Хоёр хоногийн дараа оюутан сурагчдын хичээл эхлэн их хот хөдөлгөөнд орох гэж байна. Үүнтэй давхцан монголын шинэ үеийн шилдэг хамтлаг, дуучдын нэгдсэн “Хичээлийн дараа-2012” супер шоу тоглолт болох гэж байна.
Энэ үдэш хамгийн доргио, шинэлэг, сэтгэл хөдөлгөм залуу одод "Хичээлийн дараа-2012" супер шоу тоглолтонд чуулах бөгөөд амьд хөгжмийн хамтлагуудыг төлөөлөн “A Sound”, “UFO”, “The Lemons” оролцох юм байна. Харин хип хопчидоос Rokit Bay, Gee, Цэцэ, Гантулга оролцох бол охидын “Anemone”, “Extacy” хамтлагууд оролцоно. Мөн дуучин Отгоо, Баярцэцэг, Daisy, Сонор, Маралжингоо, Мино & Амараа, “Universe Best Songs” наадмын шилдэг дуучид болох Мишээл, Соёмбо, Мөнх-Эрдэнэ, Төгсбаяр нараас гадна дуучин BX, A Cool гээд залуусын сонсох дуртай дуучид оролцох ажээ. Түүнчлэн бүжгийн “Улаан туг”, “Бөртэ чонын үрс” хамтлагууд бүжих юм байна. Мөн битбоксын хэмнэлийг залууст “Royal Beat Crew”-ийнхэн мэдрүүлнэ гэсэн.
Хичээлийн шинэ жилийнхээ нээлтийн баярыг Монголын шинэ үеийн шилдэг хамтлаг, дуучидтай тэмдэглэн өнгөрөөхийг хүсвэл залуус та бүхэн 9 дүгээр сарын 1-нд 18 цагаас “UB Palace”-н “Open Air”-т болох “Хичээлийн дараа-2012” супер шоу тоглолтыг зориорой.
Тоглолтын тасалбар “UB Palace”-н кассаар 5000 төгрөгийн үнэтэйгээр худалдаанд гараад байна. Тиймээс залуус та бүхнийг тасалбараа яаравчлан авахыг сануулж байна. Харин тоглолтын талаарх дэлгэрэнгүй мэдээллийг 8805-1754 утаснаас лавлах боломжтой.
