АНУ-ын Детройт хотын Insane Clown Posse хип-хоп хамтлаг тус улсын Холбооны мөрдөх товчоог шүүхэд өгөхөөр шийдсэн байна. 2011 онд тус товчоо нэгэн баримт бичгийг хэвлэн гаргахдаа тус хамтлагийн шүтэн бишрэгчдийг гудамжны гэмт бүлэглэлүүдэд хамаатуулсан аж. Тус хамтлагийн шүтэн бишрэгчид өөрсдийгөө Juggalos гэж нэрийддэг билээ. Тэд өөрсдийн слэнг яриатай бөгөөд үйл хөдлөлийн өвөрмөц загвартай юм.
Тус хамтлагийнхны үзэж байгаагаар тэдний шүтэн бишрэгчид гэмт хэрэгтнүүд биш гэнэ. “Бид Холбооны мөрдөх товчоог шүүхэд өгөх болно. Тэрхүү жагсаалтаас бидний нэрийг хасах ёстой. Тэд манай хамтлагийг зүйл дуусгахыг оролдож байна. Тиймээс бид хариуг нь барих болно” хэмээн тус хамтлагийн гишүүн Violent J мэдэгджээ. Тэдний нэр энэхүү жагсаалтад багтсанаар зарим нэг дэлгүүрүүд тэдний бэлгэдэл бүхий хувцас хэрэглэлийг худалдаалахаас татгалзсан байна. Энэ хамтлаг 1980-аад оны сүүлчээр байгуулагдсан юм.
