“Мөрөөдлийн театр”-ын жүжигчин Батушка сүүлийн үед кино урлагт хүч сорих болсон. Сүүлийн байдлаар найз Билэгжаргалынхаа найруулсан “Гарал угсаа” кинонд гол дүр бүтээж, хошин урлагаас илүүтэй дэлгэцийн бүтээлд тохирохуйц жүжигчин гэдгээ харуулсан. Хошин урлагийн үзүүлбэрт голчлон гэнэн томоогүй залуугийн дүрд тоглодог байсан тэрбээр “Гарал угсаа”-д бүтээсэн дүрээрээ үзэгчдийн үнэлэмжийг өөрчилж чадсан юм. Хошин урлагт байхдаа олигтой гол дүр бүтээж байгаагүй түүнийг үзэгчид “Энэ Батушка чинь овоо жүжиглэдэг залуу байна шүү” хэмээн магтаж байгаагаас харахад одоо л зөв замаараа явж байгаа бололтой.
urlag.mn
