Жессика Алба охиныхоо төрсөн өдрөөр Женнифер Лопестой тааралджээ. Тэд мөн хамтдаа дэлгүүр хэссэн байна. Холливудын алдарт бүсгүйчүүд өчигдөр буюу лхагва гаригт халуун дотноор уулзахдаа ийнхүү паппарацид өртжээ. Тэд Нью-Йоркийн Bubby"s ресторанд өдрийн хоол идэж, хэсэг хугацаанд цагийг хамт өнгөрөөжээ. 31 настай Жессика 11 сартай охин Хэвэн болон дөрвөн настай Анер охиныхоо хамтаар Нью-Йоркийн Трайбека хотоор хамтдаа зугаалсан байна. Жессика охидынхоо хамт явж байхдаа ханцуйгүй цагаан цамц, улбар шар өнгийн банзал, цагаан өнгийн цүнх, сандалаар гоёжээ. Харин түүний өхөөрдөм охид хоёул нарны, хөвөн даавуун даашинз өмссөн аж. Тэд Нью-Йоркоор зугаалж амрах дуртай ч Лос-Анжелест амьдардаг гэнэ. Тэрбээр охидынхоо хамтаар Нью-Йоркод өчигдөр ирсэн бөгөөд ирэхээсээ өмнө нөхөр Кейш Варрентай амарч байгаад ирсэн аж. Тэрбээр өөрийн Twitter хуудсан дээр Нью-Йоркод амархаар явах тухайгаа бичсэн бөгөөд амарч байх хугацаанд бороо битгий ороосой хэмээн хошигнон бичсэн гэнэ. Өнгөрсөн долоо хоногт тэрбээр Хятадын Шанхайд нөхөр хүүхдүүдийнхээ хамтаар амарчээ.
Э. Анхтуяа
