Энэ жилээс эхлэн “Оюутны үндэсний тэтгэлэг” болох 70 мянган төгрөгийг олгож эхэлсэн. Тэгвэл удахгүй эхлэх гэж буй хичээлийн шинэ жилээс урамшууллын тэтгэлэг 50, 75, 100 хувь гэсэн гурван төрлөөр олгох гэнэ.
50 хувийн тэтгэлэг нь “эрэлт ихтэй 20 мэргэжлээр бакалаврын зэргийн өдрийн ангид 3.2-оос дээш голчтой суралцаж буй оюутнууд, олон улсын байгууллагаар магадлан итгэмжлэгдсэн хөтөлбөр, гадаадын нэр хүнд бүхий боловсролын сургалтын байгууллагатай хамтарсан сургуульд суралцаж байгаа гурав болон түүнээс дээш голч дүнтэй оюутнууд, шинээр оюутан болж буй хүүхдүүд Засгийн газраас тогтоосон эрэлттэй мэргэжлээр шалгалт өгч, 720-оос дээш оноо авсан тохиолдолд” олгогдоно.
75 хувийн тэтгэлэг нь “3.6 голч дүнтэй бакалавр, магистр, докторын зэргээр суралцаж байгаа оюутнууд, улсын олимпиадад эхний гурван байр эзэлсэн хүүхэд 100 хувь урамшууллын тэтгэлэг хамрагдах юм.
Оюутнуудын анхаарах ёстой нэг зүйл нь ерөнхий шалгалтдаа 720-оос дээш оноо авч, 75 хувийн тэтгэлэгт хамрагдсан оюутан эхний нэг сардаа голч оноо өндөр байсан ч дараагийн сараас муудаж эхэлвэл урамшууллын тэтгэлгийг зогсоох бөгөөд тэтгэлэг хүртэх шалгуураа тухайн cap бүртээ хангасан байх шаардлагатай ажээ.
Э.Сувд
