Олон уран бүтээлчид энэ зуныг зөвхөн уран бүтээл хийхийг чухалчилж харин намраас олон нийтэд хүргэхээр зэхэж байна. Харин тэдний нэг бол Монголын анхны beatbox хамтлаг болох “Royal Beat Crew” юм. Тус хамтлагийнхан анхны бие даасан цомгоо ирэх есдүгээр сард гаргахаар зэхэж байгаа юм байна. Тэд энэхүү цомгоо “No instruments” гэж нэрлэх бөгөөд цомогт багтсан уран бүтээлүүд нь ямар ч хөгжмийн зэмсэг ашиглаагүй зөвхөн өөрсдөө 100 хувь аялгуу болоод beat-ээ хийсэн байх гэнэ. Энэ ч үүднээс цомгоо ийн нэрийджээ.
Цомогт 12 дуу багтах бөгөөд үндэсний, Reggie, jazz, dupstep гэх мэтчилэн олон төрлийн урсгалын дуунууд орсоноороо онцлогтой болж байгаа юм. Мөн хамтлагийнхан цомгийн ажилтайгаа зэрэгцэн шинэхэн клипүүдээ ч үзэгчдийн хүртээл болгох гэнэ.
Дашрамд, хамтлагийн залуус цомгийн ажлаасаа гадна улсын хэмжээнд Beatbox-ын уралдаан зохион байгуулах гэж байгаа гэнэ. Энэ талаарх мэдээллийг тун удахгүй хүргэе.
Ө.Халиун
