"Voice mongolia" шоуны шүүгч, дасгалжуулагч С.Ононбатын "Нугалааны хатан хаан" буюу төрмөл авьяастан, хүчирхэг хоолойтон хэмээн онцолсон Б.Доржпагмын "KNOCKOUTS" шатны үзүүлбэр дэлхийн олон оронд нэгэн зэрэг зохион байгуулагдаж буй "Voice" шоуны 5-р сарын "Дэлхийн шилдэг" үзүүлбэрүүдийн жагсаалтад Монгол Улсаа төлөөлөн багтжээ. Энэ удаагийн "The Voice Of Mongolia" шоуны шилдэг оролцогчдыг өнгөлж, хүчирхэг оролцогчдын нэгээр хэдийнээ нэрлэгдэж явсан түүний хувьд санал хураалтын дүнгээс хамаарч шоугаа харамсалтайгаар өндөрлүүлсэн. Хэдийгээр энэ удаагийн шоугаа өндөрлүүлсэн ч цаашдаа олон гайхалтай уран бүтээлээ туурвиж, үнэнч дэмжигчид болон сонсогч түмэндээ хүргэж явах нь дамжиггүй юм.
Энэ дашрамд Б.Доржпагмыг товч танилцуулахад, 2014 онд "The Mongolian live sessions" шоуны Тэргүүн байр, 2015 онд "Universe Best Songs" шоуны Дэд байр, 2016 онд "All or nothing" шоуны тэргүүн байрыг тус тус эзэлж байсан авьяаслаг нэгэн юм. Мөн "Камертон" хамтлагийн ахлагч Д.Болдтой хамтарч "Voice" шоуны сүлд дуу болох "Гуниг бүхэн баяртай", Г.Мэнд-Амартай хамтарч "Огторгуйг орхисон шувуу" зэрэг дууг амилуулсан нь хит болсон билээ. Ингээд та бүхэндээ Б.Доржпагмын "The Voice Of Mongolia" шоуны тайзнаа эгшиглүүлж дэлхийн шилдэгт багтсан үзүүлбэрийг толилуулъя.
