Саймон Коуэлл амралтын эдгээр өдрүүдэд Францын үзэсгэлэнт Сен-Тропед амарч байгаа аж. Тэрбээр үзэсгэлэнт далайн эрэг дээр амрахдаа 250.000 ам.доллараар “Slipstream” нэртэй хөлөг онгоцыг түрээсэлжээ.
Харин тэрбээр ийнхүү амрахдаа нэгэн нууцлаг хатагтайтай хамт байсан бөгөөд тэдний харилцаа их л дотно байсан нь олны анхаарлыг багагүй татжээ.
Зарим сэтгүүл дээр нууцлаг бүсгүйг түүнтэй ажил мэргэжлийн холбоогоор танилцаж тэдний харилцаа улам дотно болсон хэмээн таамаглаж байгаа юм байна. Гэсэн хэдий ч энэхүү үл таних бүсгүй Их Британий хөгжмийн ертөнцийн могул Саймон Коуэллийн хамгийн сайн найз эсвэл түүний эхнэр биш гэдэгт итгэлтэй байгаа юм байна. Хосуудын тансаг усан онгоц 12 хүн байрлаж болох томоохон унтлагын өрөөнөөс гадна дөрвөн тусдаа өрөө, хоёр угаалгын өрөөтэй гэнэ.
Э.АНХТУЯА
