“Мөрөөдлийн үзэг” хүүхдийн драмын жүжиг ирэх 11 сард нээлтээ хийнэ

Засгийн газрын хэрэгжүүлэгч агентлаг, Соёл урлагийн хорооноос хүүхдэд зориулсан уран бүтээлийг олшруулж, хөгжүүлэх зорилгоор драмын жүжиг болон хүүхэлдэйн жүжиг, хүүхдийн дууны цомгийн төслийн уралдааныг зарласан билээ. Уг төслийн драмын жүжгийн төрөлд Д.Нацагдоржийн нэрэмжит болон МЗЭ-ийн нэрэмжит шагналт, зохиолч Ц.Түмэнбаярын “Мөрөөдлийн үзэг” жүжгийн зохиол шалгарчээ. Тус жүжигт 13-16 насны хүүхдүүдийн үерхэл нөхөрлөл, хүсэл мөрөөдөл, багш сурагчдын харилцааг харуулах аж. ”Мөрөөдлийн үзэг”-ийн найруулагчаар МУАЖ Б.Мөнхдорж, тайзны зураачаар Д.Баярмагнай нар ажиллахаар болжээ. Харин жүжгийн гол дүрүүдийг “Гацуурхан” театрын уран бүтээлчид  амилуулж хүүхэд багачуудад хүргэж аж. Тус жүжиг ирэх 11 сард үзэгчдийн хүртээл болох юм. Дашрамд дурьдахад “Мөрөөдлийн үзэг” хүүхдийн драмын жүжгийг СГЗ Б.Жаргал телевизийн бүтээл болгон  МҮОНТВ-р гаргахаар болжээ.