ашигтай саналууд хүлээн авна. Гагцхүү зөвийг сонгох хэрэгтэй. Гэхдээ өөртөө хэт бардаж болохгүй, бүхнийг төлөвлөгөөний дагуу хий. Энэ жил оюун ухаан тань ихээхэн хэрэг болно. Энэ жил мөрийтэй тоглоомоос хол бай. Танд аз таарсан ч үргэлж од гийнэ гэж байдаггүйг санаарай. 

Морь жилтэй хонины ордныхон. Энэ жил улс төрийн салбарт орох боломж гарч магадгүй. Хүмүүсийг удирдах чадвар ажил дээр ч хэрэг болно. Удирдах албаны хүмүүс таньтай зарим шийдвэр гаргахдаа зөвлөлдөх байх. Хувийн амьдрал ер бусын байна. Уулзалт болзоо, хайраа илэрхийлэх гээд л. 

Хонь жилтэй хонины ордныхон. Энэ жил худалдааны арилжааны салбарт өөрийгөө сориод үзэхэд гэмгүй. Мөнгө санхүүгийн тал дээр муугүй байх ч бусдын санаагаар биш өөрийнхөө дотоор сэтгэлийг сонс. Бүтэн жилийн турш мөнгө санхүүгийн гачаалд орохгүй.  Гэхдээ олсон болгоноо үрээд байвал юу үлдэх вэ дээ. 

Бич жилтэй хонины ордныхон.  Маш хэцүү салбарт ч амжилт олох магадлалтай. Нөлөө бүхий хүмүүстэй хамтран ажиллана. Зарим хүмүүс нэр алдарт ч хүрч мэднэ. Хайр дурлалын тал дээр аз тохионо. Гэхдээ өөрийг тань гэсэн хүн бүртэй адал явдал эрэлхийлж гүйлгүй, сэтгэл зүрхээ л дага. 

Тахиа жилтэй хонины ордныхон.  Энэ жил аль ч салбарынхан амжилтай байх магадлалтай. Авьяас чадвартаа итгэж чадвал үүнийхээ хэрээр мөнгө олох боломжтой. Хувийн харилцаан дээр алтан дунджийг олохыг хичээгээрэй. 

Нохой жилтэй хонины ордныхон.  Энэ жил хүмүүс таныг хүндэтгэж, ур чадварыг тань хүлээн зөвшөөрөх болно. Тиймээс ажлаа үнэлүүлэх цаг нь иржээ. Мөн тэвчээртэй байвал сайн үр дүнд хүрнэ. Санхүүгийн хувьд хараат бус байдалд хүрч магадгүй. 

Гахай жилтэй хонины ордныхон. Энэ жил уран бүтээлтэй холбоотой үйл ажиллагаанд амжилттай байна. Энэ ордныхон уран бүтээлчийн замыг хэдийнэ сонгосон бол хүлээн зөвшөөрөгдөх, нэр хүндэд хүрэх зам нээгдэнэ. Дуртай ажлаа чин сэтгэлээсээ хийж чадвал санхүүгийн хүндрэлээс айхгүй байж болно.

 

ҮХЭР

Эрхшээгч гариг: Сугар.
Махбод: Шороо.
Билэг тэмдэг: Далавчтай бух, Үнээ, Тугал.
Ээлтэй өдрүүд: Даваа, Баасан
Ээлгүй өдөр: Мягмар.
Металл: Зэс.
Үнэт чулуу: Номин, Оюу.
Ургамал: Бууцай
Тоо: 6.
Тохирох өнгө: Ягаан, Шар, Хар ногоон.
Үл нийцэх орд: Хилэнц.

2017  онд үхрийн ордныхон хамгийн азтай ордуудын нэг байх болно. Ажил хэргийн тал дээр ашигтай санал олон ирнэ. Хувийн амьдрал дээр ч хэд хэдэн гэнэтийн бэлэг таныг хүлээж байна.  Гэхдээ ажил хэргийн амжилт хайртай хүмүүстэйгээ харилцах харилцаанд сөргөөр нөлөөлж мэднэ.  Алтан дунджийг барихыг хичээгээрэй.  Хаврын дундуур холын хамаатнууд чинь зочилж ирнэ.  Зургаадугаар сард шинэ ажил хэрэгт хүчээ сорих хүсэл төрнө. Үзээд алдахад гэмгүй. Зуны сүүлээр ч авьяас билгээ илрүүлэх сайхан боломж тохионо.  Наймдугаар сард хувийн амьдралд шинэ өнгө төрх нэмэгдэж, хайр дурлалтай учирч мэднэ.  Он удаан жил хүлээсэн хайрттайгаа ч учрах юм билүү.  Намар та бага зэрэг ядрах тул амралтаа авч хэсэг амсхийгээрэй. Гэхдээ амралтын ганц хоёр өдөр амрах биш харин бүтэн сараар нь амарч байж эрч хүчээ нөхнө.  Есдүгээр сарын дундуур өрсөлдөгч идэвхижинэ. Гэхдээ тахиа жил танд ивээлээ өгөх тул дайсан, өрсөлдөгчдөөс нэг их эмээхгүй, ажлаа тайван хийхэд л болно.  11 дүгээр сард гадаад түншүүдээс санал хүлээж авч магадгүй. Эргэлзэж тээнэгэлзээд хэрэггүй, ийм аз хүн бүрт тохиохгүй шүү дээ.  Гагцхүү таны идэвх чармайлтаас бүх зүйл шалтгаална. Хамтын ажиллагаа урт удаан хугацаанд үргэлжлэх тул  шинэ газар орон үзэх ч боломж гарна. 

ХАЙР ДУРЛАЛ 

04.21-04.30-ны хооронд төрсөн үхрийн ордныхон. Танд хайр дурлалын талбар дээр амжилттай байна.  Үхрийн ордныхон өдөр бүр шахуу л үлгэрт умбаж байгаа мэт байж, таны хайртай хүн таныг хэт эрхлүүлж, бэлэг сэлтээр дарна. Та ч гэсэн хайртай хүндээ өгөөмөр хандахад илүүдэхгүй. 

05.01-05.10-ны хооронд төрсөн үхрийн ордныхон.  Дур булаам , хүүхдэрхүү зан тань энэ жил танд хайр дурлалын талбарт ч амжилт авчирна. Таны хос таныг баярлуулахын тулд бүхнийг хийхийг хичээнэ. Гэхдээ хайртай хүнийхээ энэ хичээл зүтгэлийг буруугаар ашиглахгүй байхыг хичээгээрэй. Хуучин харилцаандаа цэг тавих болмож гарна. Үгүй гэж хэлэхээс бүү ай. 

05.11-05.20-ны хооронд төрсөн үхрийн ордныхон. Хайр дурлалын тал дээр одтой байж, олон тооны романтик явдалтай учирна. Энэ бүхэн тийм ч муу биш хэдий ч хэдийнэ гэрлэсэн бол сээтэгнэл, хөнгөн явдлаас зайлсхий. Хань ижил тань хардаж, гэр бүлийн харилцаанд сэв сууж мэднэ.  Танд шинэ мэдрэмж хэрэгтэй байгаа бол заавал өөр газраас адал явдал хайх хэрэггүй. Хайртай хүнтэйгээ гэрээсээ хол аялж, шинэ сэтгэгдэл төрүүлэхүйц болзоо тогтоо.  

АЖИЛ ХЭРЭГ 

04.21-04.30-ны хооронд төрсөн үхрийн ордныхон. Энэ жил дүрэм журмыг дагаж мөрдөх чадвар тань амжилтанд хүрэхэд нөлөөлнө.  Чухамхүү таныг багтаа ажиллуулахыг ямар ч дарга хичээнэ. Ажил хэргийн саналууд олон ирнэ.  Гэхдээ түр зуурын ашиг орлого, амжилт хэрэгтэй юу эсвэл удаан хугацааны хамтын ажиллагаа юу гэдгээ ухамсарлах хэрэгтэй. Хамгийн гол нь тогтвортой ажил чухал шүү дээ. 

05.01-05.10-ны хооронд төрсөн үхрийн ордныхон. Тахиа жилд та ашигтай хэрэгтэй олон хүнийг өөртөө татаж чадна. Мөнгө ч үүнийг даагад урсаад ирнэ. Гэхдээ зүгээр суухад мөнгөөр бороо орно гэдэг үлгэрт итгээд хэрэггүй. Олсон ашиг орлогоо зөв зүйлд хөрөнгө оруулалт хийж өсгө. 

05.11-05.20-ны хооронд төрсөн үхрийн ордныхон.  Энэ онд та хүрээллээсээ хамаарч суутнууд эсвэл адал явдал хайгч нэгэн болно. Тиймээс зөвхөн зөвлөгөө төдийгүй материаллаг тусламж үзүүлж чадах ашигтай хүмүүстэй харилцахыг хичээ.  Сэтгэн бодох чадвар тань аливаа зүйлд амжилт олоход тусална. Өрсөлдөгчдөө анхаарал хандуул, тэдний дунд танд хэрэг болохоор, хамтран ажиллачихаар хүмүүс ч бий. 

ГЭР БҮЛ 

Танд чухам юу хэрэгтэй байгааг ойр тойрныхон чинь шийдчихнэ гэж бүү хүлээ. Хяналтыг гартаа авч, дотны хүмүүсийнхээ өмнө хариуцлага хүлээж сур. 

04.21-04.30-ны хооронд төрсөн үхрийн ордныхон. Хэт төгс байх нь уйтгартай шүү дээ. Тиймээс гэр бүлийнхэндээ өндөр шаардлага тавих хэрэггүй. Ойр дотныхоо хүмүүст болон өөртөө ч эрх чөлөө олгож, үе үе салхинд гарч, гэр бүлийн бяцхан баяр зохион байгуулах хэрэгтэй.  Ингэж аргыг нь олж чадсан нөхцөлд гэр бүлийн уур амьсгал халуун дулаан байх болно. 

05.01-05.10-ны хооронд төрсөн үхрийн ордныхон.  Тахиа жил танд гэр орны ажил хэргийг амжуулахад туслан орон сууцны нөхцлөө хэрхэн сайжруулах талаар зөвлөгөө өгнө. Бүх зүйл маш энгийн, бага зэрэг мөнгө зарцуулж, уран сэтгэх чадвараа ашигласнаар энгийн нэгэн сууцыг уран зургийн үзэсгэлэн шиг тансаг болгож ч болно. Мөн та гэр бүлийнхэндээ авьяас билгээ нээхэд нь туслана. 

05.11-05.20-ны хооронд төрсөн үхрийн ордныхон. Энэ онд хайртай хүнтэйгээ харилцаагаа бэхжүүлэхэд тохиромжтой. Хайрттайгаа анх хэрхэн танилцаж байснаа санаж, харилцаандаа романтик байдал дахин авчрахыг хичээгээрэй. 2017 онд хоёулахнаа байгалд аялж, зугаалахад тохиромжтой.

ЭРҮҮЛ МЭНД

Тахиа жилд эрүүл мэндийн хувьд ноцтой асуудал тулгарахгүй боловч бие махбодийнхоо дохиог анхаарахаа мартаж болохгүй юм.

04.21-4. 30-ны хооронд төрсөн үхрийн ордныхон . Спортоор хичээллэж эхлэх цаг. Тахиа жилд идэвхтэй хөдөлгөөнтэй байх нь таны хувьд маш таатай бөгөөд Олимпийн эрх авахаар мэргэжлийн түвшинд биш ч гэсэн  хувийн амжилтаа тогтоох боломжтой бөгөөд эсрэг хүйстнийхээ харааг булаах болно. 

05.1-5.10-ны хооронд төрсөн үхрийн ордныхон. Тахиа таны энэ жил амьдралдаа  хэрэгжүүлэхээр шийдсэн бүх ухаалаг санааг дэмжинэ. Жилийн турш жимс түлхүү хэрэглэж маск тавьсанаар таны гоо сайханд итгэмээргүй үр дүн гарна. Туршилт хийхээс бүү ай, хоолны дэглэм сайн барьснаар гайхалтай бие галбиртай болно.

05.11-5.20-ны хооронд төрсөн үхрийн ордныхон. Өнгөрөгч онд таны бие дэндүү сульдсан тул амралтаа идэвхтэй өнгөрүүлэхийг хичээгээрэй. Роликоор гулгах, дугуй унах гэх мэтийн алийг сонгохдоо биш үр дүнг чухалчилж үзээрэй. Стресснээс хол бай. Тахиа таныг ямар нэг таагүй зүйл бухимдлаас хамгаалах болно. 

ҮХРИЙН ОРДНЫ ХҮҮХДИЙН ЗУРХАЙ

Бяцхан үхрүүд Тахиа жилд биеэ зөв авч явах ба төлөв томоотой байдал нь таныг гайхшруулна. Магтаж сайшааж тэдний үзэл бодлыг дэмжиж байгаарай.

04.21-4.30-ны хооронд төрсөн үхрийн ордныхон.Таны хүүхэд замд таарсан бүгдийг удирдахыг хүснэ, шаардлагатай тохиолдолд өөрийн эрх чөлөөг хөгжилтэй байдлаар ойлгуулаарай. Чухал ажил даалгахыг хүлээж буй бяцхан удирдагчид хариуцлагатай ажил хүлээлгэж үзэцгээе.  Хамгийн чухал нь залуухан Үхрүүдэд асуудлын учрыг өөрөө олохыг нь зөвшөөрөх хэрэгтэй.

05.1-5.10-ны хооронд төрсөн үхрийн ордныхон. Таны бяцхан үр тахиа жилд уярмаар хайр булаам, сэтгэл татсан байх болно. Та бяцхан үхрийн нөлөөнд хэрхэн автаж буйгаа анзаарахгүй. Дуртай тоглоомоо эхний гуйлтаар авч хөргөгчийг амттанаар дүүргэнэ. Хүүхдээ эрхлүүлж болно гэвч заримдаа хатуу чанга байх хэрэгтэйг мартаж болохгүй

05.11-5.20-ны хооронд төрсөн үхрийн ордныхон.Таны хайртай үр маш чухал нэгэн болох бөгөөд өөрөөсөө ахмад хүүхдүүдтэй нөхөрлөнө. Хүүхдийнхээ нэр хүнд олохын төлөө хүсэлд нь бүү саад болоорой, тэд өөрийн халдашгүй байдлаа олох болно. Бяцхан Эйнштэйн компьютер дээр өрхийн төсөв гаргаад суувал бүү гайхаарай. 

ТӨРСӨН ЖИЛИЙН ЗУРХАЙ

Хулгана жилтэй Үхрийн ордныхон: Тахиа жил Үхрийн ордны хулгана жилтнүүдийг гар хумхин залхуурч суухыг зөвшөөрөхгүй. Тахиа жилд дийлэнхийн хувьд сонирхолтой ажлын боломжууд гарах ба 2017 оныг завгүй зүтгэж өнгөрүүлснээр удирдлага тань таны хичээл зүтгэлийг өндөр үнэлэх магадлалтай. Нэгэн хэвийн ажлаас аль болох зайлсхийгээрэй.
Улаан залаат Тахиа жил танаас оргилсон хурц ажиллагаа, амжилтыг хүлээж байна.

Үхэр жилтэй Үхрийн ордныхон: Энэ жил танд уран бүтээлийн ажил хийхэд тун тааламжтай байх ба амжилтандаа ташууралгүй ярих биш хийхийг чухалчилж ухаалаг ажиллаарай. Уран зохиол, хөгжим, кино урлаг аль ч салбарыг сонгосон. Тахиа жилд та амжилт олох болно. Улс төрийн хүрээнд амжилт олох боломж өндөр байгаа бөгөөд найз нөхөд ойр дотныхны дэмжлэг маш сайн байх болно.

Бар жилтэй үхрийн орд: Тахиа жилийн хамгийн эхний өдрөөс танд ямар нэгэн шинэ гайхалтай зүйл бүтээх хүсэл төрж эхэлнэ. Хүслээ буруу зүйлд ашиглаагүй тохиолдолд та дурын салбарт амжилт олно. Зарим бар жилтэй үхрийхэнд алтан загас барьсан мэт онцгой боломж гарч ирэх бөгөөд зөвхөн чухал хэрэгцээгээ сайн бодоорой. Дипломат яриа хэлэлцээрийн ажлуудад өөрийн хичээл зүтгэл, ур чадварын хүчээр амжилт олох ба нэр хүндтэй чухал хүмүүс таныг хүлээн авч уулзахад бэлэн байх болно.

Туулай жилтэй үхрийн орд: 2017 онд та робот туулай мэт байх болно.  Ядарч сульдах эрхгүй байх ба Тахиа жил танд  маш олон хэцүү сорилт тулгана, тийм болохоор бүгдэд бэлэн байх хэрэгтэй ба улаан мөнгөгүй үе ч тулгарна. Хувийн харилцааны хувьд тааламжтай өөрчлөлт гарах бөгөөд гол нь бэрхшээлд бууж өгөхгүй зөв сонголт хийхийг хичээгээрэй, тахиа жил танд дэмжлэгээ өгөх болно.

Луу жилтэй үхрийн орд: Тахиа жилд та бүхнийг байлдан дагуулж амжилт ололтоор дүүрэн гялалзах ба ялалтын титэм таных байх болно. Ялангуяа бизнесийн хувьд амжилттай хамтрагчидтай болох ашиг орлого өндөр олох боломж хүлээж байна. Ажлын ачааллаас болж гэр бүл төрөл саднаа бүү мартаарай. Тэдэндээ анхаарал халамж тавьж баяр ёслолыг хамтдаа өнгөрүүлэхийг зөвлөе.

Могой жилтэй үхрийн ордныхон: Тахиа жилд таны оюун ухааны түвшин өндөр байх болно. Өрсөлдөгчид тань хүртэл таны шударга байдлыг хүлээн зөвшөөрч зөвлөгөөг тань дуртайяа сонсох болно. Тахиа жилд та нилээн хэдэн ирээдүйтэй чухал санал хүлээж авах ба уйгагүй байж үр дүнд хүрэх нь зөвхөн танаас шалтгаална. Ядарч сульдсан үедээ өөртөө анхаарч сувилалд явж иллэг хийлгэхийг зөвлөж байна.

Морь жилтэй үхрийн орд: Тахиа жилд олон боломжууд дунд самгардаж төөрөлдөхгүй байхыг хичээгээрэй. Жилийн эхнээс та олон санал хүлээж авах ба эрсдэлгүй сонголт хийхийг хичээж алхам бүрээ бодолтой хийгээрэй.  2017 онд гэр бүлийн харилцааны хувьд бүх төрөл төрөгсөдтэйгөө тааламжтай харилцаатай байна.
Санхүүгийн хувьд бие даасан чөлөөтэй байх болно.

Хонь жилтэй үхрийн орд: Энэ жил таны амьдрал эрс тэс боловч утга учиртай байх болно. Гэвч өөртөө амрах зав гаргаж сураарай. Энэ жил таатай амьдрах боломж гарах ба мөнгө санхүүгийн хувьд ч урд өмнөхөөсөө хангалуун байх юм. Шинэ үйл ажиллагаа эхлэхийн өмнө өөрт чухал бөгөөд сонирхолтой эсэхийг цаг гаргаж нягталж байгаарай. Хувийн бизнесээ эхлүүлж болох бөгөөд хүсэл сонирхолын дагуу гоо сайхны салон гэх мэт нээж өөрийн нэрээр нэрлэсэн ч болох юм.

Мич жилтэй үхрийн орд: Тахиа жилд та асуудал, бэрхшээлийг гайхалтай хурдтай шийдвэрлэх чадвартай байна. Идэвхтэй, хурдтай байдал нь тахиа жилд амжилт дагуулна. 2017 онд та карьерийн хувьд амжилт олох ба таны ур чадвар өндөр үнэлэгдэнэ.  Таны сэтгэл татам байдал хамт олны болон бусад хүмүүсийн итгэлийг татах болно.

Тахиа жилтэй үхрийн орд: 2017 онд танд санаа зовох зүйл гарахгүй. Таны ажил, амьдралд хүчтэй өрсөлдөгч ч гарч ирэхгүй. Тахиа жил ээлтэй байх учраас шинэ ажил хэрэг туршиж үзээрэй. Санхүүгийн хувьд одтой байх боловч их хөрөнгө зарахаас түдгэлзээрэй, хэтрүүлэх хэрэггүй. Гал улаан тахиа жилд таны хувийн амьдрал туйлын таатай байх болно.

Нохой жилтэй үхрийн орд: Энэ жил та олон хүний хүндлэлийг хүлээнэ, хамт олон тань таны үгийг дагах ба итгэлийг нь бүү алдаарай.  Ямар нэг шударга бус байдал хүмүүсийг таны эсрэг хандахад хүргэж магадгүй гэвч шударга үнэний төлөө тууштай тэмцээрэй. Тахиа жилд та нэр хүндтэй, нөлөөтэй хүн байх ба энэ таны ажил хэргийн хүрээнд эерэгээр нөлөөлж амжилтанд хүргэж орлогыг тань нэмэгдүүлнэ.

Гахай жилтэй үхрийн орд: Энэ жил уйтгарлаж суух зав олдохгүй хөгжилтэй харилцаанд байх болно. Зөв хүмүүсээр хүрээлүүлж буй эсэхээ нягтлан анхаарч байгаарай,  тахиа жил таныг сөрөг хүмүүсээс хамгаалах боловч болгоомж хэзээд илүүдэхгүй. Санхүүгийн тал дээр амжилттай байж чухал гэрээ, ирээдүйтэй ажлуудаас ашиг олно. Тахиа жилд та дэлхийн баячуудыг тэргүүлэхгүй ч өөрийнхөө хэмжээнд хангалттай амжилт ашиг олох болно.

 

ИХЭР

Эрхшээгч гариг: Буд.
Махбод: Хий .
Билэг тэмдэг: Ихэр, Баг, Гар, Од.
Ээлтэй өдрүүд: Лхагва, Ням.
Ээлгүй өдөр: Пүрэв.
Металл: Мөнгөн ус.
Үнэт чулуу: Аквамарин.
Ургамал: Ойм.
Тоо: 7.
Тохирох өнгө: Саарал.
Үл нийцэх орд: Нум.

Өнгөрсөн жил амжуулж чадаагүй ажил хэргээ гүйцэлдүүлэх боломж гарч ирнэ.  Хоёрдугаар сараас эхлэн амжилт ар араасаа цуварна. Хувийн амьдралд ч хайрын болзоо, романтик учруулуудаар дүүрэн байна. Гэхдээ хэт хөнгөн байлгүй, биеэ барьж, хүн бүртэй сээтэгнэх хэрэггүй.  Дөрөв болон тавдугаар сард амарч, амсхийх хэрэгтэй. Хамгийн гол нь ойр дотны, хайртай хүмүүстэйгээ амарч, “хэрэгтэй” хүмүүстэй уулзан цагийг өнгөрүүлэх нь хожим хэрэг болно. Зургаадугаар сарт амжилт ойрхон тул түүнийг олж авахын тулд хичээнгүйлэн ажилла. Амарч тухлах цаг одоо биш. Мөнгө санхүүтэй холбоотой ажлууд амжилттай байна.  Зуны дунд үеэр зөн мэдрэмж өндөр байна. Ажил мэргэжилдээ амжилт гаргаж, албан тушаал ахих зэргээр зав зай бага гарах тул гэр орондоо анхаарал бага хандуулж магадгүй. Тиймээс зуны сүүл үеэр гэр бүлийнхэндээ заавал цаг гаргаж, хамт амрахыг хичээгээрэй. Есдүгээр сард олон сорилт тулгарна.  Энэ үед дотоод сэтгэлээ сонсож, зөв сонголт хийвэл ажил хэрэг өөдрөг байж, мөнгө санхүүгийн тал дээр санаа зовох зүйлгүй болно.  Намрын сүүлээр хамаатан садан таныг залхааж мэднэ. Гэхдээ тэд байнга зочилж ирж, төвөг учруулдаггүй л бол хаа нэг амаа жимийгээд өнгөрөхөд зүгээр.  12 дугаар сард албан тушаал дэвших магадлалтай.

ХАЙР ДУРЛАЛ

05.21-05.30-ны хооронд төрсөн ихрийн ордныхон. 2017 онд Ихрийн ордныхны хувийн амьдрал таны хүссэнчлэн одтой байна. Таныг гэх олон хүнээс залхаж, тэднийг өөрөөсөө холдуулахыг хүссэн бол таны л хэрэг, тааллаараа бол. Харин найрсаг, аз жаргалтай гэр бүл зохиохыг хүсч байгаа бол тахиа жил тохиромжтой үе.  Гэхдээ ганц бие амьдралаас салах цаг тань үнэхээр болсон уу гэдгээ өөрөөсөө нэг асуугаад үзээрэй.

05.31-06.10-ны хооронд төрсөн ихрийн ордныхон. Тахиа жилд бүхнийг хүндээр тусгаж авах хэрэггүй. Энгийн байхыг хичээ. Ялангуяа хайртай хүн тань эрхэлж тунивал үүнд бүү гомд. Харин та ганц бие бол энэ жил хайртайгаа учрах боломж гарна, гэхдээ хүнээ сонгохдоо зөвхөн гаднах байдлаар нь биш харин мэдлэг оюун ухаан нь эн тэнцэхүйц хүнийг сонгоорой.

06.11-06.21-ний хооронд төрсөн ихрийн ордныхон. Тахиа жилд та гайхалтай дур булаам байж, нэг их хичээл зүтгэл гаргахгүйгээр удаан хүлээсэн хүнээ олно. Гадаад үзэмжиндээ анхаарал тавь. Гэхдээ энэ ордны ихэнх нь ухаан, уран цэцэн үгсээрээ бусдыг татах чадвартай.

АЖИЛ ХЭРЭГ

Энэ жил ажил хэргийн талбарт өрсөлдөгч цөөн байна. Ялангуяа бизнесийн салбарт таны мэдлэг чадвар өндөр байх болно.

05.21-05.30-ны хооронд төрсөн ихрийн ордныхон.   Тахиа жил танд бизнесийн салбарт авьяас билэгээ нээж, хүч сорих боломжийг олгоно. Өрсөлдөгчдөөс бүү ай, өөртөө итгэж, урагшаа алх.  Үндсэн ажлаасаа одоохондоо гарах хэрэггүй. Тогтвортой байдал танд чухал. Гэлээ ч нэмэлт орлого хэнд ч илүүдэхгүйг санаарай. Энэ онд мөнгө санхүүгийн тал дээр санаа зовних зүйл бага гарна.

05.31-06.10-ны хооронд төрсөн ихрийн ордныхон. 2017 онд сонирхлоо өөрчлөх шаардлагатай болно. Тиймээс ажил хэргийн өөр өөр салбарт хүч сориход гэмгүй. Айх хэрэггүй, боломж таны гарт байна.  Энэ жил танд ивээлээ өгч, удирдлагын зүгээс танд сонирхолтой төрөл бүрийн ажил даалгах бол цалин ч үүнийг дагаад хангалттай нэмэгдэнэ.

06.11-06.21-ний хооронд төрсөн ихрийн ордныхон.  Оны эхнээс та цалингаа нэмүүлэхийг шаардахад тохиромжтой үе. Таны мэргэжлийн ур чадвар нэмэгдснээр боломжийн албан тушаалын санал хүлээн авч магадгүй. Шинэ зүйлд хүчээ сориод үз. Энэ нь танд нэмэлт орлого авчирна.

ГЭР БҮЛ

05.21-05.30-ны хооронд төрсөн ихрийн ордныхон.   Орон сууцны нөхцөл байдлаа сайжруулах, гэрийн тавилгаа шинэчлэхэд тохиромжтой. Таны холын хамаатан садан материаллаг тусламж үзүлж мэднэ.  Ичих хэрэггүй, бусдын сайхан сэтгэлээр хандан туслаж байгааг татгалзалгүй ав.  Орон байраа шинэчлэн, өөд татахаас гадна гэр бүлийнхэнтэйгээ аль болох их цагийг өнгөрүүл.

05.31-06.10-ны хооронд төрсөн ихрийн ордныхон. Энэ жил гэр бүлийн аз жаргалаар дүүрэн байхад тахиа жил туслана. Таниас ч багагүй хичээл зүтгэл шаардлагатай. Хувиа хичээсэн зангаасаа салж, гэр бүлийнхнээ хайрлаж, эрхлүүлж бай. 2017 онд загасчлах, жимс түүх зэргээр байгальд аль болох их цагийг өнгөрүүлвэл зүгээр.

06.11-06.21-ний хооронд төрсөн ихрийн ордныхон. Гэр бүлийн энгийн асуудлууд, ажил хэргийг шийдвэрлэхэд идэвхтэй бай. Ажил амжилттай яваа, цаг зав зарцуулах шаардлагатай ч гэр бүлдээ анхаарал хандуул.

ЭРҮҮЛ МЭНД

Энэ жил биеийн ачаалал авах тул үе мөчөө хайрлах хэрэгтэй. Мөн зөв хооллолт, хоол хүнсний чанар дээр ч анхаарахад илүүдэхгүй.

05.21-05.30-ны хооронд төрсөн ихрийн ордныхон.  Ихрийн ордныхон элгэндээ анхаарал хандуул. Согтууруулах ундаа хэтрүүлэн хэрэглэж болохгүй. Найз нөхөд тань бүгд нийлээд “шахсан” ч татгалзаж өнгөрүүлэх зоригтой бай.  Мөн хэт давсархаг, утсан бүтээгдэхүүнийг аль болох бага хэрэглэ.

05.31-06.10-ны хооронд төрсөн ихрийн ордныхон.  Тахиа жилд өөрт тохиолдсон асуудлуудаа дотроо хадгалж явах хэрэггүй. Мэдрэлийн систем тань төмөр биш шүү дээ. Заримдаа хашгирч, дороо дэвслэх нь бухимдлаа гаргах боломжийн арга. Мэдээж стрессийг даван туулахын тулд найз нөхөдтэйгээ ярилц, тэд таныг дэмжих болно.

06.11-06.21-ний хооронд төрсөн ихрийн ордныхон. Энэ жил хорт зуршлаасаа салахад тохиромжтой үе. Олон жил тамхиа хаяна гэж өөрийгөө хуурч явсан бол энэ жил зориглоод үз. Эрүүл мэндэд хичнээн их өөрчлөлт гарахыг та төсөөлөх ч үгүй байна.

ХҮҮХДИЙН ЗУРХАЙ

05.21-05.30-ны хооронд төрсөн ихрийн ордны хүүхдүүд.  Бяцхан ихрийн ордныхон энэ жил тун ч тэвчээргүй нэгэн болж хувирна. Хүүхдийнхээ хүссэн бүрийг нүд ирмэхийн зуур биелүүлэхгүй бол тэд дуу тавин хашгирч, хөршүүдийг цочоож ч чадна.  Байнга энэ занг өөгшүүлээд байж болохгүй учир зарим үед заль хэрэглэ. Би гомдлоо, уйллаа гэж “айлгавал” өрөвч бяцхан хүүхдүүд дахиж таны чихний хэнгэрэг хагартал хашгирах нь багасч мэднэ.

05.31-06.10-ны хооронд төрсөн ихрийн ордны хүүхдүүд.  2017 онд таны хүүхдүүд идэвхтэй, сэтгэл хөдлөл ихтэй байна. Олно зүйлийг сонирхсноор дэмий зүйлд татагдахаа болино. Түүнийг өдөр бүр сонирхолтой тоглоомоор тоглуулж, салхинд хамт зугаалж, жүжиг кино хамт үзэхийг хичээгээрэй.

06.11-06.21-ний хооронд төрсөн ихрийн ордныхон..  Тэд бол хаан. Ямар ч хамт олон дунд орсон хамгийн түрүүнд, хамгийн сайн, хамгийн чухал нэгэн байх болно. Хүүхэдтэйгээ маргалгүй, харин хаан ч гэсэн дүрэм журамд захирагддаг гэдгийг ойлгуулах хэрэгтэй.

ТӨРСӨН ЖИЛИЙН ЗУРХАЙ

Хулгана жилтэй ихрийн ордныхон. Энэ жил ихрийн ордныхонд олон гэнэтийн бэлэг бэлджээ. Санхүүгийн нөхцөл байдал таатай байх тул мөнгөө хэт хэмнэж, гар татах шаардлагагүй болно. Ажил хэрэгтээ анхаарахын зэрэгцээ гэр бүлдээ зарцуулах цаг заваа төлөвлө.

Үхэр жилтэй ихрийн ордныхон. Тэвчээртэй, хүлээцтэй байдал энэ жил танд маш тус болно. Та яарч тэвдэхгүй байвал амжилт аандаа ирж, хайртай хүнтэйгээ ч учирна. 2017 онд үхэр жилтэй ихрийн ордныхны хувьд аяллаар дүүрэн байна.

Бар жилтэй ихрийн ордныхон.  Ажил хэргийн түншүүдтэйгээ харилцахдаа эелдэг бай. Гэхдээ байнга инээмсэглэж, магтаалын үг хэлээд байх хэрэггүй. Ганц удаа л амжилттай хэлэлцээр хийсэнд нь талархаж, магтвал тэд жилийн турш амжилттай ажиллах болно.

Туулай жилтэй ихрийн ордныхон. Та энэ онд ихрийн ордныхон дундаа хамгийн аз жаргалтай нь байна. Хамгийн хэцүү салбарт ч амжилттай байж, ямар ч асуудал тулгарсан тайван тэвчээртэй байдлаа хадгалж чаддаг таниар түншүүд тань бахархах болно.

Луу жилтэй ихрийн ордныхон. Тахиа жилд олон салбарт ажил хэргээ амжуулж чадна. Үүний тулд заавал өөрийн зөв гэж зүтгэх шаардлагагүй. Энэ жил таны хүн татах чадвар өндөр байна. Хүүхдүүдтэйгээ харилцахдаа аль болох зөөлөн байж, эв зүйгээ ололцох хэрэгтэй.

Могой жилтэй ихрийн ордныхон.  Энэ жил та сайн ажиллах хэрэгтэй болно. Гэхдээ хэт ядарна гэж айх хэрэггүй. Хичээж зүтгэсний шагнал ирнэ. Хувийн амьдралд ч таатай байна. Шинэ романтик учралуудаар дүүрэн.

Морь жилтэй ихрийн ордныхон. Хүмүүсийг удирдах тэдэнд нөлөөлөх чадвар энэ жил өндөр байна.  Таны захиргаанд ажилладаг хүмүүс үг бүрчлэн дагаж, ажил бүхэн өөдрөг байх болно.  Харин ийнхүү бусдыг захирах, удирдах чадвараа гэртээ орсон хойноо ашиглаад хэрэггүй. Ажил, ар гэр хоёр өөр шүү дээ.

Хонь жилтэй ихрийн ордныхон.  Шинэ мэргэжил эзэмших цаг нь болжээ. Ийм сонголт хийхэд тахиа жил ээлтэй байна. Санхүүгийн салбарт ашиг орлого ихтэй.  Ашигтай гэрээ хэлэлцээр хийж, бирж дээрээс ч ашиг олж мэднэ.  Мэдээж 2017 онд эрсдэл учирна. Энэ бүрт бууж өгч, ухарч болохгүй.

Бич жилтэй ихрийн ордныхон.  Таны боловсрол энэ жил ажил хэрэгт чухал үүрэг гүйцэтгэнэ. Ямар ч дарга ийм чадалтай мэргэжилтнүүдээ үнэлнэ.  Гол нь ичиж зоволгүй, өөртөө итгэлтэй бай. Ингэсэн тохиолдолд ажил хэргийн ертөнц хөл доор чинь байж, зарим ажил хэргийн түншүүд нууцхан атаархана.

Тахиа жилтэй ихрийн ордныхон. Ажил хэргээ чин сэтгэлээсээ хийж чаддаг хүмүүсийн хувьд энэ жил ашиг орлого олон байна. Гол нь залхуурч, хойш суух хэрэггүй. Хэдий мөнгө оллоо ч гэсэн мөрийтэй тоглоом зэрэг эрсдэлтэй зугаа цэнгээнээс хол байгаарай.  Ганц бие хүмүүс хайртай хүнтэйгээ учирна.

Нохой жилтэй ихрийн ордныхон. Энэ жил та хөрөнгөө өсгөх боломж  гарна. Хамгийн гол нь үнэнч шударгаар баялгаа өсгөөрэй. Аливаа гэрээ хэлэлцээр ашигтай, амжилттай байна. Хувийн харилцаан дээр  ухаан зарж, зөн билэгтээ итгэх хэрэгтэй. Энэ жил зөн билэгтээ итгэснээр зөв шийдвэр гаргах боломжтой.

Гахай жилтэй ихрийн ордныхон. Энэ жил танд шинэ албан тушаалд томилогдох боломж гарч магадгүй. Гэхдээ даргын суудалд суухаас өмнө урьд өмнөх ажлаас хэд дахин ажиллаж, хариуцлага хүлээх хэрэгтэй болно гэдгийг санаарай. Та амралт зугаа цэнгээнээ мартахад бэлэн байгаа бол амжилт, мөнгө, нэр хүнд таны гарт байна. Ажлын араас хэт яваад ар гэрээ орхигдуулж мэдэх тул цаг заваа зохицуулах хэрэгтэй.

 

МЭЛХИЙ

Эрхшээгч гариг: Сар. 
Махбод: Ус. 
Билэг тэмдэг: Мэлхий, Хавч, Зүрх. 
Ээлтэй өдрүүд: Даваа, Пүрэв. 
Ээлгүй өдрүүд: Мягмар, Бямба. 
Металл: Мөнгө. 
Үнэт чулуу: Сувд, Номин. 
Ургамал: Цагаан хонхон цэцэг, Самрын мод. 
Тоо: 8. 
Тохирох өнгө: Цагаан, Цайвар ногоон. 
Үл нийцэх орд: Матар.

Энэ жил мэлхийн ордныхон Тахиа жилийн ивээл дор байна.  Гэхдээ мэлхийн ордныхонд эргэцүүлэн бодох хугацаа хэрэгтэй учраас тахиа жил таныг яаруулалгүй, оны эхээр бүхий л асуудлаа өөрөө шийдвэрлэнэ. Албан хэрэг тогтвортой байна. Хоёрдугаар сараас эхлэн хурдаа авах шаардлагатай болно. Өндөр албан тушаалд ч очиж магадгүй.  Хувийн амьдралд шуурхай зан чанар хэрэгтэй. Үгүй бол таны ирээдүйн хань таныг анзаараа ч үгүй байтал хажуугаар чнь зөрөн өнгөрч мэднэ.  Хаврын эхээр бизнесийн салбарт авьяас билгээ нээх боломж гарна. Та өөрийн авьяас билэгтээ эргэлзэхгүй байвал өдөр бүр боломжийн мөнгө олж чадна. Таны гайхалтай, өвөрмөц шинэ санаанууд түншүүдэд таалагдана. Тавдугаар сард хэсэг амсхийж, амрахад гэмгүй.  Зургаа болон долоодугаар сард олон боломж гарч ирнэ, энэ бүхнийг эхлүүлснээр гайхалтай үр дүнд хүрнэ.  Багаа бүрдүүлэхдээ найз нөхөд, танилуудаасаа сонгох боломжтой. Үгүй юм аа гэхэд тэдний тусламж, дэмжлэгийн үг илүүдэхгүй. Наймдугаар сард эрүүл мэнддээ анхаарах хэрэгтэй. Залхуурч, хойш суух хэрэггүй нэн даруй эмчид ханд. Есдүгээр сар мэлхийн ордныхны хувьд ачаалалтай сар байна. Шинэ хүмүүстэй танилцаж, уулзаж, болзоонд явах гээд зарим үед хоногийн 24 цаг хүрэлцэхгүй мэт санагдана.  Хайр дурлалын тал дээр бүтэлгүйтснээр ажлын бүтээмж муудаж магадгүй. 10 болон 11дүгээр сард олон удаа томилолтоор явж магадгүй. Ажил дээр олон хэлэлцээр, хүндхэн даалгавруудтай тулгарна. Намар ажил дээрээ идэвхитэй байснаар удирдлагууддаа таалагдаж, 12 дугаар сард албан тушаал ахиж мэднэ.  Ажилдаа хэт их анхаарах учраас гэр бүлийнхэн тань таны анхаарал халамжаар дутна. Тиймээс тэднийг уйдаахгүй ямар нэг зүйл бодож ол. Тэд таныг эзгүйд гэртээ засвар хийсэн ч болно. Мөнгө их байхгүй ч гэр бүлдээ зарцуулах хэмжээний мөнгө үргэлж халаасанд тань байх болно. 

ХАЙР ДУРЛАЛ 

06.22-07.01-ний хооронд төрсөн мэлхийн ордныхон. Тахиа жилд адал явдал ихтэй байна. Ганц бие мэлхийн ордныхонд хайр дурлалын хувьд аз тохионо. Харин гэрлэсэн хүмүүс бусадтай сээтэгнэхээс болгоомжил. Хайртай хүн тань хартай, сэрдэмтгий тул багахан зэргийн сээтэгнэлийг ч уучилж чадахгүй харилцаанд сэв сууж магад. 

07.02-07.11-ний хооронд төрсөн мэлхийн ордныхон. Хөвсөлзсөн сэтгэлтэй мэлхийн ордныхон маш олон тооны романтик харилцаа үүсгэж мэдэх нь. Гэхдээ “эргүүлж байгаа” хүмүүстээ амлалт өгөх хэрэггүй. Хүнээ сонгохдоо хянамгай бай. Үнэхээр өөрт тохирох хүнээ олсон бол энэ жил гэрлэлтээ батлуулахад ч гэмгүй. 

07.12-07.23-ны хооронд төрсөн мэлхийн ордныхон. Хайртай хүнийхээ сэтгэл хөдлөл мэдрэмжинд болгоомжтой хандахыг хичээ. Хайхрамжгүй үг үйлдэл хайртай хүнээ гомдоох шалтаг болно. Хоёулахнаа аялалд гар, энэ нь та хоёрын харилцааг бэхжүүлнэ. 

АЖИЛ ХЭРЭГ 

Энэ жил мэлхийн ордныхон сонгож авсан аливаа ажил хэрэгтээ чухал гол үүргийг гүйцэтгэж чадна. 

06.22-07.01-ний хооронд төрсөн мэлхийн ордныхон. Энэ онд таньтай өрсөлдөх хүн ховор байна.  Нэгэнт амжилтын замаар замнаж байгаа үедээ нэгэнтээ өөрт тань туслаж байсан хүмүүсийг бүү март, тэд танд дахин хэрэг болно. Удирдлагатайгаа зөөлөн, эелдэг харилцахыг хичээ. Хэдий та чадалтай мэргэжилтэн хэдий ч  зохистой харилцаа хаана ч илүүдэхгүй. 

07.02-07.11-ний хооронд төрсөн мэлхийн ордныхон. Өмнө нь хүсэн хүлээж байсан албан тушаал дээрээ очих зам дээр иржээ. Санхүүгийн гэрээ хэлэлцээрүүд амжилттай байна. Гэхдээ эрсдэлтэй  алхам бага хий, байнга найз нөхдийнхөө зөвлөгөөг сонсох хэрэггүй. Дотоод сэтгэл, зөн билэгтээ итгэ. Энэ нь таныг төөрөлдсөн нөхцөл байдлаас аврах нэг гарц болно. 

07.12-07.23-ны хооронд төрсөн мэлхийн ордныхон. Таныг үнэлдэг ажил хэргийн түншүүдтэй харилцаа сайн байна. Албан тушаал дээшилж магадгүй. Маш их амжилттай байсны улмаас толгой эргэж, бүхий л танилуудтайгаа найрсаг харилцаатай байж амжихгүй. Мөнгө хангалттай байх тул таныг дэмжиж байсан хүмүүстэй ялалтаа хуваалцаж, тэднийг баярлуулах хэрэгтэй. 

ГЭР БҮЛ 

06.22-07.01-ний хооронд төрсөн мэлхийн ордныхон. Энэ онд гэр бүлийнхээ гишүүдтэй харилцах цаг зав аль болох их гаргаж байгаарай. Хүүхдүүддээ бяцхан зугаалга, аялал зохион байгуул. Ойр дотны хүмүүс таныг хайр, халамжаар дутаахгүй. Тиймээс зарим үед танд олон асрагчтай нялх хүүхэд болчихсон мэт санагдана. 

07.02-07.11-ний хооронд төрсөн мэлхийн ордныхон. Гэр бүлийн харилцаа дулаан, таатай байна. Та ажлаа тараад гэрлүүгээ яаран харина. Таныг үргэлж л сайхан хоол, дулаахан уур амьсггал хүлээж байгаа болохоор тэр шүү дээ.  Санхүүгийн байдал таатай байх учраас гэр бүлдээ мөнгөн дээр гар татаад байх шаардлага гарахгүй. 

07.12-07.23-ны хооронд төрсөн мэлхийн ордныхон. Тахиа жилд та гэр бүлдээ төгс уур амьсгал оруулахыг хичээнэ. Гэхдээ гэнэт л хайр халамжаа нэмэгдүүлснээр гэрийнхэн тань гайхширч магадгүй. 

ЭРҮҮЛ МЭНД 

Энэ онд спортоор хичээллэхэд гэмгүй, залхуурч хэвтэж боллоо шүү дээ. 

06.22-07.01-ний хооронд төрсөн мэлхийн ордныхон. 2017 онд мэлхийн ордныхны үе мөч өвдөж болзошгүй. Гэхдээ үүнд хэт их санаа зовнилгүй, мөн өөрөө эмчлэх гэж оролдох хэрэггүй, эмчид ханд. Мөн эмчилгээнд амралт чухал. 

07.02-07.11-ний хооронд төрсөн мэлхийн ордныхон. Хэт их ажиллаж, байнга завгүй байсны улмаас ядарч мэднэ. Тиймээс сайн амарч чаддаг байх хэрэгтэй. Газар орноо сольж, цэвэр агаарт алхвал эрүүл мэндэд чухал. 

07.12-07.23-ны хооронд төрсөн мэлхийн ордныхон. Хоол хүнсэндээ анхаар. Коньяк, дарс гэхээсээ илүү шинэхэн шүүс, шарсан төмсний оронд цөцгийтэй аарц сонгох нь зүйтэй.  Спортоор хичээллэхэд илүүдэхгүй, гэхдээ мэлхийнхэн спортоор хичээллээ гээд тунг нь хэтрүүлж болохгүй. 

ХҮҮХДИЙН ЗУРХАЙ 

Тахиа жилд мэлхийн ордныхон сайхан сэтгэлтэй, найрсаг нэгэн болно. 

06.22-07.01-ний хооронд төрсөн мэлхийн ордныхон. Бяцхан мэлхийн ордныхны чадвар маш өндөр байна. Таны хүүхдүүд зураг зурах, зохион бүтээх тал дээр ч авьяасаа нээж магадгүй. Тэдний бүтээлийг хадгал. Уралдаанд оролцох боломж гарвал ялалт байгуулах магадлал өндөр. Хүүхэддээ тусдаа өрөө, үгүй юм гэхэд жижигхэн булан гаргаж өгч, тэр хэсгийг нь тохижуулан хүүхэд хүссэнээ хийх боломж гаргаж өгөөрэй. 

07.02-07.11-ний хооронд төрсөн мэлхийн ордныхон. Хараат бус байх гэсэн эрмэлзлээрээ бяцхан мэлхийн ордныхон гайхшруулна. Хамар хашааг сонирхож байсан хүүхэд маргааш нь гэхэд л хойд туйлыг судална гэж зөрүүдлэнэ. Хүүхдийнхээ хүслийг дагаж, тэдний эрмэлзлийг шоолж болохгүй. Магадгүй ирээдүйн Христофор Колумб танайд торниж байгаа ч юм билүү. 

07.12-07.23-ны хооронд төрсөн мэлхийн ордныхон. Таны бяцхан хүүхэд ямар ч даалгаврыг сонирхол нь  төрвөл дор нь л гүйцэтгэж чадна. Сонирхолгүй, уйтгартай ажил хийлгэхийг албадаж болохгүй. Өөрт хэрэгтэй зүйлээ хүүхэд тань өөрөө л олчихно. Сониуч  байх учир хүүхдийнхээ асуулт бүрт хариулахыг хичээж, юмсын учир шалтгааныг тайлбарлаж өгөөрэй. 

ТӨРСӨН ЖИЛИЙН ЗУРХАЙ 

Хулгана жилтэй мэлхийн ордныхон. Энэ жил мөнгө олох хэдий ч мөнгө зарцуулахдаа анхааралтай бай. Шаардлагагүй зүйл худалдан авахаас зайлсхий. Ингэснээр оны сүүл гэхэд ихээхэн мөнгө хэмнэсэн байх болно. Дуу шуугианд дуртай ч энэ жил чимээ шуугиангүй, тайван газрыг өөрийн эрхгүй хайна. 

Үхэр жилтэй мэлхийн ордныхон. Тахиа жилд та авьяас билгээрээ таарсан хүн бүрээ бишрүүлж чадна. Аль салбарт авьяас билгээ нээх вэ гэдгээ сайтар бодож сонголтоо хийгээрэй.  Уран бүтээлийн талбарт өөрийгөө сорьж үзэхэд гэмгүй, гайхалтай шинэ санаануудаа амьдрал дээр хэрэгжүүлж эхлэх хэрэгтэй. 

Бар жилтэй мэлхийн ордныхон. Энэ жил олон зүйлд хүрэх чадвартай байх ч зөрүүд зангаа татах хэрэгтй. 2017 онд эрсдэл тохионо. Энэ үед таны байдлыг сайн мэддэг найзууд тань аюултай замаас таныг татаж гаргана. 

Туулай жилтэй мэлхийн ордныхон. Танд тахиа жил олон сонирхолтой таатай зүйлийг бэлджээ. Амжилт, нийгэмд нэр хүндтэй болох, гэнэтийн бэлэг, сугалаанд аз таарах гээд л. Гэхдээ танихгүй хүмүүстэй харилцахдаа болгоомжтой байж, бүгдэд нь итгээд байх хэрэггүй. Зарим танилууд таны ар нуруу руу “хутга зоож мэднэ”. Итгэ, гэхдээ шалга. 

Луу жилтэй мэлхийн ордныхон. Энэ жил маш идэвхитэй байснаар уулыг ч эргүүлж, усыг ч гатлах хүчтэй байна. Гэхдээ энэ их эрч хүчээ найз нөхөддөө гайхуулж бардах хэрэггүй, найзуудаа гомдоож мэднэ. Эсрэг хүйсийхэнтэйгээ харилцахад амжилттай байна. Олон уулзалт, болзоо таныг хүлээж байна. Гадаад төрхөндөө ч анхаар. 

Могой жилтэй мэлхийн ордныхон. Таны сэтгэл татам байдал ажил хэрэг болон хувийн амьдралд хэрэг болно. Зөвхөн таньтай ажил хэрэг явуулах хэрэгтэй гэдгийг түншүүддээ харуул. Мөнгө санхүүгийн нөхцөл байдал сайн байна. Могой жилтэй мэлхийн ордныхны зарим нь хувийн бизнесээ нээх талаар ч бодно. Эргэлзэх хэрэггүй. 

Морь жилтэй мэлхийн ордныхон. 2017 онд нэр хүндийн оргил руу зоригтой алхалж болно. Тахиа жил таны өмнөх бүх саадуудыг зайлуулна. Өрсөлдөгчид хүртэл таниас зайгаа барихыг хичээнэ. Тахиа жилд хайр дурлалын тал дээр ч амжилттай.  Гэхдээ ажил хэргээ умартаж болохгүй. 

Хонь жилтэй мэлхийн ордныхон. Хонь жилтэй мэлхийн ордныхонд Тахиа жил ивээлээ өгнө. Зарим мэлхийнхэнд авьяас билгээрээ гайхуулах боломж гарч ирнэ. Уран бүтээл, бизнесийн талбарт ч амжилт дагалдана. Гэхдээ хэзээ нэгэн цагт хэрэг болох нөлөө бүхий танилуудтайгаа холбоо харилцаатай байгаарай. 

Бич жилтэй мэлхийн ордныхон. Олон хүн таньтай хамтрахыг, танилцахыг хичээнэ. Тэднийг өөрөөсөө түлхэх хэрэггүй. Энэ жил холбоо харилцаа танд ихээхэн тус болно. Санаандгүй хүнээс ч дэмжлэг ирж магадгүй. Хуучны холбоо харилцаагаа сэргээхэд зүгээр. Эртний найз, нэг ангийнхан, нэг нутгийнхантайгаа харилцаагаа сэргээхэд гэмгүй. 

Тахиа жилтэй мэлхийн ордныхон. Дипломат асуудлуудаар олон зүйлийг амжуулна. Гэрээ хэлэлцээр явуулах чадвар тань түншүүдэд таалагдаж, та ашигтай санал олныг хүлээж авна. Тахиа жил ивээлээ өгч олон тал дээр таныг дэмжинэ. Бизнесийн салбарт хүчээ сориод үзэхэд гэмгүй, мөнгө санхүүгийн тал дээр санаа зовох зүйлгүй, мөнгөө улам бүр өсгөх тал дээр сайтар төлөвлөгөө гарган ажиллах хэрэгтэй. 

Нохой жилтэй мэлхийн ордныхон. Энэ жил таны цаг үе иржээ. Үүнд эргэлзэх хэрэггүй. Тааламжтай, гайхалтай уулзалтууд таны амьдралыг сайн тал руу нь өөрчилнө. Амар амгалан байдлаа хадгалахыг хичээ. Мөнгө санхүүгийн тал дээр санаа зовних зүйл гарахгүй. 

Гахай жилтэй мэлхийн ордныхон. Ялалтанд хүрэх гэсэн таны тэмүүллийг хэрэгтэй хүмүүс нь олж харан, танд зөвлөгөө болон материаллаг байдлаар тусална. Авьяас билэг болон мэргэжлийн ур чадвар өндөр байх хэдий ч өнөө цагт бүгд л гадна байдлаар дүгнэдэг болсон тул хувцаслалт, дүр төрхөндөө анхаарах хэрэгтэй. 

 

АРСЛАН

Эрхшээгч гариг: Нар. 
Махбод: Гал.
Билэг тэмдэг: Арслан, Хун. 
Ээлтэй өдөр: Ням. 
Ээлгүй өдөр: Бямба. 
Металл: Алт. 
Үнэт чулуу: Улаан анар. 
Ургамал: Царс. 
Тоо: 9. 
Тохирох өнгө: Улбар шар, Алтлаг. 
Үл тохирох орд: Бумба.

Улирч буй оноос тэвчээр, хатуужлаа авч үлдснээр энэ жил ч танд хэрэг болно. Хоёрдугаар сард гайхалтай, сонирхолтой санаагаар дүүрэн байна. Ажил хэргийн талбарт амжилттай байж, цалин нэмэгдэх, албан тушаал ахих магадлалтай. Мэдээж үүний тулд ихээхэн ажиллах шаардлагатай болно.  Хувийн амьдралын тал дээр гэр бүлд тайван дуулаан уур амьсгал тогтох бол ганц бие арслангийн ордныхон хайртай хүнтэйгээ учирж, гэрлэлтээ батлуулахад таатай үе.  Хаврын эхээр санхүүгийн салбарт авьяасаа нээх боломж гарна. Мөнгө санхүүгийн тал дээр асуудалгүй. Тиймээс заримдаа ажлаас түр холдож амарч, амсхийх хэрэгтэй.  Амралтаа тав эсвэл зургаадугаар сарын эхээр төлөвлөх нь зүйтэй. Амралт аяллын үеэр олон шинэ хүнтэй танилцахын зэрэгцээ тэдний дунд хожим нь хэрэг болох нөлөө бүхий хүмүүс ч байж мэднэ. Уран бүтээлийн салбарынхан  энэ онд одтой байна. Мөн  бизнесийн салбарынхан ч амжилттай байж, таагүй асуудлууд холуур тойрно.  Наймдугаар сард арслангийн ордныхон зөв сонголт хийсэн эсэхдээ эргэлзэнэ. Ядарч туйлдахаасаа өмнө гэр бүлийнхэнтэйгээ зөвлөлд.  Намар, тэр дундаа 9, 10 дугаар сард гадаад төрхөө өөрчлөхөд тохиромжтой. Энэ үеэр танилын хүрээ өөрчлөгдөнө. Арваннэгдүгээр сард үр өгөөжтэй томилолт хүлээж байна. Арванхоёрдугаар сард нөхцөл байдал нэг их өөрчлөгдөхгүй. Гэр бүлийнхэндээ цаг зав гарга. 

ХАЙР ДУРЛАЛ 

Энэ жил олон уулзалт, болзоо таныг хүлээж байна. Гэхдээ хянамгай байж дотоод сэтгэлээ чагна. 

07.24-08.02-ны хооронд төрсөн арслангийн ордныхон. Та романтик харилцаан дээр амжилттай байна. 2017 онд хайртай хүнээ гагцхүү өөрт зориулагдсан хүн гэдгийг мэдрэх л юм бол эргэлзэж тээнэгэлзэлгүйгээр хувь заяагаа холбо. Энэ онд гэрлэвэл гэр бүлийн амьдрал аз жаргалаар дүүрэн байна. 

08.03-08.13-ны хооронд төрсөн арслангийн ордныхон. Таныг нас ахих тусам улам үзэсгэлэнтэй, сайхан болж гэдгийг байнга сануулах гэж өмнө нь таныг хайрладаг байсан хүмүүс амьдралд тань гарч ирж болзошгүй. Тийм ээ, тэдний зөв, та үнэхээр л сэтгэл булаам гэдэгтээ итгэх хэрэгтэй. 

08.14-08.23-ны хооронд төрсөн арслангийн ордныхон. 2017 онд хардах сэтгэлээ хойш тавих хэрэгтэй. Таны хайртай хүн эцэс төгсгөлгүй хардалтаас болж нэг мөр орхин явж мэднэ. Түүнд ч хувийн эрх чөлөө байдгийг санаж, хамтрагчдаа итгэ. Ингэсэн цагт харилцаа төгс байх болно.  Энэ жил гэрлэхэд тохиромжтой үе тохиож байна. 

АЖИЛ ХЭРЭГ 

07.24-08.02-ны хооронд төрсөн арслангийн ордныхон. Сурталчилгааны талбарт хүчээ сориход гэмгүй. Танд гайхалтай санаанууд төрөх болно. Таны чадварын талаар олж мэдсэн агентлагууд танд санал тавина. 

08.03-08.13-ны хооронд төрсөн арслангийн ордныхон. 2017 онд төрийн албанд орж магадгүй. Эртний танилуудынхаа дэмжлэгийг ав, хэдийгээр ажил хэрэг бүтэлтэй байх ч нөлөө бүхий хүний дэмжлэгийн үг илүүдэхгүй. 

08.14-08.23-ны хооронд төрсөн арслангийн ордныхон. Энэ жил таны хувьд маш амжилттай байх болно. Амжилт хэдийнэ хажууд тань ирсэн тул анхны алхмаа хийх л үлдэж байна. Бардам байхаас бүү ай, хэрэгтэй гэсэн хүн бүрт өөрийн авьяас билгийг харуул. Амжилтандаа итгэж, түүний төлөө тууштай тэмцснээр энэ жил санхүүгийн нөхцөл байдал сайжирна. 

ГЭР БҮЛ 

07.24-08.02-ны хооронд төрсөн арслангийн ордныхон. Гал тахиа жилд орон байраа өөрчлөх талаар бодоход гэмгүй. Заавал өөр хот руу шилжихгүй ч байрныхаа нөхцөл байдлыг сайжруулахад тохиромжтой. Ийм боломж танд тохионо. 

08.03-08.13-ны хооронд төрсөн арслангийн ордныхон. 2017 онд гэр бүлийнхээ ахмад настай гишүүдэд илүүтэй анхаарал хандуулахыг хичээгээрэй. Өвөө, эмээдээ дулаан хувцас, шаардлагатай зүйлсийг нь бэлэглэвэл тэд маш их баярлана. 

08.14-08.23-ны хооронд төрсөн арслангийн ордныхон. Энэ жил уян байна. Гэлээ гээд кино үзэх болгондоо нулимс асгаруулаад байна гэсэн үг биш. Гэхдээ сэтгэл хөдлөлөө илэрхийлж байвал амьдрал илүү сонирхолтой болно. Гэр бүлийнхэнтэйгээ хамт чөлөөт цагаа өнгөрүүл. 

ЭРҮҮЛ МЭНД 

Энэ онд сэтгэлээ тайван байлгаж, мэдрэлийн тогтолцоогоо хайрлах хэрэгтэй. 

07.24-08.02-ны хооронд төрсөн арслангийн ордныхон. Тахиа бол маш идэвхитэй амьтан, тиймээс энэ жил спортоос татгалзаад хэрэггүй. Теннис тоглож, өглөөд гүйж эхлэхэд илүүдэхгүй. 2017 онд согтууруулах ундаанаас аль болох татгалз. Үгүй юм аа гэхэд уух зүйлийнхээ чанарыг сайтар шалгах хэрэгтэй. 

08.03-08.13-ны хооронд төрсөн арслангийн ордныхон. Өнгөрсөн жил ааг амьсгаагүй гүйх шаардлагатай байсан бол энэ жил амсхийх цаг нь иржээ. Арслангийн ордныхны хувьд эрүүл хооллолт, бүтэн нойр, сэтгэлийн амар амгалан нэн чухал. 

08.14-08.23-ны хооронд төрсөн арслангийн ордныхон. Энэ жил эрүүл мэндийн хувьд ноцтой асуудал гарахгүй ч үе үе эмнэлэгт хандаж, урьдчилан сэргийлэх зорилгоор шинжилгээ өгөхөд гэмгүй.  Хорт зуршлаасаа салах цаг нь болжээ. 

ХҮҮХДИЙН ЗУРХАЙ 

07.24-08.02-ны хооронд төрсөн арслангийн ордны хүүхдүүд. Таны хүүхэд энэ жил сайн болон муу зан чанарыг аль алиныг нь харуулна. Тэднийг бусдад уруу татагдахаас сэрэмжил. Гэхдээ бүх зүйлийг хатуу хориглож биш харин чин сэтгэлээсээ ярилцаж, өөрөө үлгэр жишээ бол. Энэ онд таны хүүхдэд аялал тохиромжтой. Шинэ адал явдалтай учирч, шинэ газруудтай танилцснаар таны хүүхдийн сонирхол, мэдлэгийн хүрээ нэмэгдэнэ. 

08.03-08.13-ны хооронд төрсөн арслангийн ордны хүүхдүүд. Таны хүхдүүд энэ жил авьяас билгээ нээнэ. Танай гэр бүлд ирээдүйн Исаак Ньютон, эсвэл Пушкин ч өсч торниж байгаа юм билүү? Хамгийн гол нь цагийг нь олж авьяас билгийг нээх хэрэгтэй.  Хамгийн гол нь хүүхдээ хүчилж болохгүй гэдгийг санаарай. 

08.14-08.23-ны хооронд төрсөн арслангийн ордны хүүхдүүд. Бүрэг ичимхий зантайгаа тэмцэхэд нь тусла. Гэхдээ хэт их яаравчлах хэрэггүй, бүхнийг аажмаар хий. Тун удахгүй таны хүүхэд ичимхий бүрэг байхаа больж, гадаа хамт тоглодог хүүхдүүдээ удирдаад зогсож байх вий. 

ТӨРСӨН ЖИЛИЙН ЗУРХАЙ 

Хулгана жилтэй арслангийн ордныхон. Энэ жил мөнгө санхүү болон ажил хэргийн талбарт тааламжтай байна. Хэлэлцээрийн саналууд ихээр ирнэ. Хувийн амьдралд бүх зүйл таатай, уйдах зав гарахгүй. 

Үхэр жилтэй арслангийн ордныхон. Энэ жил залхуурч суух хэрэг гарахгүй. Амьсгаа ч авах сөхөөгүй их ажиллана.  Гэхдээ байгууллагаас тань гадаад руу томилолтоор явуулахаар болвол татгалзах хэрэггүй. Санхүүгийн байдал хүрэлцэхүйц байна. 

Бар жилтэй арслангийн ордныхон. Энэ жил таны хувьд амжилтанд хүрэх магадлал өндөр. Мөнгө санхүү, хайр дурлалын тал дээр ч амжилттай байна. Тахиа жил таны бүх хүслийг биелүүлнэ, гагцхүү та ажилсаг, шургуу байх хэрэгтэй. 

Туулай жилтэй арслангийн ордныхон. Шинэ онд нөлөө бүхий хүмүүстэй танилцаж магадгүй. Зугаа цэнгээн ч олон тохионо, гэхдээ ажил хэргээ мартаж болохгүй. Бүх зүйл гольдрилоороо явах хэдий ч хяналт тавихад илүүдэхгүй. 

Луу жилтэй арслангийн ордныхон. Таны итгэмтгий зан энэ жил амжилтанд хүрэхэд туслана. Таныг ажил хэргийн түншүүд хуурч мэхлэнэ гэхээс бүү ай, ашигтай хэлэлцээр, гэрээ таныг угтаж байна. Гэнэн итгэмтгий зан хувийн амьдралд ч хэрэг болно. Хүүхдэрхүү итгэмтгий таныг хайртай хүн чинь илүү хайрлаж, танд хэрэгтэй байгаа бүхнийг хийнэ. Гэхдээ хэт их эрхэлж, зоргоороо авирлах хэрэггүй. 

Могой жилтэй арслангийн ордныхон. Он гармагц л мөнгө санхүүгийн байдал сайжрах хэдий ч бүх зүйл гар хумхиад сууж байхад сайхан болчихно гэж байхгүйг санаарай. Тиймээс маш их ажиллах хэрэгтэй болно, мөн олсноо хуримтлуулах хэрэгтэй. Бизнесийн талбарт авьяас билгээ нээж магад. 

Морь жилтэй арслангийн ордныхон. Маш их ажиллах шаардлагатай болно. Бизнесийн салбарт ажиллаж байгаа хүмүүст сонирхолтой, ашигтай хэлэлцээрүүд угтаж байна. Хэт их итгэмтгий байх хэрэггүй. Сайн найзуудтайгаа зөвлөлд, түншүүд таныг хуурах боломж бүү олго. Хувийн амьдрал дээр ч сонгож авсан хүнээ шалгаад үзэхэд гэмгүй, гэхдээ сорилт явуулсан гэдгийг хэн ч мэдэх ёсгүй. 

Хонь жилтэй арслангийн ордныхон. Хэдийгээр гал тахиа жил таныг таагүй зүйлсээс хамгаалах хэдий ч 2017 онд дайснуудтай нүүр тулан зогсох хэрэг гарах нь. Тулаанд ороход бэлэн бай, ялалт таны талд. Бизнес болон уран бүтээлийн талбарт ч таньтай эн зэрэгцэх хүн үгүй. Харин хувийн амьдралд танд өрсөлдөгч гарч ирэхгүй. 

Бич жилтэй арслангийн ордныхон. Бүтээлч чадвар өндөр байна. Сэтгэн бодох чадвараа ашиглаж чадвал аливаа нөхцлөөс гарах гарцаа олно. Зөв чиглэлээ олж чадвал энэ жил мөнгө санхүүгийн хувьд толгой өвдөх зүйлгүй байна. 

Тахиа жилтэй арслангийн ордныхон. Танд амжилтанд хүрэх бүх зүйл байна, тиймээс гар хумхин суух хэрэггүй. Од эрхэс танд тухай бүрт нь зөв шийдэл хэлж өгөх болно. Таны үнэнч шударга занг хүмүүс үнэлж, тантай гэрээ хэлцэл байгуулахыг эрмэлзэнэ. Хувийн амьдралд романтик байж, хайртай хүнээ өөртөө татахыг хичээ. Ингэж чадвал энэ жил гэрлэхэд тохиромжтой үе. 

Нохой жилтэй арслангийн ордныхон. Олон ажил зэрэг амжуулах хэрэг гарна. Мөнгө санхүүгийн байдал муугүй байна. Хувийн амьдралд ч санаа зовох зүйлгүй, ганц бие хүмүүс өөрт тань яг хэрэгтэй тэр л хүнийг олж авч чадна. 

Гахай жилтэй арслангийн ордныхон. Таны дайчин чанар амжилт авчирна. Та шударга бус зүйлтэй тэмцэж, таагүй нөхцөлд орсон хүмүүсийг хамгаалан тэмцэхэд бэлэн бай. Гэхдээ зарим хүн таны итгэмтгий занг ашиглаж болзошгүй тул анхааралтай бай. Энэ онд сугалаанд аз таарах магадлалтай. Эрсдэлтэй алхмууд хийсэн ч аз тохиож мэдэх хэдий ч найдвартай ар тал илүүдэхгүй. 

 

ОХИН

Эрхшээгч гариг: Буд.
Махбод : Шороо. 
Билэг тэмдэг: Охин, Куб. 
Ээлтэй өдөр: Лхагва. 
Таагүй өдөр: Пүрэв. 
Металл: Цагаан тугалга. 
Үнэт чулуу: Жинхэнэ яргай. 
Ургамал: Алимын мод. 
Тоо: 7. 
Тохирох өнгө: Шар-хүрэн. 
Үл нийцэх орд: Загас.

Ихэнх ордуудын адилаар Охины ордынхонд ч Тахиа жил таатай хандах нь. Хоёрдугаар сард ажлын талбарт гэнэтийн зүйл тохиолдоно. Байнга ууртай явдаг байсан дарга тань гэнэт л найрсаг болж мэднэ. Тиймээс энэ үеийг ашиглаж, цалингаа нэмүүлэх хүсэлт гарга.  Хувийн амьдралд ч уйдах зав гарахгүй. Зарим нэг нь бүл нэмж магадгүй.  Хаврын улиралд аз тохионо. Харин 4-5 дугаар сард ямар нэг тэмцээн уралдаанд бүртгүүлбэл та заавал амжилт олно. Сугалаанд азаа үзсэн ч гэмгүй.  Зун хангалттай амарсан охины ордныхон Намар эрч хүчтэй ажилдаа ороход бэлэн бай. Аравдугаар сард эртний танилтайгаа таарч, тэр танд сонирхолтой боловч эргэлзээтэй санал тавина. Та энэ хүнд итгэдэг бол хамтран ажиллаад үз. Гэхдээ их хэмжээний хөрөнгө оруулалт хийгээд хэрэггүй. Мөнгөө өөртөө байлгаж, хэрэгтэй үед нь л хөрөнгө оруулалт хий. Арваннэгдүгээр сар хувийн харилцаагаа сайжруулахад тохиромжтой. Та гэрлэх эсэхээ шийдэж чадахгүй өнөөг хүрсэн бол чухамхүү одоо л энэ эргэлзээгээ нэг тийш болгох цаг ирсэн. Таны хайртай хүн амьдралаас тань гэнэт л яваад өгч мэдэх тул түүнийгээ үнэхээр хайрладаг бол гэрлэх санал тавь. Арванхоёрдугаар сард онцгой өөрчлөлт гарахгүй. Гэхдээ хуучны найзуудтайгаа уулзах, ажлын хамт олонтойгоо харилцах харилцаа сайжрах гээд таатай үйл явдлууд бий. 

ХАЙР ДУРЛАЛ

08.24-09.02-ны хооронд төрсөн охины ордныхон. Та дур татам байдлынхаа үнэ цэнийг мэддэг. Тиймээс энэ жил хайр дурлалын талбарт амжилттай байна. Хань болох хүнээ шууд л олж таних тул цаг алдалгүй, санаачилгыг гартаа ав. 

09.03-09.13-ны хооронд төрсөн охины ордынхон. Хайр дурлалын тал дээр энэ жил зоргоороо аашилж хэрэггүй. Хайртай хүнийхээ үгийг сонс. Та ганц бие бол таалагдсан хүнээ “уургалах” тохиромжтой цаг ирээд байна. Гэхдээ та ганц бие амьдралдаа “баяртай” гэж хэлэхэд бэлэн үү? 

09.14-09.23-ны хооронд төрсөн охины ордныхон. Хань ижлээ олох боломж байна. Гэхдээ ихэд хичээх хэрэгтэй. “Заяаны хань зам дээр “гэсэн үг байдаг ч таны хань болох хүн зам дээр тосоод зогсож байхгүй гэдгийг санаарай. 

АЖИЛ ХЭРЭГ 

08.24-09.02-ны хооронд төрсөн охины ордныхон. 2017 онд охины ордны олон хүмүүс өвөрмөц зүйлд татагдана. Мөнгө санхүүгийн хувьд тогтвортой, тааламжтай үе тохиож байна. Хуримтлал үүсгэхэд хангалттай хэмжээний мөнгө олно. 

09.03-09.13-ны хооронд төрсөн охины ордынхон. Энэ онд та олон нийтийн ажилд өөрийгөө нээн харуулна. Удирдах, манлайлах авьяасыг тань хүмүүс үнэлнэ. Өөрийгөө нээн харуулахаас бүү ич.  Сонирхолтой, хачирхалтай санаанууд ч үр дүнгээ авчирч магад. 

09.14-09.23-ны хооронд төрсөн охины ордныхон. Чигээ олж авах гэж удна. Гэхдээ нэгэнт ажлаа эхэлсэн бол амжилт ар араасаа цуварч, олонд хүлээн зөвшөөрөгдөнө. Ингээд нэгэнт амжилтад хүрсэн тохиолдолд мөнгөгүйн зовлонг мартана. 

ГЭР БҮЛ 

08.24-09.02-ны хооронд төрсөн охины ордныхон. Энэ онд таныг маш их томилолт хүлээж байгаа тул гэрийнхэн тань өөрсдөө л ахуйн асуудлуудаа шийдэх хэрэгтэй болно. Гэр бүлийнхээ санхүүгийн тогтвортой байдлыг хангаж чадвал үл ойлголцол гарахгүй. Хүүхдүүдтэйгээ аль болох их цагийг өнгөрүүлэхийг хичээгээрэй. 

09.03-09.13-ны хооронд төрсөн охины ордынхон. Гэрээ тухтай, тохилог болгоход тохиромжтой цаг. Энэ онд холын хамаатан олон удаа зочилж мэднэ, найрсаг зочломтгой бай. Тэд эргээд хариу барина.

09.14-09.23-ны хооронд төрсөн охины ордныхон. Тахиа жилд гэр бүлээрээ хамтдаа үе үе зугаалахад тохиромжтой. Ингэснээр та бүхэн уйдахгүйн дээр гэр бүлийн харилцаа илүү бат бэх болно. Ахмад настнуудтай зөрөлдөж болзошгүй. Аль болох бууж өгч, өөрөө ч тэдний насан дээр очно гэдгээ санах хэрэгтэй. 

ЭРҮҮЛ МЭНД 

Эрүүл мэнддээ анхаараарай. Өөрийгөө эмчлэх гэж оролдоод ч хэрэггүй. 

08.24-09.02-ны хооронд төрсөн охины ордныхон. Хоол хүнсэндээ анхаарал болгоомжтой ханд, “хортой” бүтээгдэхүүнүүдийг хоолны цэсээсээ хас. Хоолны дэглэм барьж, хүнсний ногоо, жимс жимсгэнэ түлхүү хэрэглээрэй. Ногоон хоолтон ч болж болно, гэхдээ хэтрүүлээд хэрэггүй. Долоо хоногт нэг удаа мах идлээ гээд ходоод гэдэс хямарчихгүй. 

09.03-09.13-ны хооронд төрсөн охины ордынхон. Энэ онд хөлөндөө анхаарал хандуулж, ядаргаа тайлахын тулд хөлөө үе үе халуун усанд дүрж суугаарай. Мөн өглөөгүүр цэвэр агаарт гүйхэд гэмгүй. 

09.14-09.23-ны хооронд төрсөн охины ордныхон. Энэ онд охины ордынхон аль болох сайн унтаж амран, компьютерээс зайдуу байх хэрэгтэй. Унтахын өмнө хэн нэгний гэрэл зураг доор коммент бичиж байхаар шөнийн хотоор зугаалбал амарч, ядаргаа тайлахад илүү тустай. 

ХҮҮХДИЙН ЗУРХАЙ 

08.24-09.02-ны хооронд төрсөн охины ордны хүүхдүүд. Таны бяцхан зөрүүд бүгдийг өөрийнхөөрөө хийх гэж зүтгэнэ. Гэхдээ хүүхдэдээ уурлах хэрэггүй, заль хэрэглэ. Унтаж өгөхгүй үймүүлээд гүйгээд байвал битгий унт гээд хэлчихэд л гүйцээ. Өнөөх зөрүүд жаал зөрүүд зангаараа таны үгийг дагахгүй унтахаар яарна. 

09.03-09.13-ны хооронд төрсөн охины ордны хүүхдүүд. Энэ жил хүүхдэдээ зөв дадалд сургахыг хичээгээрэй. Таны хүүхэд ёс зүйн дүрэм журмыг тун ч дуртайгаар сурч аван, эгээ л Английн гүн мэт биеэ авч явах болно. 

09.14-09.23-ны хооронд төрсөн охины ордных хүүхдүүд. Энэ жил таны хүүхэд оюун ухаан, философи сэтгэлгээгээрээ гайхшируулна. Нялх хүүхэдтэй биш харин том хүнтэй харьцаж байгаа мэт ярилцаад үзээрэй. 

ТӨРСӨН ЖИЛИЙН ЗУРХАЙ 

Хулгана жилтэй охины ордныхон. Зоргоороо аашилмаар үе олон гарна. Гэхдээ тунг нь хэтрүүлж хэрэггүй. Эс тэгвэл таныг найдвартай, тулхтай түнш гэж харах хүн олдохгүй. Гэр бүлийн харилцаан дээр эелдэг зөөлөн бай, харин ажил хэрэг дээр хатуурхах үе гарна. Энэ нь ч таныг хэн бэ гэдгийг харуулж өгнө. 

Үхэр жилтэй охины ордныхон. Өөрийн бизнесийг нээхэд муугүй жил. Таны хөдөлмөрч, мэриймтгий зан зорилгодоо хүрэхэд тусална. Үнэхээр өөрийн гэсэн жил хэргээ эхлүүлмээр байгаа бол саатаж түвдэлгүй ажилдаа ор. Төрийн албаныхнаас тусламж хүсэх шаардлагатай болно. Зарим албан тушаалтнууд таны санааг үнэлж, зөвлөгөө болон ашигтай зээлээр тусалж мэднэ. Шинэ орон сууц худалдаж авах мөрөөдөл тань биелж мэднэ. 

Бар жилтэй охины ордныхон.  Муу, муухай аашаа нууж, бусадтай сайхан харилцаа тогтоож сур. Буулт, алтан дунджийг олох чадвар нь ажил хэрэгт тус болно. Тахиа жилд дипломат авьяас билэг нэн чухал. Шинэ албан тушаалд томилогдож мэднэ. 

Туулай жилтэй охины ордныхон. Та хөдөлмөрч, мөн зарчимч хүн. Гэлээ гээд ажил хэргийн түншүүдээ ганц хоёр минут хоцорсных нь төлөө шүүмжлэх хэрэггүй. Гэр бүлийнхэндээ ч тайван, тэвчээртэй хандахыг хичээгээрэй. Хатуу дүрэм журам тогтоогоод үүнийг нь биелүүлэхгүйн төлөө хэрүүл шуугиан тарих хэнд ч ашиггүй.  Санхүүгийн хувьд тогтвортой, таатай жил болно. 

Луу жилтэй охины ордныхон. Зурхай уншиж дууссан бол одоо хаалгаа нээ. Амжилт танай хаалгыг тогшоод багагүй удлаа. Эхлээд өнгөрсөн жилийн ажил хэргээ цэгцлээд дараа нь бизнес төлөвлөгөөгөө гарга. Олон санаа байгаа ч тэдгээрээс чухамхүү ирээдүйтэйг нь сонгож авахад багагүй хүч шаардагдана. Хамаатан садныхаа дундаас хамтран ажиллах хүмүүсээ сонгож болно. 

Могой жилтэй охины ордныхон. Энэ жил таны хувьд муу санаатнууд, өрсөлдөгчид бараг л гарч ирэхгүй. Ажил хэрэг амжилттай байна. Гадаад төрхөндөө анхаарах хэрэгтэй. Гэр бүлийнхэн тань ар талыг найдвартай авч явна. 

Морь жилтэй охины ордныхон. Бүтэн жилийн туршид ажил ихтэй байна. Орлогын гол эх үүсвэр нь уран бүтээлийн салбар байх болно. Ажил хэргээ амжуулж байгаа үед найзууд тань таны ажлыг сурталчлаад өгнө. 2017 он дөнгөж гармагц санхүүгийн байдал сайжирна. 

Хонь жилтэй охины ордныхон. Өндөр албан тушаалд томилогдох магадлалтай. Хувийн амьдрал өнгөлөг сонирхолтой байна. Энэ ордныхныг романтик болзоо, толгой эргэм дурлал хүлээж байна. Гол нь  ухаанаа алдаж болохгүй, та амьдралаа шийдэх сонголт хийх ёстой шүү дээ. 

Бич жилтэй охины ордныхон. Энэ онд оюун ухаанаа хөгжүүл, их уншиж, оюуны ажил хий. Боловсрол өрсөлдөгчдөө ялах гол хүчин зүйл болно. Нөлөө бүхий хүмүүстэй танилцахад гэмгүй. 

Тахиа жилтэй охины ордныхон. Гадна төрхөндөө анхаарч, оюун ухаан болон мэргэжлийн чадвараараа бусдад цохилт өгөхөд бэлтгэ. Өөртөө итгэлтэй, дайчин, хошин шогийн мэдрэмжээ гээхгүй байснаар олон ажлыг амжуулах болно.  Мөнгө санхүүгийн тал дээр санаа зовох зүйлгүй. 

Нохой жилтэй охины ордныхон. Нохой жилтэн шиг хөдөлмөрч хүн ховор. Тиймээс хөдөлмөрлөсний ачаар амжилт таныг хүлээж байна. Шинэ ажил, албан тушаалд шилжиж магадгүй. Хувийн амьдрал ч таатай байна. Эсрэг хүйсийнхэнтэй харилцах харилцаа сайн байхын дээр ганц бие хүмүүс гэрлэх ёслолоо товлож магадгүй. 

Гахай жилтэй охины ордныхон. Тахиа жил таныг гомдоохгүй, ая тухтай байлгахын тулд бүхнийг хийхийг чармайна. Ажил хэргийн талбарт бүх зүйл сайхан байна. Ажилдаа гайхалтай сайн байснаар тантай өрсөлдөхүйц хүн гарч ирж чадахгүй. Алдар хүндэд толгой эргэж, найз нөхөд, хайртай гэр бүлийнхнээ мартаж болохгүй. Тэд таныг ялагч болоход олон зүйлийг хийсэн. 

 

ЖИНЛҮҮР

Эрхшээгч гариг: Сугар. 
Махбод : Хий. 
Билэг тэмдэг: Жинлүүр, Ном.
Ээлтэй өдрүүд: Баасан, Бямба. 
Таагүй өдрүүд: Мягмар, Ням. 
Металл: Хүрэл, Зэс. 
Үнэт чулуу: Гэрэлт чимэд. 
Ургамал: яшиль мод .
Тоо: 6,8. 
Тохирох өнгө: цэнхэр. 
Үл нийцэх орд: Хонь.

Тахиа жил гарсан өдрөөсөө л жинлүүрийнхнийг ивээлдээ авч, хоёрдугаар сарын эхнээс л жинлүүрийн ордныхон тахиа жилийн найдвартай хамгаалалтан дор байгаагаа мэдэрнэ. Өнгөрсөн жил мөнгө санхүүгийн нөхцөл байдал муугүй байсан. Харин 2017 онд мөнгөтэй холбоотой асуудал гарахгүй, буяны үйлсэд ч гар сунгах боломжтой болох нь. Гэхдээ баруун солгойгүй мөнгөө цацах хэрэггүй. Зөвхөн таны тусламж хэрэгтэй болсон хүмүүст л гар сунга. Хаврын эхээр уран бүтээлийн үйл ажиллагаа амжилттай байна. Урлагтай бага зэрэг ч атугай холбоотой хүмүүсийн ажил үйлс үнэлэгдэж, ихээхэн хэмжээний мөнгөтэй болно.  Хувийн амьдрал ч таатай байна. Хань ижлээ олох бөгөөд гэрлэлтээ хойшлуулаад хэрэггүй. Тахиа жил гэр бүл зохиоход тун тохиромжтой жил.  Харин гэр бүлтэй жинлүүрүүдийн хувьд олон таатай гэнэтийн бэлэг тэднийг хүлээж байна. 3-6 дугаар сард танайд холын хамаатан чинь айлчилж, эсвэл эртний найзуудтайгаа уулзана.  Зун амрахаар төлөвлөсөн бол таныг мартагдашгүй аялал хүлээж байна.  Намар, соёл урлаг болон улс төрийн салбарынхны хувьд бүх зүйл тааламжтай байна. Зөн билэгтээ итгэж, сонголтоо хийгээрэй. Тахиа жил сонголт хийхэд тань тусална. Өдөр тутмын зурхайгаа сайтар уншиж байгаарай.  Таны өмнө бүхий л хаалга нээлттэй байна.  11 дүгээр сард удирдлагатайгаа үл ойлголцох зүйл гарч магадгүй. Таныг суудлыг нь орлохоор хичээж байна гэж дарга тань айж байгаа байх.  Захирал болмоор байгаа бол энд биш өөр газар дорхноо болчихож чадна гэдгээ ойлгуул. 12 дугаар сард та энэ онд гаргасан амжилтуудаа тооцон үзэхэд үнэхээр л бахархууштай үр дүн гарна. Хуримтлал их байна.  Хувийн амьдрал ч таатай байх болно. 

ХАЙР ДУРЛАЛ

09.24-10.03-ны хооронд төрсөн жинлүүрийн ордныхон. Таныг маш олон гайхалтай уулзалт, болзоо хүлээж байна. Тахиа жил таны энэ олон романтик болзоог эсэргүүцэхгүй. Танд таатай байхаар бүхнийг зохицуулна. Гэхдээ эхнэртэй эрчүүдээс болгоомжил. Хүнээ сонгохдоо ухаантай бай. ]

10.04-10.13-ны хооронд төрсөн жинлүүрийн ордныхон. Тахиа жилд жинлүүрийнхэн олон гэнэтийн бэлэгтэй таарахын зэрэгцээ боломжийн мэт санагдах эрчүүдээс гэрлэх санал хүлээн авч мэдэх нь. Зөвшөөрөх гэж яарсны хэрэггүй. Цаг хугацаа бүхнийг харуулна. 

10.14-10.23-ны хооронд төрсөн жинлүүрийн ордныхон. 2017 он таны хувьд адал явдлаар дүүрэн. Романтик болзоо, бэлгэнд дарагдана. 

АЖИЛ ХЭРЭГ 

Жинлүүрүүд тахиа жилд бусад ордныхон бүтэлгүйтэж байгаа салбарт амжилт олно. 

09.24-10.03-ны хооронд төрсөн жинлүүрийн ордныхон. Дарга, удирдагч болоод үз. Гэхдээ дарга болоход нэр хүнд, статус нь сайхан ч маш өндөр хариуцлага хүлээдэг гэдгийг мартаж болохгүй. Үүнд бэлэн гэж бодож байгаа бол урагшаа. Найзуудаа татаж авахаа мартав аа. Тэд таныг дэмжиж, багаа бүрдүүлэхэд тань туслах болно. 

10.04-10.13-ны хооронд төрсөн жинлүүрийн ордныхон. Энэ жил та мөнгө санхүүгийн тал дээр санаа зовох хэрэггүй. Хангалттай хэмжээний мөнгө өөртөө татна. Гэхдээ сайн явахад садаа мундахгүй гэдэг үгийг бас санах хэрэгтэй.

10.14-10.23-ны хооронд төрсөн жинлүүрийн ордныхон. Та энэ жил уран бүтээлтэй холбоотой ажилд илүүтэй амжилттай байна. 

ГЭР БҮЛ 

09.24-10.03-ны хооронд төрсөн жинлүүрийн ордныхон. Энэ  жил танд гэртээ тав тухтай , эерэг уур амьсгал бүрдүүлэх хүсэл төрнө. Амттай хоол, десерт бэлдэж гэрийнхнээ баярлуулахын тулд курсд бүртгүүлчихэд ч гэмгүй. Орон сууцандаа засвар хий. 

10.04-10.13-ны хооронд төрсөн жинлүүрийн ордныхон. Ажил дээр гарсан асуудлуудаа гэртээ ярихгүй байхыг хичээ. Тэгэхгүй бол захирлынхаа талаар хэт их ярьснаасаа болж гэрийнхэн тань бүр залхана. Тахиа жилд гэр бүлээрээ байгалд амрахад тохиромжтой. 

10.14-10.23-ны хооронд төрсөн жинлүүрийн ордныхон. Зөөлөн зан чанараа аль болох их гаргаж бай. Хүүхдүүдээ хэтрүүлэн магтахаас бүү ай. Таниас өөр тэднийг энэ дэлхийн хамгийн ухаантай, хамгийн хөөрхөн гэж хэн хэлэх юм? Эцэг эх, эмээ өвөөдөө анхаарал хандуулж, тэдний эрүүл мэндэд анхаарал тавиарай. 

ЭРҮҮЛ МЭНД 

Энэ жил ноцтой асуудал гарахгүй ч хууч өвчнөө эмчлүүлэх хэрэгтэй. 

09.24-10.03-ны хооронд төрсөн жинлүүрийн ордныхон. Өөрийгөө төөрөгдөлд оруулж, элдэв өвчний талаар интернэтээс зөвлөгөө уншиж, тэдгээрт итгэх хэрэггүй. Олон нийтийн сүлжээнд байгаа мянган найзаас чинь илүү өрхийн эмч таныг хэрхэн эрүүл болгохыг мэднэ. Тахиа жилд байгалд аль болох их амарч, стрессээс ангид байгаарай. 

10.04-10.13-ны хооронд төрсөн жинлүүрийн ордныхон. Бие галбиртаа үнэхээр санаа зовниж, дасгал хөдөлгөөнөөр хичээллэж байгаа жинлүүрийнхэн үр дүнд хүрнэ. Хоолны дэглэм зохиж, өглөөгүүр гүйснээр эрүүл мэнд, бие галбираа хэвээр хадгална. Гэхдээ юм бүрт хэмжээ байдгийг санаарай. 

10.14-10.23-ны хооронд төрсөн жинлүүрийн ордныхон. Та энэ жил ханиад томуунд өртөмтгий байна. Гэхдээ  урьдаас сануулсан учир бэлтгэлтэй байж чадна гэсэн үг. Улиралдаа тааруулан хувцаслаж, амин дэм хэрэглэхээ мартав аа. Ингэсэн тохиолдолд та заавал эм ууж, тариа тариулахгүйгээр ханиад томуугаас сэргийлж чадна. 

ХҮҮХДИЙН ЗУРХАЙ 

09.24-10.03-ны хооронд төрсөн жинлүүрийн ордны хүүхдүүд. Таны хүүхэд маш сониуч нэгэн болно. Та хормын төдийд түүнээс өчнөөн олон асуулт сонсоно. Бяцхан жинлүүрүүдийн эрч хүч их байж, нэг ч хором тогтвортой сууж чадахгүй л болов уу. 

10.04-10.13-ны хооронд төрсөн жинлүүрийн ордны хүүхдүүд. Дуулгаваргүй бяцхан жаал тань үгэнд орохгүй хэт эрхэлж эхэлбэл нялх хүүхэдтэй харьцаж байгаа юм шиг харьцана шүү гээд “айлгаад” үзээрэй. Тэд өөрсдийгөө том болсон гэж боддог тул ийм шийтгэлийг тэвчиж ч чадахгүй. Тиймээс тун удахгүй үгэнд тань орох болно. Таны бяцхан жаал сул талуудыг тань мэддэг учраас түүний “дайралтад” бууж өгч болохгүй. 

10.14-10.23-ны хооронд төрсөн жинлүүрийн ордныхон. Танай жаал хөгжилтэй дуу шуутай тоглоом, наргианд их дуртай. Энэ онд таны хүүхэд маш нинжин сэтгэл, шударга зангаараа таныг гайхшруулна. 

ТӨРСӨН ЖИЛИЙН ЗУРХАЙ

Хулгана жилтэй жинлүүрийн ордныхон. Тахиа жилд та санхүүгийн салбарт амжилттай байна. Ямар ч нөхцөлд сэргэлэн цовоо байж чадвал тахиа жил таныг ивээлдээ багтаана. Таны хурц ухаан гэр бүлийн амьдралд ч тус болно. 

Үхэр жилтэй жинлүүрийн ордныхон. Атгаг санаа өвөрлөгчид, найз нэртэй хорлогчдоос тахиа жил таныг хамгаална. 2017 оны өдөр бүр өөр байж, танд уйдах зав гарахгүй. Утсаа унтраагаад холхон газар амрахаас явсан ч сонирхолтой зүйл үргэлж тохиолдоно. 

Бар жилтэй жинлүүрийн ордныхон. Санаа зовних, түгших, бухимдах зүйл гарахгүй. Албан тушаал ахиж, цалин нэмэгдэх магадлалтай. Хувийн амьдралд мөн л таатай байна. Таны хань хүсэл бүрийг чинь биелүүлэхэд бэлэн. 

Туулай жилтэй жинлүүрийн ордныхон. Энэ жил нэг их хичээл зүтгэл гаргаж, сунаж унатлаа ажиллахгүй байсан ч ажил хэрэг хэвийн сайхан үргэлжилнэ. Байгалд ажиллахад нэн тохиромжтой. 

Луу жилтэй жинлүүрийн ордныхон. Дайснууд холуур байж, харин та тайван амсхийх боломж гарна. Амьдралд хайртай, өөдрөг зан тань бизнесийн салбарт ч хэрэг болж, ажил хэрэг өөдрөг бүтэмжтэй байна. 

Могой жилтэй жинлүүрийн ордныхон. Могой уг нь хэвлээр явагч, мөлхөгч амьтан. Гэхдээ энэ жил та нисэх шаардлагатай болох нь. Албан томилолт, тэр дундаа хилийн чанад руу томилолтоор явах гээд нисэх онгоцоор ихээхэн үйлчлүүлэх нь. Та газар үзээд зогсохгүй, ашигтай холбоо харилцаа тогтоож чадна. 

Морь жилтэй жинлүүрийн ордныхон. Хамаатан садан, нөлөө бүхий танилууд танайд зочилж мэднэ. Ажил дээр ч асуудал тун бага. Удирдлагууд таны үгийг анхааралтай сонсоно. Хуримтлал үүсгэж эхлэх хэрэгтэй. Хэрэглээнээс илүү гарган хуримтлал үүсгэх хангалттай мөнгө олж чадна. 

Хонь жилтэй жинлүүрийн ордныхон. Од мичдэд хүслээ шивнэ. Мөрөөдөл тань заавал биелэх болно. Жижиг асуудалд анхаарал, хүчээ тарамдалгүй дорвитойхон ажил мөрөөдөж, төлөвлө. Шинэ орон сууцтай болох магадлалтай. 

Бич жилтэй жинлүүрийн ордныхон. “Хүнд хэцүү” гэсэн үгийг мартах цаг нь болжээ. Бүх зүйл алсуураа сайхан бүтнэ.  Харин гэр бүлдээ анхаарал хандуулах хэрэгтэй. Хүүхдүүдтэйгээ хамт дэлгүүр орж, хэрэгтэй зүйлсийг нь худалдан авч, аль болох хамтдаа аял. 

Тахиа жилтэй жинлүүрийн ордныхон. Тахиа жилд найрсаг ханд, тэр хариуг нь заавал барина. Түншүүдээсээ ашигтай санал олон хүлээж авна. Гэхдээ нэг л асуудал байна. Ирээдүйтэй ажил хэрэг бүхнийг амжуулахад бие чинь арай л дийлэхгүй. Тиймээс найзуудынхаа дундаас хамтрагчаа хайж, ажил хэргээ өргөжүүл. 2017 онд хувийн амьдрал тааламжтай байна. Мөнгө санхүүгийн тал дээр ч асуудалгүй. 

Нохой жилтэй жинлүүрийн ордныхон. Үнэнч байна гэдэг муугүй хэрэг. Гэхдээ тахиа жилд зөвхөн ажил албандаа төдийгүй өөртөө ч ашигтай байдлыг хайхыг хичээ. Танд ашигтай томилолт санал болгох ч юм бил үү? Энэ үед надаас илүү хэн энэ томилолтыг авах юмсан гэж ярьж байлаа гэж асуух шаардлага байгаа гэж үү? Гэр бүлийн тал дээр ч тааламжтай байх тул ажил хэрэгтээ анхаарал хандуулах цаг хангалттай гарна. 

Гахай жилтэй жинлүүрийн ордныхон. Таны хөгжилтэй зан олон хүндрэлийг даван туулахад тань тусална. Ер нь  ямар ч үед инээмсэглэж, хөгжилдөж чадаж байгаа хүнтэй хэн хэрэлдээд зогсоод байх вэ дээ. Мөнгө санхүүгийн хувьд тахиа жил ивээлээ өгнө. 

 

ХИЛЭНЦ

Эрхшээгч гариг:Ангараг.
Махбод: Ус. 
Билэг тэмдэг:Хилэнц, Дэнлүү, Бүргэд, Цац суварга. 
Ээлтэй өдөр: Мягмар. 
Ээлгүй өдөр: Баасан. 
Металл: Төмөр, Ган. 
Үнэт чулуу: Молор.
Ургамал: Хонин арц.
Тоо: 5. 
Илүү тохирох өнгө: Улаан. 
Үл тохирох орд: Үхэр.

Бич жилд хилэнцийнхэнд өрсөлдөгч, муу санаатнууд олон таарч байсан бол тахиа жилд тэдний талаар мартана.  Гуравдугаар сард санхүүгийн салбарт гэнэтийн бэлэг хүлээж байна. Хаврын дунд үеэр ч энэ байдал хэвээр үргэлжилж, өмнө нь гар татаж байсан зүйлсээ ч худалдан авах боломжтой болно.  Мөнгө их олж байна гээд зугаацаж цэнгээд яваад байх хэрэггүй. Гэр бүлдээ их цаг гарга. Тавдугаар сард сайн амрах хэрэгтэй.  Зун ажлаа солих талаар бодож магадгүй. Өөрийн гэсэн ажил хэргээ эхлүүлэхээр шийдсэн бол амжилт ойрхон байна. Ямар  салбар гэдгээс үл хамааран энэ жил ивээлээ өгнө гэдгийг санаарай. Санхүүгийн тал дээр ноцтой хүндрэлүүд гарахгүй. Намар эрсдэлтэй ажиллагаанд тоххиромжтой үе.  Мөн аравдугаар сард сонирхолтой уулзалт, болзоогоор дүүрэн байна.  Ганц бие бол адал явдлаар дүүрэн байх нь. Харин хэдийнэ гэрлэсэн бол таныг эргүүлж байгаа хүмүүсээс холхон байж, сээтгэнэхээс зайлсхий. Үгүй бол гэр бүлийн харилцаанд ноцтой сэв сууж мэдэх нь. 12 дугаар сард таатай үйл явдлууд олон тохиодоно. Албан тушаал ахих, орон байрныхаа нөхцлийг сайжруулахад тохиромжтой.

ХАЙР ДУРЛАЛ

10.24-11.02-ны хооронд төрсөн хилэнцийн ордныхон. Та энэ онд сэтгэл татам байна. Тиймээс эсрэг хүйстнүүдээ ихээр татна. Гэхдээ огт хэрэггүй холбоо харилцаа үүсгэж, өөрийгөө ч хохироогоод хэрэггүй.

11.03-11.12-ны хооронд төрсөн хилэнцийн ордныхон. Энэ жил та маш сэтгэл татам байх учраас танд дурлах, араас тань гүйх хүмүүс мундахгүй. Гэхдээ тэдний дунд хөнгөн хийсвэр нэгэн ч бий гэдгийг санаж, биеэ барьж, бусдын зүрх сэтгэлээр тоглохгүй байхыг хичээ. Удаан хүлээсэн нэгэнтэйгээ уулзах тун ойрхон байна.

11.13-11.22-ны хооронд төрсөн хилэнцийн ордныхон. Та хайр дурлалын харилцаан дээр ихээхэн амжилттай байдаг. Мөн сээтэгнэж чаддаг, таньтай дүйх нэгэн байхгүй. Энэ жил танд тохирох нэгний зүрх сэтгэлийг булааж чадна.

АЖИЛ ХЭРЭГ

Гал тахиа жилд таны ажил хэрэг эрхлэх чадвар хэд дахин нэмэгдэнэ. Мөнгө санхүүгийн тал дээр санаа зовних хэрэггүй, хуримтлал үүсгэхэд тохиромжтой үе.

10.24-11.02-ны хооронд төрсөн хилэнцийн ордныхон. Танд нэмэлт үүрэг хариуцлага гарч ирж мэдэх нь. Гэхдээ үүнд санаа зовних хэрэггүй өөрийгөө идэвхжүүлж, удирдлагадаа ажиллах чадвар өндөртэй гэдгээ харуул. Таны авьяасыг нэг их удахгүй үнэлнэ. Албан тушаал ч ахиж мэднэ.

11.03-11.12-ны хооронд төрсөн хилэнцийн ордныхон. Тахиа жилд өрсөлдөгчдөө өөртөө татаж, хамтран ажиллахад гэмгүй. Мөнгөтэй ухаалаг харьц. Хэрэггүй зүйлд мөнгө үрж байснаас ирээдүйгээ бодож, ашигтай зүйлд хөрөнгө оруул.

11.13-11.22-ны хооронд төрсөн хилэнцийн ордныхон. Тахиа жилд та албан ажил болон томилолтоор ийш тийшээ олон явах нь. Таны дипломат авьяасыг хэрэгтэй хүмүүс олж харснаар ашигтай санал тавьж мэднэ. Хүч чадалдаа эргэлзээд хэрэггүй, шинэ салбарт орохоор байсан ч эргэлзэлгүйгээр энэ талаар багахан судлаад бүгдийг гартаа ав. Ямар нэг асуудал гарахгүй.

ГЭР БҮЛ

10.24-11.02-ны хооронд төрсөн хилэнцийн ордныхон. Хувийн амьдрал гэдэг нь хөндлөнгийн хүмүүс таны амьдралыг сонирхох ёсгүй, хувийн орон зай л байдаг учраас хувийн амьдрал гэж нэрлэгдсэн хэрэг. Тиймээс гэр бүлийн харилцааны талаар сониучирхах гэсэн найзуудынхаа оролдлогыг тухай бүрт таслан зогсоож, тогоон дотроо болсон зүйлсийг гадагш задлаад байх хэрэггүй. Гэр бүлээ хөндлөнгөөс хошуу дүрэгчдээс хамгаалах гэсэн оролдлогыг тань гэр бүлийн хүн тань үнэлж, та хоёрын харилцаа улам сайхан болно.

11.03-11.12-ны хооронд төрсөн хилэнцийн ордныхон. Гэр бүлээрээ аль болох их аялаарай. Зуслан, хөдөөгүүр аялж амжихгүй бол хот дотроо ч кино, жүжиг үзэн гэр бүлээрээ хөгжилдөж болно шүү дээ.

11.13-11.22-ны хооронд төрсөн хилэнцийн ордныхон. Гэр бүлээрээ энэ онд спортоор хичээллээрэй. Үүний тулд өглөө эртлэн босч гүйх гэсэн энгийн зүйлээс эхлэхэд л хангалттай.

ЭРҮҮЛ МЭНД

10.24-11.02-ны хооронд төрсөн хилэнцийн ордныхон. Хоол хүнсэндээ анхааралтай ханд. Хэт их хоолны дэглэм барьж, идэж уусан хүнсний зүйл бүрийнхээ илчлэгийг тооцох хэрэггүй. Гэхдээ мэдээж шарсан төмс, хийжүүлсэн ундаанаас татгалзах хэрэгтэй.

11.03-11.12-ны хооронд төрсөн хилэнцийн ордныхон. 2017 онд хилэнцийнхэнд байгальд идэвхтэй амралт маш хэрэгтэй. Ингэснээр оюун ухаан болон бие бялдар сайн амрах болно.

11.13-11.22-ны хооронд төрсөн хилэнцийн ордныхон. Энэ жил өөрийгөө сайтар эрхлүүл. Даарч хөрөх, норохоос сэргийл. Байнга аминдэм хэрэглэ.

ХҮҮХДИЙН ЗУРХАЙ

10.24-11.02-ны хооронд төрсөн хилэнцийн ордны хүүхдүүд. Нэг ч хором нэг байрандаа тогтдоггүй хүүхдүүд бол хилэнцийн ордныхон. Энэ онд ч таныг амар тайван байлгахгүй нь. Гэхдээ тэдэнтэй аль болох цагийг хамт өнгөрөөж, тоглож наадснаар тэдний сэтгэн бодох чадвар нэмэгдэнэ.

11.03-11.12-ны хооронд төрсөн хилэнцийн ордныхон. Энэ жил таны хүүхдэд маш их анхаарал шаардагдах нь. Үүнийг дагаад зардал ч их гарна. Цирк, жүжгийн тасалбар, ном тоглоом нэхэж байсан хүүхэд агшин зуур өөрчлөгдөж, одон оронч болно гэж зөрүүдлэн дуран авиа ч нэхэж мэднэ. Гэрийн тэжээмэл амьтантай болвол тэр цаг заваа түүнд зориулахын дээр амьтан хайрлаж сурахад тустай.

11.13-11.22-ны хооронд төрсөн хилэнцийн ордныхон. Таны хүүхдийн авьяас билэг илэрч, цаг өдрөөр л улам бүр ухаалаг болно. Авьяас билгээ нээх гэж оролдож байгаа ийм үед нь л өөрийнх нь хүссэн дугуйлан, сургалтанд явуулах хэрэгтэй.

ТӨРСӨН ЖИЛИЙН ЗУРХАЙ

Хулгана жилтэй хилэнцийн ордныхон.  Энэ жил орон сууцандаа засвар хий. Үүнд зарцуулах мөнгө  болон цаг зав аль аль нь танд хангалттай гарна.  Ажил дээр гарч байсан таагүй асуудлууд ард хоцорч, буулт хийх чадвартай таны ачаар нөхцөл байдал таатай болно. 2017 онд хувийн амьдрал эрчимтэй байх хэдий ч ухаантай байж, дурлачихлаа гэхэд яаран хайраа илчлэх хэрэггүй.

Үхэр жилтэй хилэнцийн ордныхон.  Энэ жил та тэнцвэртэй тайван байна.  Хажууд чинь бөмбөг дэлбэрч байсан ч маш тэвчээртэй байж, бүхнийг тайвнаар ажиглах болно. Ажил хэрэг амжилттай байна. Энэ онд бага зэрэг амсхийхэд гэмгүй. Мөнгө санхүүгийн хувьд таатай байна. Өөрийн гэсэн бизнесийг эхлүүлэхэд тахиа жил ивээлээ өгнө.

Бар жилтэй хилэнцийн ордныхон. бүхий л асуудлууд ард хоцорсон. Тахиа жил таныг олон таатай үйл явдлуудаар баярлуулах болно. Улс төрийн салбарт муугүй үр дүнд хүрч мэдэх нь.

Туулай жилтэй хилэнцийн ордныхон. Энэ жил үнэтэй хувцсад гар таталгүй, дүр төрхөө өөрчлөх үе. Хувийн амьдралд ч таатай зүйл олон гарна.

Луу жилтэй хилэнцийн ордныхон. Таны зөн билэг нэмэгдэнэ. Тиймээс аливаа шийдвэр гаргахдаа зөн билэгтээ итгэ. 2017 оны эхнээс л мөнгө санхүүгийн байдал сайжирна. Одоо эрхэлж байгаа ажлаасаа уйдсан бол ажлаа солиход тохиромжтой үе.

Могой жилтэй хилэнцийн ордныхон. Баримттай зүйлд л илүүтэй итгэ. Мөнгө зээлэхдээ баримтжуулж, чухал яриа хэлэлцээрийг утсан дээр бичиж авлаа гээд хэнийг ч гомдоочихгүй. Бүтэлгүйтэл, таагүй зүйл гарах хэдий ч энэ нь тийм ч айхтар үр нөлөөтэй, олон давтамжтай байхгүй. Хайр дурлалын тал дээр бүх зүйл гайхалтай байна. Дотоод сэтгэлээ чагнаж, хайртай хүнээ зөв сонгох боломж тохионо.

Морь жилтэй хилэнцийн ордныхон. Энэ жил таны хувьд бүх зүйл сайхан байна.  Хэсэг хугацаанд амарч, амсхийх боломжтой. Удирдлагын зүгээс өгөөмөр хандаж, урамшуулж, нэмэлт амралт тооцож өгч ч болох юм, боломжийг бүү алд.

Хонь жилтэй хилэнцийн ордныхон. Бүтээлч санаагаараа олны анхаарлыг татна, үүнийг дагаад атаархагчид, муу санаатнууд ч гарч ирнэ. Тэдэнд үргэлж саад тавь. Чухал хүмүүстэй танилцаж мэднэ, тэдний нөлөөг ашиглах цаг тун удахгүй.

Бич жилтэй хилэнцийн ордныхон. Аливаа асуудлаас тахиа жил таныг хамгаална. Бизнес эрхэлдэг хүмүүс ажил хэргийн хүрээгээ өргөжүүлнэ.  Ингэснээр та алдахгүй, таны нэр хүнд улам бүр өсч, таны удирдлаган дор ажиллах гэсэн хүмүүс олширно.

Тахиа жилтэй хилэнцийн ордныхон. Ажил хэрэг амжилттай байх хэдий ч өрсөлдөгчид, муу санаатныг өөртөө дуудахгүйн тулд ололт амжилтаараа нэг их онгирч, бардамнах хэрэггүй. Хувийн амьдрал таатай байна. Гэр бүлээрээ аялахад тохиромжтой.

Нохой жилтэй хилэнцийн ордныхон. Энэ жил бусадтай таагүй харилцаа үүсгээд байхгүй нь, таныг зөвхөн эерэг сэтгэгдэлтэй хүмүүс л хүрээлнэ. Ажил дээр ч нөхцөл байдал сайжирна.  Хамгийн сүүлд хэзээ амралтаа авснаа санаж байна уу? Өргөдлөө бичээд амралтаа ав. Энэ онд сайтар амрах нь чухал.

Гахай жилтэй хилэнцийн ордныхон. Бүхэл жилжингээ амьдралын сайхныг мэдэрнэ. Энэ онд шинэ байр худалдан авах тухай бодох цаг нь иржээ. Хотын захын тохилог байшин худалдаж авахад тохиромжтой.

 

НУМ

Эрхшээгч гариг: Бархасбадь. 
Махбод: Гал. 
Билэг тэмдэг: Кентавр, Од. 
Ээлтэй өдөр: Пүрэв. 
Ээлгүй өдөр:Лхагва. 
Металл: Хар тугалга. 
Үнэт чулуу: Оюу
Ургамал: Хус . 
Тоо: 4. 
Илүү тохирох өнгө: Нил ягаан. 
Үл зохицох орд: Ихэр.

Энэ жил хэн нэгэнтэй өрсөлдөж, тэрсэлдээд байх шаардлага гарахгүй. Хоёрдугаар сард нумын ордны одон хүн чухал уулзалт, хэлэлцээрүүдийг төлөвлөнө. Та нэг их хичээл зүтгэл гаргаагүй байхад л хүнд итгэдэггүй түншээ ятгаж, гэрээнд гарын үсэг зуруулж дөнгөнө. Уран үг яриа хувийн харилцаанд ч тусална. Хурц ухаанаараа бусдыг татна. Хавар олон сонирхолтой уулзалтууд, аливаа салбарт амжилт хүлээж байна. Гагцхүү таны сэтгэл санааны байдлаас энэ бүхэн хамаарна. Амжилтыг тань үнэлсэн гавьяа шагнал ч мундахгүй.  Дөрөвдүгээр сард удирдлагын зүгээс таныг урамшуулж магадгүй. Хаврын дундуур ганц бие хүмүүсийг романтик болзоо хүлээж байна. Энэ болзоо хуримын ёслолоор үргэлжилж мэднэ.  Тавдугаар сард танд уудам орон зай дутагдаж мэдэх нь, их хотын чимээ шуугианаас залхсан бол амралтаа авч, уул, ойд аял. Зун эртнээс бодож байсан төлөвлөгөөгөө хэрэгжүүлэхэд муугүй үе. Бизнес цэцэглэнэ, гол нь та найдвартай баг бүрдүүл. Зуны сүүлээр ажлаас түр хөндийрч, хэсэг амраарай.  Наймдугаар сард хувийн амьдрал яг л үлгэр мэт байна. Гэхдээ энэ үлгэр дээр хорон санаат шидтэн, шулам зэрэг муу дүрүүдийг гаргаж ирэхгүйн тулд тэвчээртэй бай. Гэр бүлийнхэндээ илүү их анхаарал хандуул.  Намар тансаг, тухтай амьдралд татагдана. Орон байрандаа засвар хийхэд тохиромжтой. Мөнгөн санхүүгийн хувьд ч тааламжтай үе.  Арванхоёрдугаар сард нумынхны хувьд тайван өнгөрнө. 

ХАЙР ДУРЛАЛ

11.23-12.01-ний хооронд төрсөн нумын ордныхон. Таны мэдрэмжтэй зан хэнийг ч өөртөө татахад туслана. Гэхдээ та гүнзгий харилцаа үүсгэнэ гэж төлөвлөөгүй байгаа бол биеэ барих хэрэгтэй. Таныг эргүүлж байгаа хүмүүст амлалт өгөх хэрэггүй. Ямар нэг үүрэг хариуцлага хүлээлгүйгээр , өнөөдрөөрөө амьдар. 

12.02-12.12-ны хооронд төрсөн нумын ордныхон. Хосоо хажуудаа хэрхэн тогтоохоо та сайн мэднэ. Харин энэ онд таныг гэсэн хүмүүс олшироох нь. Олон хүн эргүүлэх тийм ч муу биш ч гэлээ ийм байдал танд хэрэгтэй гэж үү?

12.13-12.21-ны хооронд төрсөн нумын ордныхон. Та энэ онд маш романтик, уяхан нэгэн болж хувирна. Тахиа жил танд төгс хайрыг хайхад туслах хэдий ч эхлээд та өөрөө сайн хүн болох хэрэгтэй. Амьдралын хэв маяг, харилцааны хүрээгээ хэдийнэ солих цаг болжээ. 

АЖИЛ ХЭРЭГ 

Энэ онд мөнгө таныг байнга дагалдах тул энэ тал дээр санаа зовохгүй байж болно. 

11.23-12.01-ний хооронд төрсөн нумын ордныхон. Тахиа жилд та ажилгүй хоосон суухгүй. Хаана ч байлаа гэсэн зохих ёсоор үнэлэгдэх ажил, амжилттай гэрээ хэлэлцээр таныг дагасаар байх болно. 

12.02-12.12-ны хооронд төрсөн нумын ордныхон. Найз нөхдөө шалга, өөрийгөө юу ч үгүй хоосорсон гэж хэлээд танд жинхэнэ найз хичнээн байдгийг мэдэж ав. Ихэнх нөхөд ууршин замхрах мэт алга болох л болов уу, үүнд санаа зовох хэрэггүй ээ, тооноос чанарт шилжихэд гэмгүй. Харин жинхэнэ шалгарч үлдсэн найз нөхөдтэйгээ шинэ ажил хэрэг дээрээ хамтрахад тохиромжтой, тэд танд ямар ч хүнд үе гарсан туслахад бэлэн байна. 

12.13-12.21-ний хооронд төрсөн нумын ордныхон. Эргэн тойрныхон чинь таны хийх ёстой, шийдэх ёстой асуудлуудыг өмнөөс чинь амжуулчихна гэж найдах хэрэггүй. Хэдэн жилийн өмнө мөрөөдөж байсан зүйлээ сана, энэ жил л хэрэгжүүлэх боломж тохиож байна. 

ГЭР БҮЛ 

11.23-12.01-ний хооронд төрсөн нумын ордныхон. Өрхийн тэргүүн болох гээд үз. Та чадна. Гэр бүлд маргаан зөрөлдөөн гарвал хадмуудаа өөртөө тат, тэд таны төрсөн эцэг эхээс илүү таныг дэмжиж мэднэ. 

12.02-12.12-ны хооронд төрсөн нумын ордныхон. Орон байраа тохижуулахад тохиромжтой. Орон сууцаа солих эсвэл зүгээр л загвар хийцийг нь өөрчил.  Зуслангийн газартай бол түүн дээрээ гэрийнхэнтэйгээ хамтраад өөрсдийн хүчээр товхийсэн байшин барихад тохиромжтой үе. 

12.13-12.21-ний хооронд төрсөн нумын ордныхон. Тахиа жилд хатуу дүрэм журмаас зайлсхийж, хүүхдүүдээ эрхлүүл. Хүүхдүүдэд аль болох хувийн эрх чөлөөг нь өгч, аав ээжийгээ зөвхөн баяр ёслолоор төдийгүй жирийн үед ч бэлэг өгч баярлуул. Өөрийгөө ч мөн мартаж болохгүй, хаа нэг сайн найзуудтайгаа хөгжилдөх сайхан амралт болно шүү дээ. 

ЭРҮҮЛ МЭНД 

Энэ онд хэт ядрахаас зайлсхийж, үе үе амрах хэрэгтэй. Идэвхитэй амралтыг эрхэмлэ. 

11.23-12.01-ний хооронд төрсөн нумын ордныхон. Хоолны дэглэм, бусад хориг хязгаарууд танд зориулагдсан эд биш. Та одоо байгаагаараа л сайхан байна. Яг л энэ байдлаараа урагшла. биеийн тамираас татгалзах хэрэггүй.  Гэхдээ зарим үед зүгээр л амарч болно. Ганц хоёр өдөр буйдан дээр тухлан хэвтлээ гээд та илүүдэл жинтэй болчихгүй.

12.02-12.12-ны хооронд төрсөн нумын ордныхон. Үе үе амарч, амсхийж сур, учир нь энэ онд та нойргүйдэлтэй олон удаа “уулзаж” мэдэх нь. Бясалгал, йог тустай.

12.13-12.21-ний хооронд төрсөн нумын ордныхон. 2017 онд цэвэр агаар таны сайн нөхөр байх болно. Цаг агаараас үл хамааран, төлөвлөсөн л бол агаарт алх, зугаал. Усан эмчилгээ ч гэмгүй. Усан санд сэлэх эсвэл гол, нууранд сэлэх эсэх нь таны л дур. 

ХҮҮХДИЙН ЗУРХАЙ 

11.23-12.01-ний хооронд төрсөн нумын ордны хүүхдүүд. Таны хүүхдүүд энэ жил бие даасан, тусгаар байхыг хүснэ. Хүүхдээ дагуулан хүүхэлдэйн театрт жүжиг үзэж, гэртээ бяцхан баяр зохион байгуулж болно. Хамгийн гол нь хүүхэд гол дүрд нь байх ёстой.

12.02-12.12-ны хооронд төрсөн нумын ордныхон. Энэ үед төрсөн хүүхдүүд ганц ч хором ганцаараа байхыг тэвчихгүй. Тиймээс хүүхдээ найз нөхдийндөө зочлохоор очихдоо ч ажил дээрээ ч авч очих хэрэг гарах нь. Гэхдээ үүнд санаа зовох хэрэггүй, таны хүүхэд олны дунд хэрхэн биеэ авч явахаа сайн мэднэ. 

12.13-12.21-ний хооронд төрсөн нумын ордны хүүхдүүд.  Таны хүүхэд энэ онд ихээхэн дэггүйтэж, тайван байлгахгүй нь бололтой. Тэвчээртэй суулгадаг зүйлс түүнд тохиромжгүй, харин гүйж харайж, мод руу авирч, усанд сэлвэл тэдний эрч хүчийг зөв хуваарилсан сонголт болно. 

ТӨРСӨН ЖИЛИЙН ЗУРХАЙ 

Хулгана жилтэй нумын ордныхон. Тахиа жил гармагц амжилт таны хаалгыг тогшино. Гэхдээ та маш анхаарал болгоомжтой бай, ялангуяа ажил хэргийн түншүүдээ сонгохдоо онцгой анхааралтай байх хэрэгтэй. Анхаарал болгоомж хаана ч илүүдэхгүй. Хувийн амьдарлд ч тэр. Зөн билэгтээ итгэ. 

Үхэр жилтэй нумын ордныхон. Тахиа жилийг угтахдаа хүслээ цаасан дээр бичихээ мартав аа. Хичнээн ч хүсэл бичиж болно, таны зүгээс уйгагүй хөдөлмөр, тэвчээр шаардагдана. Санхүүгийн хүндрэлийн талаар март. 

Бар жилтэй нумын ордныхон. Энэ жил хүмүүстэй дайсагнаж, сөргөөцөлдөөд байх шаардлага гарахгүй нь. Тиймээс амарч зугаалж, ажлаас түр хугацаанд хөндийрч болно. Гэхдээ удаан ажилгүй суухаас та залхах учраас нэг их удалгүй л ажил руугаа гүйнэ. Тэнд ч таныг сайхнаар угтах болно. 

Туулай жилтэй нумын ордныхон. Ямар ч нөхцөлд дасан зохицох чадвар тань энэ жил чухал зорилгодоо хүрэхэд туслана. Албан тушаал ахиж мэдэх нь. Нэр хүнд, өндөр албан тушаалаас болж толгой эргэж магадгүй. Зусар үгсэнд бүү итгэ, цаг хугацаа бүхнийг харуулна. 

Луу жилтэй нумын ордныхон. Таны үнэтэй, хосгүй шинэ санааг удирдлага тань сонсож, таныг мэргэжлийн өндөр ур чадвартай, хэнээр ч солишгүй мэргэжилтэн гэдгийг ойлгоно. Цалин сайтай шинэ албан тушаалд томилогдож магадгүй. Хувийн амьдрал таатай өөрчлөлтүүдээр дүүрэн байна, бүл нэмж магадгүй. 

Могой жилтэй нумын ордныхон. Ашигтай санал ирнэ. Нөлөө бүхий хүмүүстэй танилцаж чадвал тэд танд туслана. Мөнгө санхүүгийн тал дээр санаа зовох зүйлгүй. 

Морь жилтэй нумын ордныхон. Морь жилтнүүд энэ онд бүхий л салбарт ялагч байна. Гэхдээ хувийн амьдралаа орхигдуулж болохгүй. Таны ажлын амжилт болон ажил ихтэй байгааг гэрийнхэн чинь ойлгох хэдий ч тэдэнд таны анхаарал халамж дутагдана. Тиймээс амралт чөлөөт цагаа гэрийнхэнтэйгээ хамт өнгөрүүлээрэй. 

Хонь жилтэй нумын ордныхон. Байнгын таатай гэнэтийн бэлгүүд гарч ирнэ. Санхүүгийн нөхцөл байдал муугүй байх хэдий ч хэт их үррэлгэн байх хэрэггүй. Хайр дурлалын тал дээр нууц шүтэн бишрэгч гарч ирж мэднэ. 

Бич жилтэй нумын ордныхон. Та хамт олныхоо дунд нэр хүндтэй байна. Хамтран ажиллагсад болон ажил хэргийн түншүүдийнхээ ч хайр хүндэтгэлийг татна. Хошин шогийн мэдрэмж өндөр байх хэдий ч нөлөө бүхий, чухал хүмүүстэй уулзахдаа хошигнож маазраад хэрэггүй л болов уу. Хайр дурлалын тал дээр амжилттай байж, нэгнээ харцнаасаа л ойлгодог хүнтэйгээ учирна. 

Тахиа жилтэй нумын ордныхон. Гэнэтийн таатай бэлэгт бэлэн бай. Ашигтай хэлэлцээрүүд олж чадснаар мөнгөн дээр санаа зовних хэрэггүй болно. 

Нохой жилтэй нумын ордныхон. Энэ жил таны үүрэг хариуцлагаа мэдрэх мэдрэмж бизнест амжилт олоход туслана. Энэ жил уурлаж бухимдаад байх шаардлага тэр бүр гарахгүй, таныг эерэг, сайхан сэтгэлтэй хүмүүс хүрээлэх тул амьдралын сайхныг мэдрэх боломж олдох нь. 

Гахай жилтэй нумын ордныхон. Тахиа жил танд хүслээ биелүүлэх боломж олгоно. Үүнийг алдахгүй ашиглахыг хичээгээрэй. Гайхамшиг гэмээр зүйл олон тохиолдоно. 

 

Матар

Эрхшээгч гариг: Санчир. 
Махбод : Шороо. 
Билэг тэмдэг: Матар, Цаг , Шат.
Ээлтэй өдөр: Бямба, Мягмар. 
Таагүй өдөр: Даваа.
Металл: Тугалга, Ширэм.
Үнэт чулуу: Судалт гартаам, Гэрэлт чимэд.
Ургамал: Нарс.
Тоо: 3.
Тохирох өнгө: Хар.
Үл зохицох орд: Мэлхий.

Энэ жил таныг хайрын бурхан тэнгэр ивээж, хаврын улиралд таныг гэх хүн олширсноор та заримдаа энэ бүхнээс залхана. Хаврын дунд үеэр Матрын ордныхонд хэд хэдэн гэнэтийн бэлэг тохиох бололтой. Тэр дундаа санхүүгийн нөхцөл байдал эрс сайжирч, та урьд өмнө байгаагүйгээр эрэлт хэрэгцээтэй байхын дээр авьяас билэг, хөдөлмөр тань зохих ёсоор үнэлэгдэнэ. Матрын ордныхон зуны дунд үеэр амралтаа төлөвлөөрэй. Энэ үеэр онц чухал ажил гарахгүй, мөн халаасанд тань амрахуйц хэмжээний мөнгө хангалттай байх тул хаагуур амрахаа эртнээс төлөвлөсөн нь дээр. Хайр дурлалын адал явдал их байна. Ганц бие матрын ордныхонд энэ нь таатай боломж, гэр бүлтэй матруудад ч ийм адал явдал учирч мэднэ. Гэхдээ та нэгэнт л гэрлэсэн бол үнэнч бай, таны хань, эсвэл хайртай хүн багахан сээтэгнэлийг ч өршөөхгүй. Тиймээс орой үдшийн цагийг зугаа цэнгээний газарт биш харин гэрийн хоолоо идээд буйдан дээрээ тухлан өнгөрөөх нь гэр бүлд таатай уур амьсгал авчирна. Арваннэгдүгээр сард матрын ордныхны зохион байгуулах авьяас чадвар нь нээгдэнэ. Та өөртэйгөө санаа бодол нэгтэй хүмүүсээр багаа бүрдүүлж чадна. Бизнес санаа байгаа бол саатаж түвдэлгүй ажлаа эхлүүл. Тахиа жилтэй хүмүүсээс түншүүдээ сонгох нь зүйтэй. 

ХАЙР ДУРЛАЛ 

12.22-12.31-ний хооронд төрсөн матрын ордныхон. Энэ жил ганцаардал гэдэг үгийг мартана. Таныг эргүүлсэн, сонирхсон хүмүүс мундахгүй. Тэдэн дундаас та ирээдүйн ханиа сонгоно. 

01.01-01.10-ны хооронд төрсөн матрын ордныхон. Өөртөө хэт шүүмжлэлтэй хандахаа боль. Алдаа дутагдал бүрдээ хэт шүүмжлэлтэй ханддаг тул таныг гэсэн хүмүүсийг үргээдэг. Яг одоо инээмсэглээд, өөртөө итгэлтэй алх. Таныг сэтгэл татам гэдэгтэй хэн ч маргахгүй. 

01.11-01.20-ны хооронд төрсөн матрын ордныхон. Энэ жил хайртай хүнээ олж авах гэж нэг их удаан эргүүлж, халамжилж цаг хугацаа алдах шаардлагагүй байх нь. Хайртай хүн тань таныг зүгээр л нэг кафед урихад гэрлэх санал тавих нь гэж ойлгож мэднэ. Ер нь энэ жил гэр бүлийн амьдрал зохиоход таатай гэж од эрхэс зөвлөж байна. 

АЖИЛ ХЭРЭГ 

12.22-12.31-ний хооронд төрсөн матрын ордныхон. 2017 онд та олон хүмүүсийн хувьд үлгэр жишээ байх болно. Таны бизнес эрхлэх авьяас таныг арилжааны хэрэгт гавихгүй гэж бодож байсан дотны найзуудыг ч гайхшируулна. Яг л энэ эрчээрээ ажиллах хэрэгтэй. Мөн энэ жил албан тушаал ахих боломж их. 

01.01-01.10-ны хооронд төрсөн матрын ордныхон. Өчүүхэн зүйлээс их хэмжээний мөнгө олж сурна. Гэхдээ үүнийг шууд утгаар нь ойлгож, хөнгөн хийсвэр хандаж болохгүй. Таны төлөвлөгөөг хүмүүс маш өндрөөр үнэлэх тул байнга төлөвлөгөө, орж ирсэн шинэ санаануудаа бусадтай үнэгүй хуваалцаад байх хэрэггүй. Таны хувьд амаа хамхих гэдэг нь алтны үнэтэй байх болно. 

01.11-01.20-ны хооронд төрсөн матрын ордныхон. Оюуны хөдөлмөр биеийн хүчний хөдөлмөрөөс илүүтэйгээр мөнгө авчирна. Хэл сур, аль болох их унш, шинэ салбарт өөрийнхөө хүчийг сориод үз. Бусдын өмнөөс хангалттай л ажиллаа шүү дээ. Тооноос чанарт шилжих нь чухал гэдгийг ухаарч, үл ялиг бүтэлгүйтэл гарах бүрд бууж өгөлгүй, бүхий л зүйлд бэлэн бай. 

ГЭР БҮЛ

12.22-12.31-ний хооронд төрсөн матрын ордныхон. Гэр бүлийн амьдралд таатай өөрчлөлтүүд гарна. 2017 онд шинэ байранд орох, эсвэл орон сууцныхаа нөхцөлийг сайжруулах талаар бодоход таатай. 

01.01-01.10-ны хооронд төрсөн матрын ордныхон. Тахиа жилд гэр бүлээрээ аялахад таатай байна. Гэхдээ гэр бүлийн гишүүн бүрийнхээ хүсэл сонирхлыг тооцож үзэх нь зүйтэй. 

01.11-01.20-ны хооронд төрсөн матрын ордныхон. Гэр бүлд найрсаг уур амьсгал бүрдэнэ. Матрын ордныхон гэр бүлийн ахмад гишүүдтэй санал зөрөлдөж мэдэх ч ухаантай байж, жижиг асуудлаар тэдэнтэйгээ маргалдахгүй байхыг хичээгээрэй. 

ЭРҮҮЛ МЭНД 

Гал тахиа жилд матрын ордныхон өвчин эсэргүүцэх чадвар сайтай байна. Гэхдээ ингэлээ гээд эрүүл мэндээ анхаарахгүй орхиж болохгүй. 

12.22-12.31-ний хооронд төрсөн матрын ордныхон. 2017 онд та ядаргаа, стресс гэгчийг мартана, ер нь л энэ жил сэтгэл санаа гайхалтай сайхан байх нь. Гэхдээ зүв зүгээр сууж байгаад бүх зүйл сайхан болчихгүй, таныг тайван амгалан байхад спорт тусална. Энэ жил идэвхтэй амарч, анд явж, хэрэв ан амьтан хайрладаг бол зүгээр л гэрэл зургийн аппаратаа үүрээд ойгоор аялахад тохиромжтой. 

01.01-01.10-ны хооронд төрсөн матрын ордныхон. Матрын ордныхон дундаа хамгийн их хөдөлмөрч хүмүүс нь энэ үед төрсөн байдаг. Тиймээс тахиа жилд ядарч сульдаж болзошгүй. Амарч, алжаалаа тайлж сур, бухимдлаа дотроо хадгалбал нэг л өдөр тэсрэх болно гэдгийг санаарай. 

01.11-01.20-ны хооронд төрсөн матрын ордныхон. Та эмчийн зөвлөгөө бүхнийг тэвчиж, хэрэгжүүлэхэд бэлэн байна. Мэдээж энэ нь магтууштай хэдий ч таны эрүүл мэндийн байдлыг бүгд зөв оношилж, яг хэрэгтэй зөвлөгөөг өгч тэр бүр чадахгүй гэдгийг анхаарч, өвдсөн хойноо биш өвдөхөөсөө өмнө сэргийлж, хорт зуршлаас салаарай. 

ХҮҮХДИЙН ЗУРХАЙ

Энэ жил бяцхан матрын ордныхон томчуудын дэмжлэгийг ихэд үгүйлнэ. Тиймээс хүүхдүүдээ аль болох бага шийтгэж, бусад үе тэнгийнхэнтэй нь хэт их харьцуулах хэрэггүй.

12.22-12.31-ний хооронд төрсөн матрын ордны хүүхдүүд 
2017 онд таны хүүхдүүд сониуч, идэвхтэй байна. Ертөнцийг бие даан танин мэдэх гэсэн тэмүүлэлд нь саад болох хэрэггүй, аль болох ойр байж, хүүхдээ таны дүрэм журмаас зөрөх бүрд нь шийтгэх гээд хэрэггүй. Хүүхэд тань машинаараа тоглохын оронд тоос сорогч сонирхоод ирвэл түүнд яаж ажилладгийг нь зааж өгөх зэргээр юмс бүрийн учрыг тайлбарлан өгвөл тун удахгүй тэд олон зүйлийг өөрийн санаачилгаар, бие даан хийдэг болно. 

01.01-01.10-ны хооронд төрсөн матрын ордны хүүхдүүд. Тахиа жилд таны хүүхдүүд жинхэнэ араншингаа харуулна. Гэхдээ үймүүлж, бужигнуулсан тохиолдол бүрд шийтгэх хэрэггүй, хүүхэд тань хэт гомдомхой шүү дээ. Эрхлүүлэх ч хэрэггүй, яг л алтан дунджийг барьж, хүүхэд хийх ёстой бүхнийг бие даан хийдэг болоход сургах хэрэгтэй.

01.11-01.20-ны хооронд төрсөн матрын ордны хүүхдүүд. 2017 онд хүүхдээ байнга гэрт нь цагдаад байж чадахгүй л болов уу. Гадаа цаг агаар ямар ч байсан таны хүүхэд гадаа гарахыг байнга гуйна. Мөн энэ жил хэт их амттанд дурлах бололтой. 

ТӨРСӨН ЖИЛИЙН ЗУРХАЙ 

Хулгана жилтэй матрын ордныхон.  Олон зүйл сонирхоно, гэхдээ танд цаг хангалтгүй байх тул зарим сонирхлоосоо татгалзахаас аргагүй болно. Хангалттай ажиллаж, мөнгө олж байгаа тул дэлхийн санхүүгийн хямралыг мартана. Харин хамт ажиллагсад тань цалин хүрэхгүй байгаа талаар гомдоллох нь танд хачирхалтай санагдах болно. 

Үхэр жилтэй матрын ордныхон. 2017 онд ялалт таны гарт. Тиймээс амжилтын үзүүрээс атга. Аз жаргал таны мөнхийн дагуул байхын дээр энэ жил та төгс эцэг эх байх болно. Ийм хүний хүүхдүүд үнэхээр азтай, гэхдээ толгой дээрээ гаргаж болохгүй. 

Бар жилтэй матрын ордныхон. Та энэ жил ихэд эрэлт хэрэгцээтэй байж таныг үнэлэгсэд олширно. Хайр дурлалын тал дээр ч танд дурласан хүмүүс өдөр шөнөгүй утас хангинуулах вий. 

Туулай жилтэй матрын ордныхон. Тахиа жилд таны уриа бол “тэвчээр бас дахин тэвчээр” гэсэн үг байх болно. Ирээдүйтэй олон ажлыг та замын дундаас хаясан, гэхдээ энэ жил та тэгж чадахгүй. Энэ жил аяллаар дүүрэн байна, жилийн турш олон удаа томилолтоор явж магадгүй. Хайр дурлалын тал дээр хүндрэл учирч болзошгүй ч таныг яг байгаагаар чинь хүлээж авах чадвартай ч гаднаа хатуурхдаг, мөн  зөвхөн өнгөнд хууртсан хоосон үгтний алийг нь сонгохоо та өөрөө сайтар мэднэ. 

Луу жилтэй матрын ордныхон. Энэ жил танай гэр орон бахархах зүйл болно. Гэхдээ гэр орон тавтай тухтай байх уу, эсвэл хоноглох газар төдийхөн байх уу гэдэг нь танаас л шалтгаална шүү дээ. Загвар хөөж, бусдын үгэнд орох хэрэггүй. Хүүхэд байх үеэсээ л дасал болсон цэцгэн хээтэй ханын цаасаар ч ханаа тордож болно шүү дээ. Энэ зөвлөгөө ажил хэрэгт тань ч хамаатай. Бүгдийг төлөвлөгөөний дагуу хий, хүн бүрийн зөвлөгөөг сонсож, шинийг турших гээд хэрэггүй. 

Могой жилтэй матрын ордныхон. Та тахиа жилд цуглуулгын хоббитой болж мэдэх юм. Зөвхөн ил захидал тэмдэг төдий биш эртний эдлэл ч цуглуулж болно. Цуглуулгаасаа аль нэгийг үнэ хүргэн худалдах боломж ч гарч мэднэ.  Гэхдээ эртний эдлэл, хэт их мөнгө бодон улайрч ажил албаа орхигдуулж болохгүй. Учир нь энэ жил таны алдааг отоод суух өрсөлдөгчид олон байна. 

Морь жилтэй матрын ордныхон. Энэ жил хувцсаар нь угтаж ухаанаар нь үддэг гэдэг үгийг санаж, гадаад төрхөндөө анхаар. Ажил хэргийн түншүүд тань хэнтэй холбогдож байгаагаа гаднаас тань хараад л мэдэж аваг. Таны зохион байгуулах авьяас өндөр байх тул олон нийтийн ажилд амжилт олно. Энэ онд төлөвлөгөөгөө хав дарах хэрэггүй, мөрөөдлөө биелүүлэх боломж олон тохионо, гол нь хичээж, боломжоо алдахгүй байх нь чухал. 

Хонь жилтэй матрын ордныхон. Өрсөлдөгчдөдөө бууж өгөх хэрэггүй, амжилт таны талд байна. Суут ухаанаараа бүгдийг олж ав. Таны танилууд авьяас билгийг тань үнэлж, ирээдүйтэй гэдгийг олж мэднэ. 2017 онд та нэгэнтээ танд хайраа илчилж байсан хүмүүсээс дэмжлэг авна. Үүнээс айх хэрэггүй, энэ удаад танд хайраа илчлэхгүй, харин нөхөрсөг харилцаа хэзээд илүүдэхгүй шүү дээ. 

Бич жилтэй матрын ордныхон. Хүмүүстэй учраа ололцож чаддаг чадвар тань олон зүйлийг амжуулахад тус болно. Та гудамжны цэвэрлэгчээс эхлээд даргынхаа ч хайр хүндэтгэлийг татаж чадах хүн шүү дээ. Хэрэгтэй хүмүүс үргэлж л хэрэг болдог. Тиймээс хэн ямар албан тушаалтай байхаас үл хамааран найрсаг харилцаагаа хадгал. Хувийн амьдралд олон таатай зүйл тохиолдоно. 

Тахиа жилтэй матрын ордныхон. Тахиа жил танд ивээлээ өгнө. Мэргэжлээ солихоор шийдсэн бол бүх зүйл таны гарт байна, одоогийнхоос ч илүү өндөр амжилтад хүрч мэднэ. Ямар ч удирдлага таныг ажилд авахдаа баяртай байх болно. Мөнгө санхүүгийн хувьд санаа зовох зүйлгүй. 

Нохой жилтэй матрын ордныхон. Таны хөдөлмөрлөх чадварт хязгаар гэж үгүй. Гэхдээ хэт их ажиллаж өөрийгөө ядрааж хэрэггүй. Гэр бүлийн хувьд  олон таатай өөрчлөлтүүд гарахын дээр бүл нэмж ч мэдэх нь. 

Гахай жилтэй матрын ордныхон. Зөвхөн уйгагүй хөдөлмөрлөж байж л амжилтад хүрдэг гэсэн төсөөлөл тань энэ жил эргэлзээтэй болох нь. Та амьдралын сайхныг мэдэрч, мөнгө гэнэт дуусчихна гэж айх хэрэггүйгээр энэ жил амсхийж болох нь. Дээдсийн хүрээлэлд ч уригдаж мэднэ. Гэхдээ гэр бүлийнхэнтэйгээ зөвлөлдөж, ийм урилга цэнгүүн үнэхээр хэрэгтэй юу гэдгээ шийдэх нь зүйтэй. Магадгүй үнэтэй тансаг зоогийн газраас илүүтэйгээр гэр бүлээрээ, даруухан оройн зоог барих нь илүү дээр ч юм билүү?

 

БУМБА/ХУМХ

Эрхшээгч гариг: Уран. 
Махбод:Хий. 
Билэг тэмдэг: Хумх, Далавч, Мөнгөн гар. 
Ээлтэй өдөр: Бямба.
Таагүй өдөр: Ням. 
Металл: Уран. 
Үнэт чулуу: Галт уулын чулуулаг. 
Ургамал: Голт борын цэцэг. 
Тоо:  2. 
Таарах өнгө: Хөх ногоон. 
Үл зохицох орд: Арслан.

Ураны нөлөөгөөр ажил, мэргэжлээ солих боломж гарч ирнэ. Энэ боломжийг бүү алдаарай. Танд сонирхолтой ашигтай санал тавих бөгөөд ийм саналуудын заримыг эртний анд нөхөд чинь ч тавьж мэднэ. Найз нөхөдтэйгөө хамтран ажилласнаар шинэ ажил хэрэг явуулахад хялбар байх болно. Хувийн амьдрал ч таатай байна. 
Бумбынхны хувьд санхүүгийн асуудал тэр бүр тулгарахгүй. Энэ жил азтай байх тул мөнгөжих боломжоо ашиглаж, сугалаанд азаа сориод үзэхэд ч гэмгүй. 
Тавдугаар сард өөрийгөө амрааж, үзэсгэлэнт газруудаар аялахад тохиромжтой. 8-р сард уран бүтээлийн ажилд өөрийгөө сориод үзэхэд гэмгүй.  Намар орон сууц, гэр орныхоо нөхцөл байдлыг сайжруулах тал дээр анхаарвал сайн. Энэ үеэр санхүүгийн хүндрэл ч гарахгүй тул мэргэжлийн багийнхнаар гэр орноо үзэмжтэй сайхан болгуулснаар өөрт тань сэтгэл ханамжийг авчирна. Бумбынхны бизнес эрчимтэй хөгжинө, гэхдээ 11-р сар гэхэд та ганцаараа бүгдийг амжихгүйгээ мэднэ. Тиймээс ажилтнуудынхаа тоог нэм. Мэдээж захирал, нягтлан бодогч, техникчээ ганцаараа амжуулаад байж болох ч энэ нь тийм ч зөв сонголт биш. 

ХАЙР ДУРЛАЛ 

01.21-01.30-ны хооронд төрсөн бумбынхан. Тахиа жилд уйтгар гуниг гэдэг үг танд тохирохгүй, хайр дурлалын адал явдал их байх боловч анхаарал болгоомжтой байхад илүүдэхгүй. 

01.31-02.09-ны хооронд төрсөн н бумбынхан. Гал тахиа жилд та гоо сайхан, гадаад үзэмжиндээ ихээхэн анхаарна. Тиймээс таныг гэх хүн мундахгүй л байх болов уу. Хайр дурлалын адал явдал олон тохиолдохын дээр гагцхүү танд л заяасан цорын ганц нэгнийг тэр олон дундаас алдахгүй таних хэрэгтэй. Ингэж чадахгүй бол дахиад жил хүлээх хэрэг гарах нь. 

02.10-02.19-ны хооронд төрсөн бумбынхан. Эрх чөлөөтэй явж байсан бумбынхан ирээдүйн хань ижлээ олж магадгүй. Болзоонд бэлд, бүх зүйл гайхамшигтай байх ёстой. Та хайртай хүнээ оюун ухаанаараа татаж чадна. 

АЖИЛ ХЭРЭГ 

2017 онд ажил хэрэг бүтэлгүйтнэ гэж бараг байхгүй. Тиймээс аль ч салбарт хүч үзэхэд гэмгүй. Ямар ч салбарт орсон бай зайлшгүй амжилтанд хүрнэ. 

01.21-01.30-ны хооронд төрсөн бумбынхан. Аливаа зүйлд бусдаас өөрөөр ханддаг зан тань энэ жил хэрэг болно. Бусад нь уйтгартай дүрэм журам мөрдөж байх зуур та аль хэдийнээ хол явсан байна. Өөртэйгөө ижил мэриймтгий хүмүүстэй хамтарч ажиллах хэрэгтэй. 

01.31-02.09-ны хооронд төрсөн бумбынхан. Эрх мэдэл олж авах гэсэн хүсэл тань биелж, та боломжийн албан тушаалд очиж, зөөлөн сандалд заларч мэдэх нь. Гэхдээ ийм сайхан алба хашихийн тулд уйгагүй хөдөлмөрлөж, заримдаа бүр нойргүй хонон, өрсөлдөгчдөөсөө товойж гарах ч хэрэг гарна. Та ийм хүндрэлүүдийг давж чадна гэж бодож байвал тахиа жил танд боломж олгох нь. 

02.10-02.19-ны хооронд төрсөн бумбынхан. 2017 онд хариуцлагатай байх чанар маш хэрэгцээтэй байх болно. Танд байгууллагын хамгийн нарийн ажлыг итгэн даалгана. Гэхдээ хамт олноо хэт давруулах хэрэггүй, хүн бүрт өөрийн орон зай, өөрийн хийх ёстой ажил гэж байдаг.  Тахиа жилд санхүүгийн байдал таатай байна. 

ГЭР БҮЛ 

Тахиа жилд үр удмаа үлдээх талаар бодоход гэмгүй. 2017 онд төрсөн хүүхдүүд амьдрал дээр гялалзсан амжилт гаргасан хүмүүс болох магадлалтай. 

01.21-01.30-ны хооронд төрсөн бумбынхан. Хүүхдүүдийн тань ааш аяг гэнэт л өөрчлөгдөөд байна уу? Тэд зүгээр л таны анхаарлыг татах гээд байгаа юм болов уу? Үүнийг нэг бодоод үзээрэй, ажил хэрэг урагштай гялалзаж байсан ч гэр бүлдээ анхаарал хандуулахгүй бол хамгийн чухал зүйлээ алдана гэсэн үг.

01.31-02.09-ны хооронд төрсөн бумбынхан. Тахиа жилд гэрийн ажилд ихээхэн анхаарах хэрэгтэй болно. Урьд өмнө нь гэртээ цаг зав гаргадаггүй байснаас болж жижиг сажиг засвар хийх шаардлага байнга гарна. Мөн хүүхдүүдтэйгээ хамт зурагт үзэн суух нь ямар нэг цэнгээний газарт найз нөхөдтэйгөө шар айраг шимж суухаас хавьгүй илүү гэдгийг санах хэрэгтэй. 

02.10-02.19-ны хооронд төрсөн бумбынхан. Тахиа жилд таны гол зорилт бол гэр бүлийнхээ гишүүдтэй итгэл дээр суурилсан харилцаа үүсгэх явдал юм. Өндөр настай аав ээж, эмээ өвөөдөө анхаарлаа илүү хандуулах хэрэгтэй. 

ЭРҮҮЛ МЭНД 

Энэ онд таны уриа бол “Тайван, хамгийн гол нь тайван”. Тайвширч, амарч сурах хэрэгтэй. Иллэг барианд явж, өөрийгөө амрааж байхгүй бол мэдрэлийн ядаргаанд орж мэднэ. 

01.21-01.30-ны хооронд төрсөн бумбынхан. Энэ онд цэвэр агаар, амин дэмүүд танд маш хэрэгтэй. Тэр дундаа хөдөө агаарт гарвал бүр ч тустай.  Биеийн хүчний хэт их ачааллаас зайлсхийх нь чухал. 

01.31-02.09-ны хооронд төрсөн бумбынхан.  Тахиа жилд таны хувьд хамгийн том дайсан бол “хүйтэн”. Тиймээс улиралдаа тохируулан хувцаслаж, даарч хөрөхгүй байхыг хичээх хэрэгтэй. Мөн дархлаагаа сэргээх шаардлагатай, өглөө хар кофе ууж тамхи татдаг бол энэ зуршлаасаа аль болох татгалзаж шинэхэн жимсний шүүс, шинэ ногоо хэрэглэж заншаарай. 

02.10-02.19-ны хооронд төрсөн бумбынхан. Ой ухаан саруул хэвээр өндөр наслахыг хүсвэл одооноос л амьдралын хэв маягаа өөрчлөх цаг болсон. Энэ жил спортоор хичээллэж эхлэхэд тохиромжтой жил. Биеийн ачааллыг оюун ухааны дасгалтай хослуулбал та өндөр насласан ч залуу шиг ой ухаан хурц нэгэн байх болно. 

ХҮҮХДИЙН ЗУРХАЙ 

Бумбын ордны хүүхэдтэй эцэг эхчүүдийн хувьд хүмүүжлийн хамгийн зөв арга нь хүүхдээ магтах юм. Багахан амжилт гарсан ч хүүхдүүдээ магтан урамшуулж бай. Тэд дараа дараагийн удаа улам бүр таныг гайхалтай авьяас, чадвараараа гайхшруулах болно. 

01.21-01.30-ны хооронд төрсөн хүүхдүүд. Таны хүүхэд энэ жил оюуны тоглоомд дурлах нь. Ой гарантай бяцхан хүүхэд ч шоо эвлүүлэх дуртай болно. Үүнд гайхах хэрэггүй. Хүсэл сонирхлыг нь дэмжээд өгөөрэй.

01.31-02.09-ны хооронд төрсөн хүүхдүүд. Таны хүүхдүүд энэ жил маш идэвхтэй байж, төсөөлөн бодох чадвар нь хөгжинө. Гэнэт л хөлөг онгоцны ахмад, эсвэл бүр малын эмч цагдаа болно гээд төрөл бүрээр бодлоо өөрчилнө. Тухай бүрт нь мэргэжил бүрийн сайн талыг тайлбарлан өгч байгаарай. 

02.10-02.19-ны хооронд төрсөн хүүхдүүд. Энэ үед төрсөн эрх жаалууд үдээсээ өөрсдөө үдэж, гэр дотор жижиг сажиг зүйлсийг эмхлэх зэргээр бие даах чадвар нь хөгжинө.

ТӨРСӨН ЖИЛИЙН ЗУРХАЙ

Хулгана жилтэй бумбын ордныхон. 
Тахиа жилд та үе үе дээд зиндааныхны дунд орох шаардлага гарч мэдэх тул үүнд дасан зохицохыг хичээгээрэй. Наад захын соёлын талаарх мэдлэгээ сэргээгээд авахад гэмгүй. 2017 онд хийсэн санхүүгийн гэрээ хэлэлцээрүүд амжилттай байна . 

Үхэр жилтэй бумын ордныхон 
Та байгалаасаа маш их хөдөлмөрч хүн. Гэхдээ тахиа жилд бага зэрэг амсхийж болно. Энэ жил та зугаацаж, амарч, аялж, өөрийгөө хэсэг хугацаанд амраах боломжтой. Энэ жил мөн бизнесийн салбарынханд гэрээ хэлэлцээр хийхэд таатай байна. 

Бар жилтэй бумбын ордныхон
Та бол нууцлаг, өвөрмөц нэгэн. Энэхүү оньсого шиг байдал хайр дурлалын тал дээр тусална. Ямар нэг хүн танд татагдлаа гэхэд таныг улам илүү мэдэхийг хичээнэ. Харин ажил хэргийн тал дээр нууцлаг байдлаа хадгалах гэж нэг их хичээх хэрэггүй. 

Туулай жилтэй бумбын ордныхон
Энэ жил таны хувьд амралтын жил. Мөн мөнгө хуримтлуулахыг ихэд хүсч, эртнээс мөрөөдсөн зүйлээ хэрэгжүүлэхийн тулд та шаардлагатай хэмжээний мөнгө хуримтлуулна. Энэ жил шинэ сууцтай болоход ч тохиромжтой. 

Луу жилтэй бумбын ордныхон
2017 онд танд таагүй зүйл бараг л тохиолдохгүй, танд муу санадаг хүмүүс ч эртхэн зайгаа барина. Луу жилтнүүдийн хувийн амьдрал ч сонирхолтой байж, ганц бие хүмүүс ханиа олох бол гэрлэсэн Луу жилтнүүд бүл нэмэх магадлалтай. 

Могой жилтэй бумбын ордныхон
Нээлттэй, мөн шударга зан нь могой жилтнийг амжилтанд хүргэх хоёр зан чанар. Хэн нэгэн шоолох болов уу гэхээс бүү ай, толгойдоо орж ирсэн санаагаа удирдлагадаа танилцуул. Хэт зөгнөлт, мөрөөдлийн байж мэдэх санаанууд ч амьдрал дээр биеллээ олох магадлал энэ жил өндөр байна. 

Морь жилтэй бумбын ордныхон
Энэ жил амжилтын оргил өөд мацахад тохиромжтой цаг, ямар нэг асуудал тулгарахгүй. Гэхдээ алдар хүндийн араас яаравчлан явж байгаад ирээдүйн хань ижилтэйгээ таарах эсвэл сонирхолтой хүмүүстэй танилцаж, уулзах уулзалт зэрэг чухал зүйлсийг мартаж болохгүй. Та амжилтанд хүрэх нь ойлгомжтой учир зарим үед хурдаа бага зэрэг сааруулж, амьдралын сайхныг мэдэр. 2017 онд мөнгө санхүүгийн тал дээр олон гэнэтийн бэлэг тохионо. 

Хонь жилтэй бумбын ордныхон 
Энэ жил таны хувьд амарч аялах нь нэн тустай. Уул, ойд зугаалвал сэтгэл амгалан болно. Найрсаг нэгэн учраас гэртээ зочин урьж ярьж суухад ч сайхан амралт болно. Мөн энэ жил та орон сууцандаа их засвар хийхэд тохиромжтой. 

Бич жилтэй бумбын ордныхон
Таны зоригийг гайхаад ч баршгүй. Та өрсөлдөгч болон байнгын яршиг төвөг удаж байдаг хөршүүдтэйгээ гагцхүү ганцаараа л учраа олчихож дөнгөнө. Ажил дээр ч удирдлагууд таны энэ зан чанарыг тань ашиглахыг завдана. Ер нь хэн нэгний өмнөөс зориг гарган гүйж байхаар өөрийнхөө бизнесийг нээх талаар бодвол ямар бол? 

Тахиа жилтэй бумбын ордныхон
Энэ жил Тахиа таныг ивээнэ. Гэхдээ залхуураад суулгүй амжилтын үзүүрээс баттайхан атгаад ав. Бодлоготой хөдлөх хэрэгтэй, адал явдал, эрсдэлээс зайлсхий. Үнэхээр л эрсдэл гаргахын хүсээд байгаа бол сугалаа худалдаж ав. Аз таарах ч юм бил үү. Энэ жил танд ажил маш их байх болно. Мөнгөө үрэх ч зав гарахгүй. 

Нохой жилтэй бумбын ордныхон
Тахиа жил та албан тушаал ахиж, хувийн мөнгө санхүү тань ч өснө. Өмнө нь мөнгө санхүү хүрэлцэхгүй үе гардаг байсан бол энэ жил тусламж шаардлагатай хүмүүст гар сунгах боломж гарах нь.  Хайртай хүмүүстээ цаг гаргаж, тэдний хүслийг биелүүл. 

Гахай жилтэй бумбын ордныхон 
Таатай өөрчлөлтүүдэд бэлэн бай. 2017 онд материаллаг байдал эрс сайжирна. Эргэн тойрны хүмүүс танд атаархана. Гэр бүлд таатай уур амьсгал ноёрхоно.

 

ЗАГАС

Эрхшээгч гариг: Далай ван.
Махбод: Ус. 
Билэг тэмдэг: Давалгаа, Өөд өөдөөсөө сэлж буй хоёр загас, Хясаа.
Ээлтэй өдрүүд: Даваа, Пүрэв. 
Ээлгүй өдөр: Лхагва. 
Металл: Цайр, Цагаан алт. 
Үнэт чулуу: Аметист. 
Ургамал:  Тэнгисийн ургамлууд. 
Тоо : 1. 
Илүү тохирох өнгө: Нил ягаан. 
Үл зохицох орд: Охин.

Бич жилд бүх зүйл нь сайхан загасныхны хувьд Тахиа жилд шилжих гэж амаргүй байх болно. Шинэ оны эхний сард загасныхны хувьд амаргүй байх бол хоёрдугаар сараас олон шинэ өөрчлөлтүүд гарна. 2017 оны хоёрдугаар сард Загасны ордныхны цалин нэмэгдэж магадгүй. Бүгчим офист сууж залхсан нэгэн өөрийн бизнесийг эхлүүлж болно. Ингэхдээ ямар ч салбарыг сонгож болно, гагцхүү чин сэтгэлээсээ хичээж ажиллавал тахиа жил хөдөлмөрийг тань үнэлнэ. 
Тахиа жилд авьяас билгээ нээхэд тааламжтай үе. Хайр дурлалын хувьд 2017 оны хавар ганц бие загаснууд олон уулзалт, болзоо, романтик учиралтай нүүр тулна. Гэлээ ч хэт их зугаа цэнгээнд татагдах хэрэггүй, өөрийг тань гэсэн, анхаарал халамж тавьж байгаа хэн бүхэн жинхэнэ хайрын эзэн гэх баталгаа бага. 
2017 оны зун Загасныхны хувьд аяллаар дүүрэн байна.  Зуны налгар өдрүүдэд ажиллаж стрессдэж суулгүй, амралтаа аваад аялах хэрэгтэй. 
Намар энэ ордныхонд олон бизнес санаа гарч ирнэ. Энэ жил тэдний хувьд ямар ч ажил хэрэг эхлүүлсэн амжилттай байх болно. Есдүгээр сард санхүүгийн нөхцөл байдал сайжирч, мөнгө ихээр орох бөгөөд мэдээж зүгээр суухад тэнгэрээс мөнгө унаад ирэхгүй ч эхлүүлсэн ажил хэрэг тань үр дүнгээ өгөх, шагнал авах, эртний өр авлагаа авах зэргээр гэнэт их мөнгөтэй болно. 10 болон 11 дүгээр сард эрс өөрчлөлт гарахгүй. Харин арванхоёрдугаар сард загасныхан тахиа жилээ үдэхээр тун завгүй, гэхдээ хөгжилтэйгээр энэ сарыг өнгөрөөнө. 

ХАЙР ДУРЛАЛЫН ЗУРХАЙ 

Энэ онд загасныхан нэг бус удаа дурлана. Гэхдээ тун анхаарал болгоомжтой бай. Нэгэн биеийнхээ нөгөө талыг олно гэдэг тийм ч амар биш, та зугаа цэнгээнд татагдаад түүнийг анзаарахгүй өнгөрч болзошгүй. 

02.20-02.28-ны хооронд төрсөн Загасны ордныхон: Энэ ордны сайхан бүсгүйчүүдийг эргүүлэх, сонирхох залуус мундахгүй. Гэхдээ энэ онд загасныхан аальгүйтэл, сээтэгнэлт биш харин гэрлэх, бат бэх харилцаа үүсгэхийг л хүснэ.  Энэ хүсэл нь ч биелэх магадлалтай. 

03.01-03-10-ны хооронд төрсөн загасныхан. Энэ жил таныг сонирхох эсрэг хүйсний хүмүүс олон, тиймээс таны сэтгэл зүрхийг эзэмдэх тийм ч амар биш. Гэхдээ танд таалагдаж, та жинхэнэ хайраа оллоо гэж бодвол энэ харилцаа сайхан үргэлжилж, хуримын ёслолоо ч төлөвлөх магадлалтай.  Энэ жил гэрлэсэн загасны ордныхны гэрлэлт аз жаргалтай, бат бэх байна. 

03.11-03.20-ны хооронд төрсөн загасны ордныхон. Энэ жил олон болзоо учрал тохиох ч Загасны ордны бүх хүн жинхэнэ хайртайгаа учрах нь ховор. Гэхдээ чухамхүү энэ өдрүүдэд төрсөн загасны ордныхон сонгож авсан хүнээсээ уйдаж, хэд хоноод л өөр нэгнийг хайж эхлэбэл энэ нь таны хувьд жинхэнэ алдаа болно гэдгийг анхаарах хэрэгтэй. 

АЖИЛ ХЭРЭГ 

2017 онд Загасны ордныхны хувьд бизнест амжилттай байна. Гэхдээ хэт их улайраад хэрэггүй, бүх зүйлийг хууль ёсны дагуу хийгээрэй. 

02.20-02.28-ны хооронд төрсөн Загасны ордныхон: Ажил хэрэг өөдрөг байна. Гол нь тэвчээртэй, бууж өгөхгүй байх хэрэгтэй. Амжилтын оргил өөд өгсөхөд саад бэрхшээл олон байх ч Тахиа жил танд туслана. Банканд данс нээж, гадаад дотоод гүйлгээгээ амжуул. Сайн хуулийн зөвлөхүүдтэй нөхөрлөхөд гэмгүй. Тэдэнд цаг зав гаргаж, үнэтэй зоогийн газар дайлснаар та дампуурчихгүй. Хэрэгтэй хүмүүсийг дайлахад зарцуулсан мөнгө танд хэд нугарч орж ирнэ. 

03.01-03-10-ны хооронд төрсөн загасныхан. Тахиа жилд тэдэнд мөнгөний асуудал гарахгүй. Та маш их хөдөлмөрлөж чадснаар санхүүгээ тогтвортой болгоно. Гэхдээ амралтаа ч орхигдуулж болохгүй. Ажил хэргийн чухал уулзалтын үеэр ядарсан царайтай байх нь түншүүдэд эвгүй сэтгэгдэл төрүүлж, ажил хэрэг уналтанд орох нөхцлийг ч бүрдүүлж болно шүү дээ.  Мөнгийг зарцуулахын тулд олдог, энэ онд ч та олсныхоо хэрээр зарцуулах боломжтой болно. Гэлээ гээд та дампуурчихгүй, заримдаа амарч, таашаал аван, их мөнгө өөртэй зарцуулах хэрэгтэй. 

03.11-03.20-ны хооронд төрсөн загасны ордныхон. Тахиа жилд таны санхүүгийн нөхцөл байдал эрс сайжирна. Гэхдээ даржин эдлэлтэй, өөрөөсөө харамладаг нэгэн бусдад хүндлэгддэггүй гэдгийг санаарай. Өөртөө мөнгө зарцуулах цаг нь ирсэн. Чанартай эд хэрэглэл, хувцас , зүүлт авах цаг нь энэ он. Өөртөө ийнхүү анхаарснаар ажил хэргийн хүрээнд ч нэр хүнд тань өснө. 

ГЭР БҮЛ 

Тахиа жилд загасныхан ухаан зарцуулах шаардлагатай. Үр хүүхдүүд тань таниас зөвлөгөө хүснэ.  Хэт их дүрэмдээд хэрэггүй, ойр дотны хүмүүсийнхээ хамгаалагч нь байж, гэр бүлдээ тэргүүлэгч байр сууриа хадгалж үлдээрэй. 

02.20-02.28-ны хооронд төрсөн Загасны ордныхон. Гэрт их дүрэм  журам тогтоодгоо больж, гэр бүлийн гишүүдтэйгээ зөөлнөөр харилцаад үз. Гэр бүлийн уур амьсгал нөхөрсөг дулаан болно.  Тахиа жилд аялах тохиромжтой. Гэр бүлийнхэн тань таньтай хамт хот дотор, амралт сувилал руу гээд хаашаа ч аялсан сэтгэл хангалуун байх болно. 

03.01-03-10-ны хооронд төрсөн загасныхан. Энэ онд гэр бүлийнхэнтэйгээ аль болох их цагийг өнгөрүүлэхийг хичээ. Мэдээж та мөнгө их олж байгаа ч гэрийнхэнд тань мөнгөнөөс чухал зүйл хэрэгтэй байдгийг санаарай. Гэртээ хүүхдүүдтэйгээ шатар даам тоглож, цагийг хөгжилтэй өнгөрүүлэх нь өөрөө ч амарч, үр хүүхдүүдээ ч баярлуулах сайхан сонголт. 

03.11-03.20-ны хооронд төрсөн загасны ордныхон. Та маш ухаалаг шийдвэрүүд гаргадаг. Бүх асуултын хариултыг мэддэг аав ээж чинь ч танд атаархмаар. Гэлээ ч ахмад хүмүүсээс хааяа зөвлөгөө авах хэрэгтэй. Ийм шаардлага гарахгүй ч тэдэнд анхаарал хандуулж, тэднийг өөрт нь хэрэгтэй хүн гэдгийг мэдрүүлэхийн тулд тэвчээртэйгээр үгийг нь сонс. 

ЭРҮҮЛ МЭНД 

Энэ жил загасны ордныхон эрүүл хэв маяг баримтлах хэрэгтэй. Тэр дундаа усан сан, голд сэлэх зэрэг усан спорт эрүүл мэндэд тустай. 

02.20-02.28-ны хооронд төрсөн Загасны ордныхон. Эмчээс айж, эмнэлэг зүглэхээс цааргалах хэрэггүй. Хоол боловсруулах эрхтэнтэй холбоотой асуудал үүсч болзошгүй. Гэхдээ нэг их ноцтой биш, гол нь тухай бүрт эмчийн зөвлөгөө авч байгаарай. Зөв хооллолт, ажил амралтын хуваарь эрүүл байхад тань туслана. 

03.01-03-10-ны хооронд төрсөн загасныхан. Хэт түгших, сэтгэл хөдлөхөөс аль болох зайлсхийх хэрэгтэй. Мэдээж орчин үеийн амьдралд стресс байнга дагалддаг ч гэлээ стрессийг даван туулж болно. Цэвэр агаар тустай, цаг агаар ямар байгаагаас үл хамааран ойрхон, салхинд алхах нь биеийн болон сэтгэцийн эрүүл мэндэд ч тустай. 

03.11-03.20-ны хооронд төрсөн загасны ордныхон. 2017 онд өөртөө анхаарал тавих хэрэгтэй. Хоол хүнсний чанарт анхаарч, цай кофегоо хэтрүүлэхгүй, тамхи татдаг бол тамхиныхаа тоог ч цөөлөх хэрэгтэй. Ер нь тамхинаас гарах нь танд л тустай шүү дээ. 

ЗАГАСНЫ ОРДНЫ ХҮҮХДҮҮД 

Бяцхан загаснууд энэ онд мөрөөдөл, зөгнөлөөр дүүрэн байх болно. Тиймээс тэдний энэ уран сэтгэмжийг хөгжүүлж, зөв чигт нь залахад эцэг эхчүүд анхаарах хэрэгтэй. 

02.20-02.28-ны хооронд төрсөн Загасны ордныхон. Энэ өдрүүдэд төрсөн хүүхдүүд энэ жил маш идэвхитэй, нэг ч хором нэг газар тогтохооргүй байна. Энэ их эрч хүчийг нь зөв зарцуулахын тулд спортын секц, дугуйланд явуулвал амжилт олох магадлалтай. Олон найзуудтай болно. 

03.01-03-10-ны хооронд төрсөн загасныхан. Энх тайвныг эрхэмлэгч энэ хүүхдүүд бүхнийг бие дааж хийхийг хүснэ, тиймээс тэднийг тэвчиж, алсаас ажиглан хяналт тавих хэрэгтэй болох нь.  Өнөөдөр хөрш айлын муурыг аврахаар мод руу авирч, маргааш нь гэхэд л ганцаараа аялалд явна гэж зөрүүдлэнэ. Эцэг эхчүүд түүнд онцгой анхаарал тавих үе нь ирж байна. 

03.11-03.20-ны хооронд төрсөн загасны ордныхон. Суут хүүхэд гэсэн нэр энэ жил таны хүүхдэд яг тохирно. Гуравдугаар сарын сүүлээр төрсөн хүүхдүүд маш их авьяаслаг болж, компьютер программчлалаар ч хичээллэж магадгүй. Гэнэтийн зүйлд бэлэн байгаарай. 

ТӨРСӨН ЖИЛИЙН  ЗУРХАЙ 

Хулгана жилтэй Загасны ордныхон 
Тахиа жил танд олон гэнэтийн бэлэг бэлджээ. Үүнд санхүүгийн ололт амжилт, хайр дурлалын адал явдал ч хамаатай. Хамгийн гол нь хувийн амьдрал эсвэл албан тушаал, ажил хэргийн өсөлт  чухам аль нь танд  чухал гэдгийг олж мэдэх хэрэгтэй.  Эсвэл бүр гэртээ суугаад, амарч зугаалан, усан санд сэлж өнгөрүүлсэн ч болно. Таны л шийдэх хэрэг. Ямар ч тохиолдолд Тахиа жил танд ээлтэй байх болно. 

Үхэр жилтэй загасны ордныхон 
Энэ онд бүх асуудал тайван замаар шийдвэрлэгдэнэ. Тахиа жил танд буулт хийх, асуудлуудыг зугуухан шийдэх аргыг зааж өгнө. 2017 онд загасны ордныхон нөлөө бүхий хүмүүсээс санал хүлээн авч магадгүй. Энэ боломжийг алдалгүй амжилт, баялгийн өөдөөс зоригтой алх. 

Бар жилтэй загасны ордныхон
Энэ онд заль,сэргэлэн зан, овжин байдал танд хэрэг болно. Гал тахиа жил танд олон шинэ ажил, албан тушаал санал болгоно, та гагцхүү өөрт тааламжтайг л сонго.  Албан байгууллагад өндөр албан тушаал хашихаас эхлээд өөрийн бизнесийг эхлүүлэхэд ч таата.й 

Туулай жилтэй загасны ордныхон
Энэ онд таны хувьд бүх зүйл дардан байх болно. Хайр дурлал, ажил хэргийн талбарт ч аль алинд нь амжилттай байна. Гэхдээ бүтэн жилжингээ толгой өвдөхгүй, бүх зүйл таатай байна гэж санаа амрах хэрэггүй. Өрсөлдөгчид гарч ирнэ. 2017 онд санхүүгийн байдал тааламжтай байх тул өөрийн ажил хэргийг эхлүүлэх, аялал зугаалгаар гарах боломжтой болно. 

Луу жилтэй загасны ордныхон
Энэ онд та маш идэвхитэй байснаар аль ч салбарт амжилттай байж чадна. Жүжигчин, зураач, малчин гээд ямар ч салбарт ажилласан алдар хүнд олж, бусад хүмүүс таныг хүлээн зөвшөөрнө. Хувийн амьдралд тань ч гэнэтийн бэлэг олон ирнэ.  Хань ижлээ ч олох магадлал өндөр. Мөнгө санхүүгийн тухайд гэвэл санаа зовних хэрэггүй, хүссэнээрээ зарцуулж болно. 

Могой жилтэй загасны ордныхон
Адал явдал, эрсдэлтэй зүйлд татагдана. Гэхдээ ухаанаа алдаж болохгүй.  Мөнгөө өсгөхийн тулд мөрийтэй тоглоом тоглож, эсвэл мөнгө хүүлэгч болох гэж оролдох хэрэггүй. Гагцхүү ашигтай хөрөнгө оруулалтуудыг хийснээр таны санхүүгийн байдал эрс сайжирна. 

Морь жилтэй загасны ордныхон
Тахиа жил таны нэр хүнд маш сайн байна. Хүмүүс зүгээр л таныг харахдаа баяртай байх болно. Морь жилтнүүд даруу байдаг ч Тахиа өөрөө бардамнах, гоёх дуртай байдаг. Тиймээс энэ жил та даруу бай, харин гялалзаж одтой байхыг Тахиа хариуцна.  Хэт их хүчин чармайлт гаргахгүйгээр амжилтанд хүрч чадна. Ойр дотныхноо татах авьяасаа ашигла. Та бусдын хайр хүндэтгэлийг хүлээснээр амжилт аяндаа гарт орно. 

Хонь жилтэй загасны ордныхон
Хонь жилтэй загасны ордныхны хувьд 2017 он мөнгө санхүүгийн тал дээр гялалзсан, олдтой байх болно. Энэ жил ашигтай хөрөнгө оруулалтуудыг хий. Хатуу эдлэл худалдан авч, хадгалуулах хэрэгтэй. 

Бич жилтэй загасны ордныхон
Тахиа жилд бич жилтэй загасны ордныхон улс төрийн салбарт авьяас нь илэрч магадгүй. Ирээдүйд энэ салбарт хүч үзэх сууриа тавихад таатай цаг үе байна. 2017 онд хувийн амьдрал таатай байж, хэн бүхнийг өөртөө татаж чадах хэдий ч амархан уйдах, замаасаа буцах тохиолдлууд ч гарч болзошгүй. 

Тахиа жилтэй загасны ордныхон 
Тахиа жил тантай аз жаргалынхаа нөөцөөс хуваалцахад бэлэн байна. Тиймээс энэ жил уужуухнаар амьсгаа авч болно. Таны түрийвч мөнгөөр дүүрэн, гар утас хайрын дуудлагаар дүүрэн байна. Энэ бүхнээс залхвал чимээ анир багатай хөдөө газар хэд хоног амарчихад та сэргээд л ирнэ. 

Нохой жилтэй загасны ордныхон 
Энэ он нохой жилтэй загасныхны хувьд яг л үлгэрийн ордон шиг байх болно, гэхдээ зарц шивэгчингүй. Гэлээ ч бүхнийг бие дааж гайхалтай хийж чаддаг нохой жилтнүүдэд тэдний хэрэг юу байхав. 2017 онд шинэ ажил хэрэгт хүчээ сорьж болзошгүй. Хайр дурлалын тал дээр бүх зүйл тийм ч төгс байхгүй. Ялангуяа гэр бүлтэй хүмүүс гэрийнхэндээ онцгой анхаарал хандуулж, хайр халамжаа харуулаарай. 

Гахай жилтэй загасны ордныхон 
Энэ онд та маш өөдрөг нэгэн болно, тэглээ ч бүх зүйл сайхан болоод байхад инээмсэглэхгүй хүн гэж хаа байх вэ дээ. Ажил албан дээр амжилттай байж, хамт олныхоо дунд нэр хүндтэй болохын дээр атаархагчид ч гарч ирэх тул болгоомжил.  

ikon.mn