Соёл, спорт, аялал жуулчлалын яам / хуучнаар БСШУЯ/, Соёл, урлагийн хороо хамтран орон нутгийн театр, чуулгын дунд “Сонгодог бүтээл- 2012” шилдэг бүтээл шалгаруулах ээлжит улсын уралдааныг зохион байгуулж байна. Наадмын журмын дагуу баруун бүсийн шалгаруулалт 10.02-ноос, зүүн бүсийн аймгуудынх 10.23-наас эхлэх бол төвийн бүсийн аймгуудын уралдаан Өвөрхангай аймгийн ХЖТ-т 2012 оны 10 сарын 15-20ны өдрүүдэд болно. Төвийн бүст Архангай, Өвөрхангай, Булган, Орхон, Дархан-Уул, Төв аймгийн театрууд хамрагддаг ажээ.
Энэ удаагийн урлагийн наадамд Орхон аймгийн Хүүхэд Залуучуудын театрын уран бүтээлчид У.Шекспирийн “Арван хоёр дахь шөнө” инээдмийн жүжгээр өрсөлдөхөөр бэлтгэлээ хангаж байна. Жүжгийн найруулагчаар МУСТА Х.Бямбабаатар, зураачаар Б.Сайханбаяр ажиллаж театрын залуу жүжигчид гол дүрүүдэд тоглох болжээ. 2008 онд болсон уралдаант шалгаруулалтанд Эрдэнэтийн уран бүтээлчид У.Шекспирийн “Макбет” жүжгээрээ Төвийн бүсийн шалгаруулалтанд тэргүүн байрыг эзэлж, улсын хэмжэээнд гуравдугаар байрт орсон амжилт үзүүлж байжээ.
Р.Слава
