Тэртээ 1937 онд БНМАУ-ын Сайд нарын Зөвлөлийн 45-р тоот тушаалаар “Уран сайхны сургууль” нэртэйгээр байгуулагдсан Хөгжим бүжгийн коллежийн 75 жилийн ой энэ онд тохиож буй. Энэ хүрээнд коллежид шинэ өргөтгөл барихын зэрэгцээ хөгжмийн консерватори болгох тухай саналыг эрх баригчдад хүргүүлж, хэлэлцүүлэхэд нааштай хариу өгсөн ч тодорхой шийдэлд хараахан хүрээгүй байна. Юутай ч ХБК ойн хүрээнд энэ сарын 8-12-ны хооронд багш, сурагчдын цуврал тоглолтоо зохион байгуулахаар болжээ.
Тухайлбал, “Урлагийн мастер багш нарын тоглолт” 8-нд Улаанбаатар чуулгад, “Бид их урлагийнхан” сонгодог тоглолт 9-нд Хүүхдийн ордонд, “Үндэсний урлаг шинэ зуунд” ардын урлагийн тоглолт энэ сарын 10-нд ҮДБЭЧ-д, Циркийн ангийн төгсөгчдийн тайлан 11-нд Үндэсний циркт, “Их найрал хөгжим-2012”-ыг энэ сарын 12-нд ДБЭТ-т зохион байгуулах юм.
www.urlag.mn
