Рок поп урлагт 14 настайдаа анхлан хөл тавьж "Харанга хамтлагаас ”Үгүйлэн санана” дууг нь дуулах эрх аваад хязгааргүй их баярлаж явсан тэр жаахан охин өдгөө олонд танигдсан дуучин болжээ.
Түүнээс хойш өдий хүртэл хугацаанд түүний хөгжмийг харах үзэл бодол багагүй өөрчлөгджээ. Рок попын ахмад, дунд үеийн олон уран бүтээлчид ч итгэл найдвар тавин байгаа залуу уран бүтээлчдийн дундаас Маралжингоог онцлон нэрлэдэг нь бас учиртай. Одоогоор Маралжингоо нь шинэ уран бүтээл дээрээ ая зохиогч Гангатай хамтран ажиллаж байгаа бөгөөд энэхүү уран бүтээл нь улиг болсон поп-баллад биш өөр сонирхолтой хөгжимөөр хийгдэж байгаагаараа маш онцлог гэнэ.
Тэрээр энэхүү дуугаараа рок, поп хөгжмийг өөрчлөх болно хэмээжээ.
