Тэгвэл Холливудын нэрт жүжигчин “Жэймс Бонд” киноны од жүжигчин Холли Берри 1986 онд АНУ-ыг төлөөлж дэлхийн мисст оролцсон африк гаралтай анхны эмэгтэй юм. Мартин Люттер Кингийн өрнүүлсэн эрх чөлөө, тэгш эрхийн төлөөх тэмцлээс хойш АНУ-ын эрх баригчид африк гаралтай иргэдийг дэмжих бодлого хэрэгжүүлсэн билээ.
Үүний нөлөөгөөр ч зарим хотын дарга, төрийн болон хувийн томоохон компанийн дарга захирлаар африк гаралтай иргэд ажиллах болсон юм. Тэд Кингийн эхлүүлсэн тэмцлээс өмнө цэвэрлэгчээр ажиллаж, зоогийн газарт аяга таваг угаах нь нийтлэг байв.
Холли Берри 1986 оны дэлхийн миссийн тэмцээнд улсаа төлөөлөн оролцох гэж байхад зарим хуучинсаг үзэлтнүүд эсэргүүцэж байсан тухай тэрбээр NBC телевизэд өгсөн ярилцлагадаа дурдаж байсан юм. 20 настайдаа дэлхийн мисст оролцохоосоо өмнө Охайо муж, Бүх Америкийн миссээр шалгарч байжээ. Харин АНУ-ын миссийн тэмцээнд Техасаас гаралтай Кристи Фичтнерийн дараа хоёрдугаарт орсон байна. Гэвч Холли Берри санал асуулгаар тэргүүлж дэлхийн миссийн тэмцээнд оролцож тавдугаар шат хүртэл өрсөлдсөн юм.
Жүжигчин бүсгүй одоо найз залуу Оливер Мартинез болон Ариэл охинтойгоо Беверли Хиллст амьдарч байна. Өчигдөр тэрбээр гэр бүл, найз нөхдийнхөө хүрээнд 46 насныхаа төрсөн өдрийг даруухан тэмдэглэжээ.
Т.Арьяа
