Энэ сарын 20-21 өдрүүдэд ХБНГУ-ын Мюнхен хотноо зохиогдсон Курт Маасын Жазз хөгжмийн олон улсын уралдаанд Монголын залуу хөгжимчид болох Э.Шүтээн тэргүүн байр, Ц.Мөнгөнтовч дэд байрыг тус тус эзэлжээ.
Э.Шүтээн, Ц.Мөнгөнтовч нар нь Монгол Улсын Консерваторийн төгсөгчид бөгөөд 2014 оноос Германы нэрт хөгжимчин, Монгол улсын консерваторийн профессор Мартин Цинкер багшийн удирдлага дор жааз хөгжмийг суралцаж эхэлсэн байна. Тэд одоо Мюнхены Хөгжим, Театрын Урлагийн Их сургуульд суралцаж байгаа юм.
Уралдааны гуравдугаар байрын шагналыг Германы дуучин Алма Найду хүртсэн байна.
