Монголын анхны “boy band”-уудын нэг “Номин талст” хамтлагийн 15 жилийн ойн баяр энэ онд тохиож байна. Тэд хамтлагийнхан ойн хүрээнд ирэх есдүгээр сарын 29, 30-нд Улаанбаатар паласын их танхимд өөрсдийн бие даасан тоглолтоо хийж, фенүүдтэйгээ хамт нижгэр баяр хийхээр болсон байна. Гэвч одоогоор тоглогдох тоглолтдоо нэр өгөөгүй байгаа гэж хамтлагийн ахлагч Д.Батсүх мэдээллээ.
Тэд тоглолтоо уг нь Ардын хувьсгалийн 91 жилийн ойн баяр наадамтай давхцуулан хийхээр төлөвлөж байсан ч 2012 оны УИХ-ын сонгууль, Лондонгын олимп зэрэг олон үйл явдалтай давхардсан учир тоглолтоо хойшлуулжээ.
“Номин талст" хамтлаг 1997 онд "Сүүлчийн удаа", "Гэрэл сүүдэр" зэрэг анхны хит дуунуудаараа олонд таниглаж байсан. Монголын урлагийн ертөнцөд мөрөө үлдээж явсан тус хамтлаг 2008 оноос хойш тайзнаа бүрэн бүрэлдэхүүнээрээ гараагүй билээ.
