Америкийн алдарт жүжигчин, найруулагч Мел Гибсон шинэ найз бүсгүйтэй болжээ. Тэрбээр энэ удаад Италийн дуучин Надя Ланфранконийг сонгосон гэнэ. Үүнээс харахад Мелийг хөгжимлөг бүсгүйчүүд татдаг бололтой. Урьд нь шуугиантайхан салж байсан орос бүсгүй Оксана Григорьева нь төгөлдөр хуурч байсан бол энэ удаад дахиад л нэг хөгжимчин, гэхдээ Италийнх.
Дашрамд дуулгахад Надя 2007 онд Италиас АНУ-д шилжин иржээ. Одоогоор түүнийг Гибсонтой гэрлэхээр шийдтэл нухацтай харилцаа тогтоосон гэж хэлж болохгүй, гэхдээ л хосууд ихэнх цагаа хамтдаа өнгөрөөж, суши бааранд хооллодог гэнэ. Сонирхолтой нь Надя зөвхөн хөгжимчин төдийгүй рекламны ертөнцөд ч хөл тавиад амжсан. Бүр яаж гээч, өнгөрсөн жил “нууц орон”-оо дөнгөж халхалсан богино суудалтай жийнсний сурталчилгаанд тоглон, эрчүүдийн нүдийг унагаад амжина лээ.
