Номинталст хамтлагийн дуучин А.Хаянхярвааг урлагийхан дундаа л нийгмийн идэвхи сайтаа хэмээн ярьцаадаг. Үнэхээр нийгмийн сайн сайхны төлөөх үйл ажиллагаа, арга хэмжээнүүдэд тун ч идэвхи санаачлагтай оролцож өөрийн үнэнч фенүүддээ хүндлэгдэж явдаг нэгэн билээ.
Тэрээр дуучин А.Хаянхярваа саяхны нэг өдөр “Миний сүлжээ дэлгүүр”-ээр үйлчлүүлэхдээ муудсан жимс зарж байсаныг нь утасныхаа камераар баримтжуулж өөрийн “facebook” хуудаснаа нийтэлсэн нь ээлжит сенсаацыг тариад байна. Тодруулбал уг дэлгүүрийн жимсний лангуунд байсан тоор жимс хүн худалдаж авах нь байтугай барихын аргагүй болтлоо муудсан байжээ. Үнэхээр тус сүлжээ дэлгүүртэй холбоотой санал гомдол, сөрөг мэдээ мэдээлэл иргэдийн зүгээс олонтоо гардаг ч тэгэсхийгээд л намждаг. Харин энэ удаад олны танил эрхэмийн нотлох баримттай мэдээлэл цацагдаснаар худалдан авагч үйлчлүүлэгчид нэгийг бодход хүргэж байгаа бизээ.
Дашрамд дуулгахад өмнө нь “Миний сүлжээ дэлгүүр”-ийн бүтээгдэхүүнээс үхсэн хачигны сэг, тутраганы шөвгөр хошуут цох гэх мэт хүний санаанд оромгүй олон хорт зүлйс олноор илэрч байжээ. Мөн мэргэжлийн хяналтын байгууллагаас өмнө нь олон удаа сануулга өгч, торгож бүр гурван салбарыг нь хааж байсан удаатай гэнэ.
www.URLAG.mn
