“Харанга” хамтлагийн гитарчин, гавьяат жүжигчин Ц.Энхманлай гурав, дөрвөн жилийн өмнө онгод тэнгэрээ хүлээн авч, бөө болсон билээ. Тухайн үед багагүй нууцалж, олны хэл амнаас зайлсхийж байсан ч энэ явдал нь нэгэнт ил болсон тул тэрбээр сахиусаа цаг ямагт зүүж явах болжээ.
Гэсэн хэдий ч, хэрхэн бөөлөх учраа олж ядан буй түүнд элдэв төрлийн засал хийх, хүний хувь тавиланг үзэх ямар ч сонирхол байдаггүй аж. Рок попынхон мань эрээс янз бүрийн юм асууж шалгаагаад амар заяаг нь үзүүлэхээ больсон тул тэрбээр “Би бөөгийн онгод сахиусаа авсан нь үнэн.
Гэхдээ учиргүй орилж хашгираад бөөлж туйлаад байж чадахгүй юм билээ. Яаж бөөлөх учраа ч олохгүй явж байхад юун амьтан хүний асуудлыг үзэх манатай” гэж хэлээд нүүр буруулсан гэх. Харин өдгөө онгод тэнгэрийн талаар нэлээд судалж, өөрийн гэх ойлголттой болсон Ц.Энхманлай уран бүтээл хийгээд хувийн амьдралынхаа асуудлыг “хөөрхөн” гэгч нь зохицуулдаг гэнэ лээ.
Р.Есүй
