Холливудын дуулиант од Линдсей Лохан хэдэн жилийн турш буруу замаар будаа тээж явсны эцэст мэргэжлийнхээ ажилд гол анхаарлаа тавьж, улмаар гоо үзэсгэлэндээ ихэд анхаарах болжээ. Хар тамхи, согтууруулах ундаа, хулгайн хэрэгт удаа дараалан орооцолдож, шоронд хүртэл хоригдож үзсэн Линдсей Лохан сүүлийн хэдэн сард хүмүүжиж, эрүүл амьдралын хэв маяг сахих болсноор урьдын адил гоо үзэсгэлэнтэй харагдах болжээ. Түүний хамгийн сүүлд авахуулсан цагаан өнгийн усны хувцастай зураг үүнийг гэрчилж буй аж. Лохан Лос-Анжелесийн нэгэн зочид буудалд байрлаж, Элизабет Тэйлорын хайр сэтгэлийн түүхээс сэдэвлэсэн кинонд гол дүр бүтээж буй юм. Түүнийг зочид буудлынхаа бассейн орохоор усны хувцастай гарч ирэх үед папараццчид зураг дарж амжжээ. Линдсейд гадаа папараццчид олноор цуглачихаад байгааг сануулсан ч огт тоолгүй гарч, гоо үзэсгэлэнгээрээ гайхуулахыг хүссэн байна.
Р.Гэгээ
