Дуучин, жүжигчин Женнифер Лопес өөрийн дүүмэд амраг залуу Каспер Смартад таатай хандахаа больжээ.
Саяхны нэг өдөр бүжигчин залуу ижил хүйстнүүдийн цуглардаг клубээс гарч явахад нь папарацци нар зургийг нь авсан билээ. Тиймээс Лопес хайртыгаа эсрэг хүйсний хүмүүсийг идэвхийлэн сонирхож байна гэж хардах болов. Од бүсгүй харьцаагаа бага зэрэг хүйтэн болгосон нь ойлгомжтой.
Касперын найз нөхөд өмнө нь түүнийг Лопест хайртайдаа биш, харин ашиг сонирхлын үүднээс дотносч халуун харьцаа үүсгэсэн гэж нэг бус удаа мэдэгдэж байсан юм. Өөрөөр хэлбэл, Смарт бол хөнгөмсөг явдалтай залуу аж. Жүжигчин бүсгүй хэнтэй орооцолдсоноо сая л нэг юм ойлгож байх шиг байна. Сонирхолтой нь, дуучин бүсгүй ижил хүйстнүүдийн клубээс гарч байгаа Смартын гэрэл зургуудыг хараад ямар ч тайлбар хийгээгүй билээ. Харин тэнэг залуу “Би хаалга андуурсан юм” гэж хэлээд эвгүй байдалд оржээ.
Тэдний харьцаа нэлээн эртнээс хөндийрч эхэлсэн гэдэг. Тэгвэл сүүлчийн явдлаас үүдэн дуучин бүсгүй харьцаандаа завсарлага авахыг хатуу шийдсэн бололтой. Лопес бүсгүйд нялх амрагийнх нь тэнэг явдлууд таагүй санагдах болсноос гадна нэр хүндэд нь ч муугаар нөлөөлж болзошгүй болсныг тэрээр ойлгожээ. Харин Смарт эгчмэд бүсгүйдээ олон янзын гэнэтийн бэлэг барьсаар байгаа юм. Саяхан л гэхэд төрсөн өдрөөр нь түүний нүдийг боон дарвуулт завин дээр аваачсан байна. Тэнд дуучин бүсгүйг зочид болон олон тооны бэлэг хүлээж байжээ.
