Наадмын өмнөхөн гавьяат цолоор энгэрээ мялаасан дуучин Ж.Алтанцэцэг шинэ дууныхаа клипийг хийхээр хилийн дээс алхжээ.
Поп опера цомог гаргаж, гурав дахь бие даасан тоглолтоо ирэх аравдугаар сарын 21, 22-нд хийх гэж буй тэрбээр ийн уран бүтээлийн ажилдаа шамдсан аж.
Төрийн шагнал хүртсэний дараа чамгүй их зүйл хийж бүтээх “өрөнд” орсон гавьяат маань шинэ клипээ чанарын өндөр түвшинд хийлгэхээр нэлээд мөнгө зарлагадсан сурагтай.
Юутай ч, ажил амралтаа хослуулан яваа дуучин бүсгүй багахан хэмжээний найр хийн төрийн шагналаа мялаалгах супер төлөвлөгөө боловсруулж эхэлсэн гэнэ лээ.
Р.Есүй
