Рок попын урлагийн ертөнцөд өөрийн гэсэн урсгалыг тунхаглаж, үүгээрээ уран бүтээлчийнхээ авьяас чадварыг гайхуулж, шагшуулж буй нь Төрийн соёрхолт, дуучин Б.Болд гэхэд хилсдэхгүй. Тиймдээ ч “Монгол поп-2” цомгоо тун удахгүй гаргаж, дараа нь R&B поп цомгоо сонсогчдодоо хүргэхээр ажиллаж байна. Харин дуучин залуу маань Монгол попыг өөр хаана ч байхгүй, байгаагүй өнгө хэмнэл, аялгуутай гаргаж байгаагаараа онцлог. Тэрбээр үүгээрээ бахархах дуртай. Нөгөөтэйгүүр энэ урсгал нь Монгол Улсын хөгжмийн урлагийг тодорхойлж байхыг хүсдэг. Мөн орчин цагийн хөгжмийн урсгал өөрийн гэсэн нэр томъёололтой байвал цаашид Монголын урлагийг гадаадад сурталчлах том гүүр болно хэмээн үндэсний хэв маягийг хадгалсан Монгол попыг тунхагласан нь энэ.
