Өнгөрсөн зууны Америкийн секс шүтээн Мэрилин Монро 1962 оны наймдугаар сарын 5-нд Лос-Анжелесын Брэнтвүүд дэх гэртээ таалал төгссөн юм. Тэрбээр өнгөрсөн зууны хамгийн үзэсгэлэнтэй бүсгүйчүүдийн нэг байлаа.
Тиймдээ ч мэргэжилтнүүд гоо үзэсгэлэнгийнх нь нууцын талаар одоог хүртэл өөрсдийн хувилбараа дэвшүүлсээр байна. “Bazaar” сэтгүүлд бичсэн нийтлэл дийлэнх мэргэжилтний таамаглалд цэг тавьсан бололтой.
Тэнд өгүүлснээр Мэрилин Монро өглөө бүр сүү ууж, өндөг иддэг байж. Энэ бол түүний гоо сайхнаа хадгалах нууц байв. Америкийн хэвлэлүүд нэрт жүжигчнийг гоо сайхны тусгай бэлдмэл хэрэглэдэг байсан хэмээн бичиж байсан юм.
1963 оны наймдугаар сарын 4-нд гоо сайханч Эмили Нассюзын “Нью-Йорк таймс” сонинд өгсөн ярилцлагадаа “Мэрилин Монро галбираа алдчих вий гэж хэзээ ч санаа зовж байгаагүй. Учир нь тэр оройдоо багахан хэмжээний мах идэж, 20 грамм улаан дарс хэрэглэдэг. Энэ бол оройн хооллолтын хамгийн сонгодог хэлбэр. Магадгүй түүний биед хамгийн тохиромжтой хооллолт болов уу” гэжээ.
Мэрилин Монро жижигхэн биетэй, сайхан уруултай, шаргал үстэй нэгэн байсан. Тэр бол өнгөрсөн зууны төгс гоо үзэсгэлэнгийн тод жишээ байсан гэдэгт хэн ч маргахгүй биз ээ.
Т.Арьяа
