Монгол Улсын Засгийн газрын 2019 оны 05 дугаар сарын 22-ны өдрийн 204 дүгээр тогтоолын хүрээнд "Соёл, урлагийн ажилтны өдөр”-ийг 09 дүгээр сарын 14,15-ны өдрүүдэд тэмдэглэн өнгөрүүлэхээр БСШУСЯ-ны Соёл, урлагийн бодлогийн газар, Засгийн Газрын хэрэгжүүлэгч агентлаг Соёл, урлагийн газар, Нийслэлийн Соёл, урлагийн газар, Монголын Үндэсний номын сан хамтран зохион байгуулж байна.
"Соёл, урлагийн ажилтны өдөр”-ийг тэмдэглэн өнгөрүүлэх ажлын хүрээнд иргэдийн соёлын ерөнхий түвшинг дээшлүүлэх, уран сайхан, гоо зүйн боловсрол, хүмүүжил олгох, нийтийг соён гэгээрүүлэх салбарын үндсэн зорилтын хүрээнд “УЛАМЖЛАЛ-ИРЭЭДҮЙ” сэдэвт аян өрнүүлж, спортын тэмцээн уралдааныг явуулж байгаа билээ. Тэртээх 1993 оноос эхлэн жил бүрийн 09 дүгээр сарын хоёр дахь Ням гарагт тэмдэглэж ирсэн баярын үйл ажиллагаа энэ жил 09 дүгээр сарын 14-ний өдрийн 11:00 цагт Чингисийн хүрээ цогцолборт нээлтээ хийх тул соёл, урлагийн салбарын эрхэм та бүхнийг хүндэтгэн урьж байна.
