48-хан насандаа хорвоогийн мөнх бусыг үзүүлсэн нэрт дуучин, жүжигчин Уитни Хьюстон агсны амьдралынхаа сүүлчийн хормуудыг зориулан бүтээсэн “Sparkle” мюзикл кино энэ сарын 17-нд буюу өчигдөр АНУ-д нээлтээ хийлээ.
Энэ нь алдарт дуучин, жүжигчин, бүхний хайртай од Уитнигийн хамгийн сүүлийн дүр байсан бөгөөд тэрээр киноны зураг авалт дуусаад удалгүй 3 сарын дараагаар таалал төгссөн ажээ.
“Sparkle” мюзикл нь 1976 онд гарч байсан “Sparkle” киноны дахин бүтээсэн шинэ хувилбар бөгөөд 1950-аад онд өрнөх өсвөр насны эгч дүү гурвын дуу хуураар хөглөгдсөн эгшиглэнт амьдралын эрээнтэй бараантай түүхийг өгүүлдэг кино юм байна. Харин дахин бүтээсэн шинэ хувилбарын үйл явдалд Америкийн томоохон хотуудын нэг Детройтод 1960-аад онд өрнөх эгч дүүсийн амьдралыг харуулах ажээ.
Киноны нээлтийн арга хэмжээний үеэр олны анхаарлыг ихээр татсан гол үйл явдал бол нэрт дуучны охин Бобби Кристина болон түүний “өргөмөл” ах Ник Гордон нарын үүсгэсэн “хайрын романс” байсан бөгөөд тэд Уитниг таалал төгсөөд удалгүй “үерхэх” болжээ.
Нэгэн үе Уитни Хьюстоны “нууц хүү” хэмээн олны хараанд ихээр өртөж байсан Никийг тэд 12 настай байхад нь өргөн авсан гэдэг бөгөөд түүнээс хойш нэгэн гэр бүл болж хамтдаа амьдрах болжээ. Тухайн үед Никийн аав шоронд орж харин ээж нь түүнийг асран халамжлах чадваргүй байсан учраас ийнхүү нэрт дуучны гэр бүлд “албан бус”-аар үрчлэгджээ.
Тэдний хайр сэтгэлийн харилцааны тухай өнгөрсөн 3 сараас хойш хэвлэлээр шуугиж эхэлсэн бөгөөд тэд Атлантад $1.2 сая долларын үнэтэй тансаг харшид амьдардаг ажээ. Жич: Бичлэгний чанарыг сайжруулж үзээрэй…
