Жүжигчин Ааяа үлийн цагаан оготонотой тэмцэх гэнэ

Хошин урлагийн тайзнаа  адтай хэмээх дүгнэлтийг үзэгчдээс хүртэж, Х-ТҮЦ хамтлагт нэлээд олон жил зүтгэсэн хүн бол  жүжигчин Ш.Алтанцэцэг билээ. Тэрбээр бөөгийн онгод хүлээн авч удган болсноор уран бүтээлээсээ нэг мөсөн хөндийрсөн гэх мэдээлэл гараад байсан. Гэвч жүжигчин Ш.Алтанцэцэг уран бүтээлчийнхээ замд эргэн орж “Мөрөөдлийн театр”-ын жүжигчнээр ажиллаж байгаа. Тэрбээр удган болсон болоод ч тэр үү ихэд сэтгэл зөөлөнтэй болсон бололтой. Тодруулбал, байгаль орчиндоо санаа зовохдоо үлийн цагаан оготоно бэлчээрийг хэрхэн устгаж байгаа талаар ном гаргах гэнэ. Мөн ирэх гуравдугаар сарын 18-нд буюу Монгол цэргийн баярын өдөр эрчүүдээ магтан дуулсан бие даасан тоглолт хийхээр төлөвлөөд байгаа аж. Тал талын авъяастай тас хийсэн инээдтэй жүжигчин Ааяаг хэзээ юу хийхийг хэн ч тааж мэдэхгүй нь бололтой. 



Ж.Отгон