Их Британийн инээдмийн жүжигчин Рассель Брэнд шинэ найз бүсгүйтэйгээ өнгөрсөн ням гаригт Лос-Анжелес хотоор зугаалсан байна.
37 настай жүжигчин залуу өнгөрсөн оны арванхоёрдугаар сард Кэти Перригээс салах өрөгдлөө өгч гэр бүлээ цуцлуулсан юм. Түүний шинэ найз бүсгүй Изабелла “Fast & Furious” киноны од жүжигчин Жордана Бревстерийн дүү бөгөөд “шоучин” гэхээс өөр нэр хүнд үгүй юм. Тиймээс ч хэвлэлүүд хөгжилтэй залуу Расселийг
өмнөхөөсөө дордуулсан гэж бичжээ. 
Буддын шашны шүтлэгтэй тэрбээр саяхан Дээрхийн гэгээн XIV далай ламтай Манчестер хотод уулзаж, амьдралынхаа талаар зөвлөгөө авсан байна. Гэхдээ тэдний дотночилсон уулзалтаар юу яригдсан ямар зөвлөгөө авсан нь нууц байгаа юм. Далай лам илтгэлийнхээ үеэр залууст хандан “Өдрийг зөвхөн ажилдаа зарцуул, шөнийг зөвхөн унтахад зориул. Тэгвэл чи аз жаргалтай байж чадна” гэжээ. Магадгүй энэхүү гайхалтай үг Рассельд нэгийг бодогдуулсан ч байж мэдэх юм. Хэдийгээр найз бүсгүйтэй болсон ч хамт явахдаа хөтлөлцөхгүй байгаа нь тэдний харилцаа гүнзгийрээгүйг илтгэж байгаа юм.
Б.Отгон
