Сэргэн мандалтын үеийн аугаа зураач Микеланжило Бунонарроти бол дүрслэх урлагийн түүхэн дахь хамгийн гарамгай уран бүтээлч билээ. Хосгүй зураач, уран барилгач, уран барималч Микеланжило үзэгчдийн сэтгэлийг 400 жилийн турш бишрүүлсээр. Түүний төгс нандин бүтээлүүд нь Европын уран зураг, уран барилгын цаашдын хөгжилд асар их нөлөө үзүүлдэг. Тэрбээр бүхий л амьдралынхаа туршид сод авьяас билгээрээ гайхагдаж байсан бөгөөд хамба лам нар, хаад вангууд, төрийн удирдагчид зураг зуруулахаар, баримал хийлгэхээр өндөр шан харамж амлан урьдаг байжээ. Микеланжило амьдралынхаа хугацаанд олон хотод очиж, уран бүтээлээ туурвиж байсан ч, дийлэнх хэсгийг Ром, Флоренц хотуудад өнгөрөөжээ. 1508-1512 оны хооронд түүний зурсан Ром хотын Сикстиний Капелла сүмийн таазыг чимсэн ханын зураг нь урлагийн бүх цаг үеийн аугаа их ололт гэж тооцогдсоор байна.
