Хэсэг хугацаанд эрч хүчтэй явсан тус хамтлагийнхан сүүлийн үед нам гүмхэн байгаа нь нууц биш. Оно нь Японд сурахаар одсон тул уран бүтээлийнхээ төлөвлөгөөнд өөрчлөлт оруулж, продюссер Б.Чулуунбат охидоо илүү хатуу гараар “зангидах” болжээ. “Making the band-I” шоунаас төрсөн энэхүү хамтлагийн хэд хэдэн дуу хит болсон ч тоймтой уран бүтээл гэхээр зүйл байдаггүй.
Охид нь өөрсдийн нэртэй нисэх онгоц мөрөөдөж, дэлхийд данстай дуучид болно гэж онгирохоос өөр гавьтай юм хийхгүй байгаад “Харанга” хамтлагийн хөгжимчин, ая зохиогч, дуучин Б.Чулуунбат нэлээд бухимджээ.
Тиймдээ ч хамтлагийн анхны бие даасан цомогт хамаг анхаарлаа хандуулж, “Up Music” продашиндаа хонуулах нь холгүй ажиллаж байгаа сурагтай. Эрх нь дэндсэн “Anymone”-ийн охид тун удахгүй бие даасан цомгоо бэлэн болгож, фэнүүдийнхээ санааг амраах нь.
Р.Есүй
