Испанийн дотоод хэргийн сайдын мэдээлснээр тус улсын нэрт зураач, уран барималч Пабло Пикассогийн бүтээлийг хулгайлах гэж байсан дөрвөн этгээдийг баривчилжээ. Гэмт этгээдүүдийн гарт орох гэж байсан уг зураг нь 1.2 сая евро буюу 1.5 сая ам.үнэтэй тосон будгийн бүтээл байжээ. Албаныхны мэдээлснээр “The best of Jeune garcon” нэртэй уг зураг нь Пикассогийн 1964 онд зурсан зураг гэнэ. Гэвч уг зургийг нэрт зураачийн зурсан жинхэнэ хувилбар, эсвэл хуурамч эсэхийг Испанийн урлагийн музейн ажилтнууд болоод бусад албаныхан нягтлан шалгаж байгаа юм байна. Пабло Пикассог XX зууны агуу зураачдын нэг гэж дэлхий даяар хүлээн зөвшөөрдөг. Кубызмын урсгалыг үндэслэгч юм. Пикассо бүр бага байхдаа зурдаг байсан ба анх хэлд орохдоо л “Lapiz” гэж хэлсэн аж. Энэ үг нь испани хэлнээс орчуулбал харандаа гэсэн үг гэнэ. Түүнийг 90 настай байхад уран бүтээлийн үзэсгэлэн нь Парисын Луврын музейд тавигдаж байжээ. Тэр амьд сэрүүндээ Луврын музейд үзэсгэлэнгээ гаргасан анхны уран бүтээлч юм.
Ө.Туул
