Мехико хотын төвд орших Гарибальди талбайд олон зуун хүмүүс цуглаж, Чавел Варгаст сүүлчийн удаа хүндэтгэл үзүүлжээ. Мексикийн алдарт дуучин өнгөрсөн ням гаригт 93насандаа ерөнцийн мөнх бусыг үзүүлсэн юм. Чавел Варгасын жинхэнэ нэрийг Изабель Лизано гэдэг. Тэрээр 30аад оны сүүлээр мэргэжилийн карьераа эхлүүлж байсан бол 1961онд анхны цомгоо бичүүлж байсан аж. Алдарт дуучны урын санд нийт 80 цомог байдаг гэнэ. Түүнтэй салах ёс гүйцэтгэхээр хүмүүс урт дараалал үүсгэн шиврээ бороонд норон зогсож байжээ. Чавел Варгасыг шүтэн бишрэгч нэгэн эмэгтэй: “Тэр бол сахиулсан тэнгэр байсан. Богемын жинхэнэ төлөөлөгч байсан. Хэдийгээр тэр одоо бидний дунд байхгүй ч гэлээ хайрладаг хүмүүсийнхээ зүрх сэтгэлд үүрд амьдрах болно гэж” ярьжээ. Дуучин эмэгтэй тайзан дээр эрэгтэй хүний хувцастай гарч ирэн ранчера стилээр хайрын дуу дуулдаг байсан юм. Варгас эмэгтэйчүүдийн эрхийн төлөө тэмцэгч байсан төдийгүй өөрийн уламжлалт бус хүйсийн харьцааг нуудаггүй байсан юм. Тэрээр зураач Фрид Кало болон түүний нөхөртэй дотны найзууд байсныг эх сурвалжид тэмдэглэсэн байна.
Х.Уянга
