Холливуудын жүжигчин Эштон Катчер хуучин эхнэр Дэми Мураас салсны дараа хэвлэлийн сэдэв болсон. Тэрбээр саяхан шинэ найз бүсгүй Мила Кунистай Бали арал руу романтик аялалд гарсан гэнэ. Шинэ хосууд өнгөрсөн ням гаригийн өглөө Лос-Анжелесийн нисэх буудал дээр хамтаа аялалд явах гэж байгаад паппарацид ийнхүү өртжээ. Хосууд модон лаври ортой, дотроо усан сантай, тансаг зэрэглэлийн буудалд байрласан гэнэ. Ойр дотных нь хүмүүсийн хэлснээр тэдний харилцаа муудах нь нь байтугай улам л дотно болж байгаа гэнэ. Хосууд Нью-Йоркт болсон “That 70s” шоун дээр үерхэж буйгаа албан ёсоор мэдэгдсэн аж. “New York Post” сонинд Эштон “That 70s” шоун дээр анх удаа Милаг үнссэнээр тэдний онцгой харилцаа олон нийтэд ойлгомжтой болсон гэж бичжээ. Өнгөрсөн долоо хоногт Эштон нэгэн шинэ киноны үдэшлэгт найз бүсгүй Милагийн хамтаар очсон бөгөөд сүүлийн үед тэд үргэлж л хамтаа явах болсон гэнэ.
Э.АНХТУЯА
