Өвөрмонгол бизнесментэй гэр бүл болж, удалгүй салсан дуучин С.Сэрчмаа багагүй хэл аманд өртдөг. Тэгвэл одоогоор шинэ уран бүтээлээ хийхээр ханцуй шамлаад байгаа аж. Тэрээр “Сэли” хэмээх продакшин байгуулж, өөрийнхөө амьдралаас сэдэвлэсэн кино хийж байгаа ажээ. Түүний амьдралыг харуулах уг кино ирэх оны эхээр нээлтээ хийх юм байна. Мөн “Би явлаа, баяртай” гэсэн нэртэй ажээ.
Уг кинонд дуучин С.Сэрчмаагийн амьдралын тухай нэлээд дэлгэрэнгүй гаргах юм байна. Киноны гол дүрд дуучин С.Сэрчмаа өөрөө тоглож байгаа аж. Түүнчлэн киноныхоо продюссороор нь ажиллажээ. Мөн киноныхоо зураг авалтыг Монгол, Хятад, Герман гэсэн гурван орныг дамжиж хийсэн байна.
“Сэли” продакшны анхны уран бүтээл бөгөөд дуучин С.Сэрчмаа саяхан бурханы оронд заларсан ээждээ зориулж хийж байгаа ажээ. Мөн залуу бүсгүйчүүдэд ухаарал хайрлах бүтээл болж байгаа гэжээ. Мөн түүний энэхүү киног нь экс нөхөр нь ивээн тэтгэж байгаа юм байна.
www.URLAG.mn
