Монголын хөрөнгийн бирж өчигдөр 12 компанийн 67078 ширхэг хувьцааг 20.7 сая төгрөгөөр арилжсан байна.
Арилжааны дүнгээр хөрөнгийн зах зээлийн үнэлгээ нэг их наяд 908.1 тэрбум төгрөг болов. МХБ-ийн Тор-20 индекс 173.39 нэгжээр буюу 0.88 хувиар буурчээ. “Адуунчулуун” компанийн хувьцааны ханш 13.41 хувиар буурсан нь Тор-20 индексийн бууралтад нөлөөлжээ.
Арилжаагаар таван компанийн хувьцааны ханш өсөж, дөрвийнх буурч, гурвынх нь үнэт цаасны ханш тогтвортой байлаа. Хөрөнгө оруулагчид “Хөх ган” компанийн 65078 ширхэг хувьцааг 13 сая 15.6 мянган төгрөгөөр худалдан авсан нь хамгийн идэвхтэй арилжаа боллоо. Энэ нь арилжааны нийт үнийн дүнгийн 62.7 хувийг эзлэв.
Тус өдрийн арилжаанд “Эрдэнэт суварга” компанийн хувьцаа ханш хамгийн өндөр буюу 14.99 хувиар өсөж 4811 төгрөгт хүрч хаагдсан бол “Адуунчулуун”-ынх 13.41 хувиар буурч, 4243 төгрөгт хүрч хаагдсан байна.
Т.Энхбат
