“Ким Кардашиан, Канье Уэст нар хүүхэдтэй болох нээ”

Америкийн реалити шоуны од, модель, бизнес эрхлэгч эмэгтэй Ким Кардашиан реппэр Кэни Уэйсттэй үерхээд багагүй хугацаа өнгөрсөн билээ. Сүүлийн үед зарим хэвлэлд үзэсгэлэнтэй бүсгүйг бие давхар болсон хэмээн бичих болсон юм. Тэгвэл түүний ээж Крис Женнер, дүү Холи, эгч Куртни Кардашиан нар “Twitter” хуудсандаа энэ тухай үгүйсгээгүй байна.
Хатагтай Крис Женнер дунд охиныгоо жирэмсэн болсныг нотолж “Хүүхэд, хүүхэд, хүүхэд” хэмээн бичжээ. Холигийн нөхөр, сагсан бөмбөгч Ламар Одом мөн Ким Кардашианыг хүүхэдтэй болсныг хүлээн зөвшөөрсөн байна. Элдэв шоу, үдэшлэгт оролцож байдаг Ким Кардашиан жирэмсэн болсон нь түүний амьдралын хэв маягийг эрс өөрчлөх нь гарцаагүй юм.
Тэрбээр өнгөрсөн оны наймдугаар сард сагсан бөмбөгч Крис Хамфристэй гэрлэсэн ч хосууд 72 өдрийн дараа салсан. Ким Кардашиан салалтын шалтгааны тухай “The Sun” сонин өгсөн ярилцлагадаа “Крис бол үнэхээр биеэ тоосон, бас хэнэггүй эр. Тэр магадгүй надад гар хүрч ч мэднэ. Крис уураа хянаж чадахгүй байх тохиолдол цөөнгүй гарсан” хэмээжээ. Харин өнөөгийн үерхэж буй реппэр Кэни Уэйст хэрэг төвөгт холбогдоод байдаггүй. Бас халамжтай гэдгээрээ онцлогтой гэнэ.