Уртын сайхан дуунуудыг уянгалууланхан дуулж, дуунд дуртай дуучин түмнийхээ хайр хүндлэлийг хүлээсэн МУСТА, Уртын дуучин Т.Баянжаргал “Донж” хэмээх нэртэй ардын дууны цомгоо өлгийдөн авч, цомгийн баяраа энэ сарын 23-нд буюу ирэх Ням гаригийн Морь цагт Хүннү шоппинг моллын тайзнаа хийхээр болжээ.
Ард түмний амнаас ам дамжин дуулагддаг ардын сайхан дуунуудын ая данг шинэчлэн дуулж нэгэн цомогт багтаасан тэрээр цомгийн баяртаа ирсэн зочдын эхний 50 хүнд “Донж” цомгоо бэлэгдэхээр зэхжээ. Ийнхүү эрхэм уншигч таныг Уртын дуучин Т.Баянжаргалын “Донж” хэмээх нэртэй ардын дууны цомгийн баярт хүрэлцэн ирэхийг урьж байна.
