Монголбанкнаас гаргасан өчигдрийн албан ханшаар ам.доллар 1344.82 төгрөгтэй тэнцжээ. Төв банкны албан ханшаар өнгөрсөн 15-нд ам.доллар 1340 төгрөгтэй тэнцэж байв. Энэ хугацаанаас хойш ам.долларын ханш чангарсаар байна.
“Найман шарга” валют арилжааны төвийн ченжүүд өнөөдөр ам.долларыг 1349 төгрөгөөр худалдан авч, 1351-ээр зарж байлаа. Юанийг 212.5-аар авч, 213 төгрөгөөр зарж байв.
Монголбанк өнөөдөр арилжааны банкуудад ам.долларыг 1344.95 төгрөгийн ханшаар худалдсанаа өөрийн вэбсайтдаа мэдээлжээ. Харин хэр хэмжээтэй ам.доллар худалдсанаа зарласангүй. Арилжааны банкууд өнөөдрийн дуудлага худалдаагаар Монголбанкнаас юань худалдаж авах санал тавьсан байна. Төв банк юанийн зах зээлийн эрэлт нийлүүлэлт тэнцвэртэй байна гэж үзээд худалдаагүй аж.
