Цаанаа л нэг донжтой хатагтай

Монголын яруу найргийн ноён оргилд хүндтэй байр суурийг эзэлдэг , эрхэмсэг хатагтай Цоодолын Хуланг яруу найраг сонирхдог хэн бүхэн андахгүй. Цаанаа л нэг донжтой агаад эрхэмсэг энэ хатагтайн  үг болон үйлдэл бүр нь шулуун шударга мэт. Түүний шүлгээр, яруу найргийн ертөнцөд бид ханатлаа “зугаалдаг”.  Гэхдээ бас  түүний талаар мэдэхгүй “ертөнц” их биз ээ. Өдгөө “Хүүхэлдэйн театр”-ын даргын хүндтэй албыг хашиж буй Ц.Хулан “Орших уу эс орших уу” наадмын шүүгчээр ажлаад 2 дахь жилтэйгээ золгож байна. Оролцогч хүүхдүүдийг жинхэнэ шүүж ,буруу зөвийг нь хэлдэг хатагтайг их чанга зантай юмуу даа хэмээн зарим хүмүүс нь дүгнэдэг. Гэхдээ тэрээр  л урлагт хэзээ ч арийн хаалга  байдаггүй гэдгийг ямагт сануулдаг учир тэрээр авъяасгүй нэгнийг хэзээч хуурамчаар дэмжидэггүй.