Монгол Улсын Хөдөлмөрийн баатар, Ардын уран зохиолч, Соёлын гавьяат зүтгэлтэн, Төрийн шагналт, “Болор цом”-ын хошой эзэн Б.Лхагвасүрэн агсны нэрэмжит яруу найргийн наадам болно.
Уг наадмын нэр нь “Антимир” бөгөөд бүтээлийг өнөөдрөөс ирэх хоёрдугаар сарын 3 хүртэл Монголын зохиолчдын эвлэлийн байранд бүтээл хүлээн авах аж. Наадамд оролцох хүсэлтэй найрагчид чөлөөт сэдэвтэй хоёр бүтээлээ бүртгүүлэх юм байна.
“Антимир” наадмыг Монголын зохиолчдын эвлэл, түүний үр хүүхэд хамтран зохион байгуулж байна. Наадмын товыг удахгүй товлох аж.
