Дэлхийн хамгийн нэр хүндтэй хөгжмийн шоуны нэг “Америкийн шүтээн” Женнифер Лопез, Стивен Тэйлор гэх хоёр ч шүүгчээ алдаад байлаа. Удахгүй эхлэх 12 дугаар цувралын өмнөхөн шоуныхан алдарт Мирая Кэритэй гэрээ байгуулж амжсан талаар “Fox” телевизийн захирал Кэвин Рэйлли мэдээлэв. “Би энэ ажилд томилогдсондоо их баяртай байна. Удахгүй эхлэх шинэ цувралыг тэсэн ядан хүлээж сууна” хэмээн Мариан Кэри ярьжээ.
“Fox”-ынхон дуучинтай улирлын 12 сая ам.долларын гэрээ байгуулсан ч Мариан 17 сая ам.доллар болгон өсгөх санал гарган, ийнхүү зөвшилцөлд хүрсэн байна. Мариан ирэх сард шинэ цомгоо худалдаанд гаргахаар зэхэж байгаа бөгөөд удахгүй анхны сингл нь гарах аж.
Г.Хүслэн
