Холливуудын сайхан хосын тоог нэгээр нэмсэн реалити шоуны од Ким Кардашиан болон дуучин Кэни Вест нар үерхээд тун ч удалгүй хамтран амьдрах болсон билээ. Тэр бүү хэл сүүлийн саруудад Ким ээж болохыг хүсч байна гэсэн мэдээллүүд гадна дотны сайтуудад бичигдэх болсон. Харин тэдний сүүлийн үеийн сониноос Кэни хайрт бүсгүйдээ зориулан нэгэн дууг олны хүртээл болгожээ. Түүний дуулсан “Perfekt Bitch” дуу нь Кимд маш их таалагдаж байгаа гэнэ шүү. Энэхүү дуунд эмэгтэй хүний төгс бие галбирыг магтан дуулсан ажээ. Кэни шинэ дуугаа Нью Иоркын нэгэн клубт танилцуулахадаа “Би “Perfekt Bitch” хэмээх дууг Кимд зориулж бүтээлээ. Бүх Америкчууд түүнийг маш сайхан бие галбиртайд санал нэг байдаг байх. Би дуундаа үүнийг илүү тусгаж өгсөн” хэмээн хэлжээ. Харин хариуд нь Ким “Надад маш хүндэтгэлтэй байна. Энэхүү дуу надад маш таалагдаж байгаа. Би “Bitch” гэдэг үгний утгыг сөргөөр хэлээгүй гэдгийг мэдэж байгаа. Энэ дуунд маш олон охидуудтай уулздаг байсан ч над шиг нэгэн байгаагүй гэсэн утгаар гарсан байсан” хэмээн сэтгүүлд өгсөн ярилцлагадаа хэлжээ.
Б.Ууганчимэг
