АНУ-ын рэппер Ти Ай буюу Клиффорд Жосеф Харрис өчигдөр 32 нас хүрчээ. Тэрээр “Гранд Хэстл Рекордс”-оор овоглох болсноос хойш түүний рэпийн ертөнцөд цөөнгүй хүн мэддэг болов. Продюссер, кино зохиол бичих сонирхол нь ч түүнийг урлагийн хүн мөн гэдгийг “Цаасны хэрэг” дэлгэцийн бүтээлээр нь баталдаг юм.
Дуулахын хажуугаар кино зохиол бичиж эхэлсэн Ти Ай өөрийн гэсэн студитэй болсноос хойш АНУ-ын рэп урлагийн “том”-чуудтай хамтрах болжээ. Түүний “Уат Юү Ноу” дууг нь алдарт Кэни Уэст хамтран бүтээлцсэн бөгөөд үүнээс гадна Жэй Зи, Лил Уэйн, Жастин Тимберлэйк нартай уран бүтээлийн холбоотой ажиллах болжээ.
Тэр уран бүтээлч болохоосоо өмнө Атлантагийн ядуусын хороололд хар тамхи зарж, мансуурч өссөн нэгэн юм. Гэхдээ Жиоржагийн урлагийн коллежид шалгалт өгөх зорилго тавьснаар өнөөдрийн алдарт хүрчээ.
Т.Батсугар
