Язгуур урлагаа түгээн дэлгэрүүлж, дэлхий нийтэд таниулахыг зорьж буй “Домог”, “Хөсөгтөн”, “Алтан ураг”, “Арга билэг”, “Жонон” хэмээх хамтлагуудын хамтарсан "Монгол" хэмээх тоглолт 2012 оны 02 дугаар сарын 18, 19-нд анх удаагаа болсон билээ. Монгол Улсын Ерөнхийлөгчийн ивээл дор зохион байгуулагдсан тус тоглолтын ерөнхий найруулагчаар Төрийн шагналт, жүжигчин МУГЖ Д.Сосорбарам ажилласан билээ. Тус хамтлагууд нь тус тусын онцлог шинж, өнгө төрх, айзам хэмнэлийг харуулсан уран бүтээлүүдээ сонирхуулсан гайхалтай тоглолт болсон юм. Тухайлбал, “Алтан ураг” хамтлаг рок, “Арга билэг” хамтлаг этно жааз стилиэр тоглох юм байна. Харин “Хөсөгтөн” хамтлаг хөөмэйд тулгуурлан, “Жонон” хамтлаг орчин үеийн поп стилиэр дагнаж, “Домог” хамтлаг ардын уламжлалт аялгууг орчин үеийн модерн, шинэ хөгжмийн стильд оруулж тоглосон нь үзэгчдийн сэтгэлийн үнэхээр цэнгүүлж чадсан юм.
Ингээд “Домог”, “Хөсөгтөн”, “Алтан ураг”, “Арга билэг”, “Жонон” хэмээх хамтлагуудын хамтарсан "Монгол" тоглолтын хамгийн оргил хэсэг болох төрийн шагналт хөгжмийн зохиолч Э.Чойдогын "Жалам хар" аялгууг гайхалтай амьдруулсаныг нь та бүхэндээ хүргэж байна.
www.URLAG.mn
