Кэти Холмсыг дахин инээмсэглэхийг харах сайхан байлаа шүү хэмээн барууны хэвлэлүүд бичиж байна. “Romantic” киноны жүжигчин бүсгүй маань зургаан жил ханилсан нөхөр Том Крузээс салаад ердөө нэг сар өнгөрч байна. Харин тэрээр энэ сарын 27-ны өдөр Нью-Йоркийн нэгэн зоогийн газарт Охайогоос гаралтай нэгэн залуутай уулзсаныг гярхай папарацичид хэдийнэ олоод мэдчихжээ. Кэти Номад зоогийн газраас гарч ирэх үедээ залуугийн хацар дээр үнсээд баяртай хэмээн хэлсэн нь хэдийнэ дуранд бууж амжсан байна. Мөн бүсгүй тэр үдэш маш гайхалтай байсныг хүлээн зөвшөөрсөн гэдгийг эх сурвалжууд мэдэгдлээ.
Холмс одоогоор охин Суригийн хамт Манхэттан дахь Чельсигийн байшинг сарын 12,500 долларын хөлсөөр түрээслэн амьдарч байгаа юм. Том Крузийн хамт охиноо эмнэлгийн анхан шатны үзлэгт хамруулсан Холмс ихэнх цагаа охины хамт Big Apple-д өнгөрүүлж байгаа ажээ. “Alice’s Teacup” хүүхдийн зуушны газар, Chelsea Piers’-т явж байхдаа гэрэл зурагчдын дуранд өртсөн ээж, охин хоёр Fao Schwarz хэмээх алдартай хүүхдийн тоглоомын дэлгүүр, Төв амьтны хүрээлэнгээр зугаалсан байна.
“Суригийн амьдрал өөрчлөгдөж байна. Кэти үнэхээр жинхэнэ ээж шиг байхыг хүсч, түүнд дэг журмыг зааж эхэлсэн” хэмээн түүний ойрын эх сурвалжууд ярьжээ. Одоогоор Холмс ирэх намар Бродвэйн тайзнаа тавигдах Тереза Ребекийн “Dead Accounts” хэмээх шинэ жүжигт тоглохоор ажиллаж байгаа юм. Таван дүрийн бүрэлдэхүүнтэй уг жүжгийг “Tony Awards”-ийн гурван удаагийн шагналт Жэк Обрайн найруулж байгаа аж.
