Жүжигчин Б.Наранбаатар ерөнхий найруулагч болжээ

XXI зууны Монголын театрын өнгө төрхийг тодорхойлж байгаа манай авьяаслаг жүжигчин, найруулагчдын нэг бол яахын аргагүй найз нөхдийнхөө дунд Пара хэмээн алдаршсан залуу найруулагч Б.Наранбаатар гэдгийг хэн хүнгүй мэдэх билээ. Тэрбээр жүжигчин Эрдэнэбилэг, Болд-Эрдэнэ, Амгаланбаатар нартай хамтарч “Драмын 4” гэдэг фракц байгуулан дуулж, жүжиглэж, кино бүтээж, мюзикл тавьж, тайз дэлгэцийн бүх л салбарт авьяас билгээ сорьж яваа.
Тэгвэл өчигдөр УДЭТ-ын жүжигчин, найруулагчийн албан тушаал дээр байсан Пара буюу Б.Наранбаатар МУГЖ Найдандоржоос ерөнхий найруулагчийн албан тушаалыг хүлээн авлаа. Түүний насных нь мөрөөдөл байсан энэхүү албан тушаалыг авсанаа өөрийн ойр дотны уран бүтээлч анд нөхөдтэйгээ Төв цэнгэлдэхийн хажууд орших “Хурд” хорооллын дунд байдаг ресторанд өргөн дэлгэр нижгэр тэмдэглэжээ.